Полицијата на американскиот Капитол поднесе барање до Пентагон припадниците на Националната гарда да останат во зградата на американскиот Конгрес уште 60 дена, изјави членката на Претставнички дом од Републиканската партија Елиса Слоткин.

АП објави дека Пентагон во моментов го разгледува барањето на полицијата.

Националната гарда, наводно, бара доброволци да ја пополнат позицијата во Капитол сè додека Пентагон не го одобри продолжувањето.

Повеќе од 5.000 припадници на Националната гарда беа стационирани во зградата на Конгресот на САД по нападот на Капитол на 6 јануари.

Вчера на гардистите им беше кажано да одржуваат голем степен на претпазливост поради потенцијалниот заговор на неименувана вооружена група за извршување нов напад врз Капитол, пренесе „Раша тудеј“.

Доколку Пентагон не го продолжи мандатот на Националната гарда, сите 5.000 гардисти ќе бидат испратени дома во петок, на 12 март.

Хрватскиот музичар и пејач Мирослав Шкоро официјално потврди дека се кандидирал за градоначалник на Загреб.

„Претседателот на ‘Татковинско движење’, како и разгранокот на ‘Татковинското движење“ на Град Загреб, д-р Мирослав Шкоро, кој освои 465.704 гласа на претседателските избори во 2019 година и под чие раководство партијата освои 16 места на парламентарните избори во 2020 година, ќе биде кандидат на ‘Татковинското движење’ за градоначалник на град Загреб на претстојните локални избори во мај 2021 година“, велат од партијата.

Тој ќе ја претстави својата кандидатура в сабота, 6 март, на Цветниот плоштад во Загреб.

Загрепската полиција добила дојава дека лице кое сака да се убие се наоѓа во зградата во која живее поранешната хрватска претседателка, пренесуваат локалните медиуми.

Две антитерористички единици, тешко вооружени и со кучиња, влегле во зградата, пишува „24сата.хр“ и додава дека на терен се најмалку 10 возила, односно дека местото е полно со полиција.

Според еден читател, по другите околни згради биле распоредени и снајперисти.

Хрватските медиуми дошле и до сознанија дека поранешната хрватска претседателка во моментов не е во зградата, бидејќи волонтира во Петриња, град кој изминатиот период беше погоден од серија земјотреси. Во станот не е ни нејзиното семејство.