Функционери од Европската Унија кои имаат пристап до информациите за преговорите за брегзит велат дека најголемата пречка за постигнување договор е речиси решена.

Преговарачите на ЕУ и на Велика Британија разговарале во Брисел за да постигнат договор за брегзит кој е закажан за 31 октомври. Целта е Велика Британија тогаш да ја напушти Унијата со договор.

Функционерите наведуваат дека главниот преговарач на ЕУ, Мишел Барни, рекол дека Ирското Море главно би било царинска граница меѓу ЕУ и Велика Британија. Така би се избегнала видлива копнена граница на ирскиот остров, но Северна Ирска би ја ставило во посебна положба.

Тие додале дека разговорите се активни и дека траат и дека сè уште е можен позитивен резултат.

Француската полиција употреби солзавец и водени топови во судирите со пожарникарите кои протестираат во Париз.

#Policiers contre #pompiers, quand les institutions se frappent entre elles, il n’y a plus d’Etat. pic.twitter.com/7I69I4spOb

— Gilbert Collard (@GilbertCollard) October 15, 2019

Пожарникарите се обиделе да се качат на железната ограда околу зградата на долниот дом на парламентот, но полицијата ги спречила со солзавец, пренесува „Ројтерс“.

Пожарникарите потоа се преместиле во источниот дел на Париз, каде се судриле со полицијата, која повторно употребила солзавец.

Police fire teargas and water cannon at protesting firefighters today in Paris #GiletsJaunes #Paris pic.twitter.com/FPIpnxkvUz

— Mattius Cool Like Fonzie (@mattsibley) October 15, 2019

Илјадници пожарникари од цела Франција денеска се собраа во Париз на протест за да  изразат незадоволство од ниските плати и тешките услови за работа. Тие порачале дека сакаат да знаат дали ја имаат поддршката од владата.

Firefighters are protesting in #Paris, urging the government to improve their working conditions #Pompiers #France
pic.twitter.com/zyodSVuvgR

— nonouzi (@Gerrrty) October 15, 2019

#Paris Law enforcement continuing to gas and throw grenades at #pompiers #MacronDemission #Francepic.twitter.com/06XmO5RKim

— nonouzi (@Gerrrty) October 15, 2019

Протестот на пожарникарите се одржува по демонстрациите на полицајците на улиците во Париз.

Генералниот секретар на НАТО, Јенс Столтенберг, изрази загриженост за последиците од офанзивата на Турција во северна Сирија врз борбата против Исламска држава и стабилноста во регионот.

„Загрижен сум за последиците што се однесува до напредокот што го постигнавме во борбата против нашиот заеднички непријател – Исламската држава“, рече Столтенберг, истакнувајќи ја важноста за зачувување на ваквиот напредок.

Столтенберг изјавата ја даде во Лондон по средбата со британскиот премиер Борис Џонсон, со кого разговараше за постапките на Турција, која е членка на НАТО.

Велика Британија и други европски земји ја прекинаа продажбата на оружје во Анкара, откако започна воената операција „Извор на мирот“ во северна Сирија.

Столтенберг го коментираше ова како одраз на фактот дека многу сојузници на НАТО се многу критични и ја осудуваат воената операција во северна Сирија.