Свет
Германскиот министер контра Фон дер Лајен: Фундаментално е погрешно да се зборува сега за распоредувањето сили во Украина

Германскиот министер за одбрана, Борис Писториус, денес ја критикуваше претседателката на Европската комисија, Урсула фон дер Лајен, поради јавно претставените планови за испраќање мултинационални сили во Украина како дел од долгорочни безбедносни гаранции.
Писториус изјави дека е „фундаментално погрешно“ да се разговара за такви опции пред мировните преговори.
„Европската Унија нема никаква одговорност ниту надлежност кога станува збор за распоредување на сили. Би се воздржал од потврдување или коментирање на такви размислувања на било кој начин“, рече министерот пред новинарите во објект на одбранбената индустрија во западногерманскиот град Тројсдорф.
Тој потврди дека владите размислуваат што би било можно „под кои услови и ограничувања“.
„Но мислам дека е целосно погрешно јавно да се дискутира за тоа во овој момент“, додаде Писториус.
Во интервју за „Фајненшл тајмс“, фон дер Лајен изјави дека Европа прави „доволно прецизни планови“ за распоредување на мултинационални сили во Украина.
Претседателката на Комисијата рече дека плановите би можеле да вклучат десетици илјади војници од европските земји, со поддршка од САД во области како разузнавање и командување.
Фон дер Лајен нагласи дека силните гаранции се „од најголема важност“ за заштита на Украина од идни руски напади и за зачувување на безбедноста на цела Европа.
Таа исто така ја поздрави подготвеноста на американскиот претседател Доналд Трамп да обезбеди она што го опиша како „безбедносна гаранција слична на член 5“ за Киев.
Идејата за стационирање на западни сили во Украина предизвикува длабоки поделби. Франција и Велика Британија разговараат за ова прашање, САД и земјите членки на НАТО, како Полска, ја исклучија можноста за испраќање трупи, додека некои земји се уште не се одлучни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Израелците објавија снимка: „Ги убивавме вооружените милитанти кои ја преминаа Жолтата линија“

Израелската армија (ИДФ) објави дека денес убила неколку вооружени палестински милитанти кои им се приближиле на израелските сили во северниот дел на Појасот Газа.
Според соопштението, група вооружени мажи ја преминале таканаречената Жолта линија, до која израелската армија се повлече според условите на сегашниот прекин на огнот, во областа Беит Лахија во северна Газа и претставувале непосредна закана за силите.
תיעוד: חוסלו מהאוויר מחבלים חמושים שנעו לעבר כוח צה״ל בצפון רצועת עזה
מוקדם יותר היום, זוהו מספר מחבלים חמושים אשר התקרבו לכוחות צה"ל הפועלים במרחב בית לאהיא מעבר לקו הצהוב, והיוו איום מיידי לכוחות.
בהתאם להסכם, צה״ל תקף באמצעות כלי טיס של חיל האוויר, את המחבלים שחצו את הקו… pic.twitter.com/0nuvTtuGAs
— צבא ההגנה לישראל (@idfonline) October 19, 2025
Во согласност со договорот, соопшти израелската армија, вооружените лица биле цел на напади со беспилотни летала за да се отстрани заканата.
Армијата, исто така, објави видео од нападот.
фото: принтскрин
Свет
Израел ја запре испораката на помош за Појасот Газа

Израел ја запре испораката на хуманитарна помош за Појасот Газа поради, како што наведуваат израелските безбедносни власти, „очигледно прекршување на примирјето од страна на Хамас“, пренесоа агенциите.
„Трансферот на хуманитарна помош е стопиран до понатамошно известување“, изјавил израелски безбедносен претставник, пренесе „ДПА“. Израелската војска соопшти дека милитанти во неделата нападнале израелски војници на југот и северот на појасот, користејќи и противтенковска ракета.
Премиерот Бенјамин Нетанјаху им наредил на војниците да преземат одлучни мерки против терористички цели, откако се појавиле извештаи за нападите.
Според Ројтерс, Нетанјаху ја донел одлуката по консултации со министерот за одбрана и безбедносните служби.
Хамас ги негираше нападите и го обвини Израел за кршење на примирјето и за „измислување изговори“ со цел да ги оправда своите акции.
Примирјето, што стапи во сила на 10 октомври, предвидуваше зголемена испорака на помош — до 600 камиони дневно — но по новите инциденти Израел целосно ја прекина испораката.
Свет
Руси: Започнавме со ослободување на градот Херсон

Владимир Салдо, нелегалниот руски гувернер на Херсонската област, изјави за ТАСС дека „руските вооружени сили започнаа со ослободувањето на Херсон од украинската армија“. Според него, „индустриската зона и викендичките на островите во долниот тек на реката веќе се под руска контрола“.
Нелегално прогласениот гувернер објасни дека неколку делови од градот се наоѓаат на левиот брег на реката Днепар и се под контрола на руските вооружени сили. Тој нагласи дека овие области се главно индустриски зони, а покрај тоа, „руската војска контролира голем број викендички“.
„На островите што се наоѓаат во долниот тек на Днепар, од Херсон па сè до Црното Море, има доста голем број летниковци. Сите тие се исто така под контрола на (руските) вооружени сили. Затоа, ослободувањето на самиот град Херсон веќе започна“, рече Салдо.
Тој изјави дека руските трупи ја контролираат индустриската зона Херсон на левиот брег на реката Днепар, како и населбите со дачи на островите во долниот тек на реката.
фото:илустрација