Контакт

Свет

Го уби ли делта-сојот сонот за колективен имунитет?

Објавено пред

Додека делта-сојот на коронавирусот се шири во целиот свет, експертите се прашуваат дали желбата да се создаде имунитет на стадо преку вакцинација и натаму е остварлива. Имунитетот на стадо се постигнува во моментот кога одреден дел од населението е вакцинирано или ја прележало инфекцијата.

Дали е ова можно да се постигне кога станува збор за Ковид-19 поради постојаното појавување позаразни варијанти е отворено прашање.

„Ако прашањето е дали ќе ја контролираме пандемијата само со вакцинација, одговорот е негативен“, вели францускиот епидемиолог Мирсе Софоне, професор на Универзитетот во Монпелје.

Тој вели дека колективниот имунитет зависи од два основни факторa.

„Тоа се заразноста на вирусот и ефективноста на вакцината за заштита од инфекцијата. Во моментот нема таква ефикасност“.

Делта е приближно 60 проценти попренослив од алфа-варијантата и двојно позаразен од оригиналниот сој што се појави во Вухан кон крајот на 2019 година.

Колку е побрз вирусот во ширењето на инфекцијата, толку е поголем прагот за имунитет на стадо.

„Теоретски, тоа е многу едноставна математика“, вели епидемиологот Антоан Флао, директор на Францускиот институт за јавно здравје.

„Изворната варијанта на коронавирусот имаше стапка на репродукција помеѓу нула и три, што значи дека едно заразено лице може да зарази до три други. Да останеше така, имунитетот на стадо ќе беше постигнат по вакцинација на 66 проценти од луѓето“, објаснува Флао.

„Но, ако стапката на репродукција е осум, како што е кај делта-сојот, тоа веќе се приближува до стапка од 90-процентна вакцинација“, додава тој.

Сепак овие тврдења се релевантни под услов вакцините да бидат сто проценти ефикасни во запирање на делта-варијантата, што, за жал, знаеме дека не е така.

Според американските научници, ефективноста на вакцините на „Фајзер“ и „Модерна“ во спречувањето на инфекцијата е намалена од 91 на 66 проценти откако делта стана доминантна варијанта.

И бидејќи студиите покажаа дека имунитетот стекнат од самата вакцина се намалува со текот на времето, неколку земји веќе почнаа со вакцинација со трета доза, таканаречена бустер.

Земајќи го сето ова предвид, Софоне вели дека апсолутно 100 проценти од луѓето треба да се вакцинираат за да го запрат преносот на вирусот, што од очигледни причини е невозможно.

Но, дури и ако таа митска цел за колективен имунитет повеќе не е во игра, експертите посочуваат дека вакцинацијата е најважна. Вакцината несомнено обезбедува одлична заштита од сериозни болести.

„Научниците препорачуваат да се вакцинираат што е можно повеќе луѓе“, истакнува Флао додавајќи дека со текот на времето сите пандемии завршуваат.

Софоне вели дека и натаму е можно Ковид-19 да стане уште една ендемска болест, но не само со помош на вакцините.

Тој предвидува дека ќе треба уште долго време да се носат маски и да се одржува физичко растојание.

„За време на пандемијата на СИДА, кога научниците рекоа ‘носете кондоми’, многумина мислеа ‘добро, ќе го правиме тоа некое време’“, потсетува Флао додавајќи дека користењето презервативи и денеска е сосема вообичаена работа.

„И во оваа ситуација може да се случи да продолжиме да користиме маски долго време во затворени простории и во јавен превоз“, заклучува францускиот научник.

Свет

(Видео) Застрелан вработен на бензиска пумпа во Германија оти побарал од муштерија да стави маска

Објавено пред

Дваесетгодишен работник на бензинска пумпа во Германија бил застрелан откако побарал од клиент да стави маска на лицето.

Работникoт на бензинската пумпа во градот Идар-Оберштајн,  го загуби животот по расправија со клиент за мерките против коронавирусот, објави полицијата во понеделникот.

Според полицискиот извештај, осомничен е 49-годишен маж.

Се наведува дека човекот влегол во бензинската пумпа без маска за лице, а 20-годишниот работник го замолил да ги почитува мерките. Двајцата наводно се скарале, поради што човекот без маска си заминал.

Меѓутоа, тврди полицијата, мажот се вратил еден час подоцна. Овојпат носел маска, но ја симнал и двајцата мажи почнале нова расправија.

Осомничениот потоа извадил пиштол од џебот и го застрелал 20-годишникот во главата. По инцидентот, осомничениот побегнал пеш.

Полицијата набрзо пристигнала на местото на настанот и започнала потрага по човекот. Меѓутоа, следниот ден, 49-годишникот влегол во полициската станица и го признал делото.

Осомничениот, наводно, и рекол на полицијата дека е против ограничувачките мерки против коронавирусот и е многу вознемирен од ситуацијата со пандемијата на коронавирус.

Како што изјавил, се чувствувал како да бил турнат во ќор-сокак и „не видел друг излез“ освен да даде пример. Осомничениот ја сметал жртвата за „одговорна за целата ситуација, затоа што ги почитувала правилата“.

Градоначалникот на Идар-Оберштајн, Франк Фрухауф изрази шок и изненадување од злосторството.

„Ова е прилично незамислив, ужасен чин што се случи овде во Идар-Оберштајн. Такво злосторство е без преседан. Ќе ни треба време да се помириме со тоа“, рече тој.

Прикажи повеќе...

Свет

Европскиот суд за човекови права: Русија е одговорна за убиството на шпион во Англија

Објавено пред

Русија е одговорна за убиството на Александар Литвиненко, според одлуката на Европскиот суд за човекови права.

Литвиненко беше поранешен агент на ФСБ, кој почина три недели откако пиeл чај во хотел во Лондон. Во пијалакот бил додаден смртоносен полониум-210.

Роберт Овен, кој спроведе истражување за смртта на Литвиненко, напиша дека е сигурен оти двајца поранешни руски службеници го отруле Литвиненко.

Русија ги отфрли сите обвинувања дека е вмешана во смртта на Литвиненко.

Прикажи повеќе...

Регион

Србите побројни на протестите, им носат храна и вода

Објавено пред

Бројот на Срби собрани утрово на преминот Јариње е значително поголем од вчера, пренесува репортерот на „Косово онлајн“. Луѓето што се приклучија на протестите донесоа вода, храна и топла облека со себе. Се чини дека Србите немаат намера да ги напуштат протестите, пренесуваат медиумите.

Претседателот на движењето „Двери“, Бошко Обрадовиќ, денеска побара од српската влада да ги поништи сите претходни договори од Брисел и да го прекине сегашниот дијалог со властите во Приштина, што, според него, треба да продолжи во Советот за безбедност на Обединетите нации.

Директорот на Канцеларијата за Косово и Метохија, Петар Петковиќ, денеска ги повика Србите во Косово и Метохија да не реагираат на најновите провокации од страна на Приштина, нагласувајќи дека Србија ќе се бори за својот народ, мир и економски напредок.

„Го поздравувам храбриот и праведен српски народ на Косово и Метохија, кој одлучно го брани своето право на слобода на движење и живот, особено оние што цела ноќ ја поминаа во Јариње и Брњак со своите автомобили, протестирајќи против насилните дејствија“, рече Петковиќ за ТВ Пинк.

Потпретседателот на Српската листа, Игор Симиќ, е на преминот Јариње со насобраните граѓани. Тој посочи дека одлуката на Приштина за реципрочни мерки и таблички „е само во нивните глави“. Симиќ алудираше на фактот дека Србите со српски регистарски таблички можат да се движат „насекаде во светот“, „само не на Косово“.

Како што јавува ТВ Прва, дополнителни засилувања на специјалните единици на РОСУ пристигнуваат на преминот Брњак. Претходно, беше најавено засилување на специјалните сили на Косово, опремени за разбивање на демонстрациите.

Пратеникот од движењето Самоопределување, Арменд Муја, рече дека странците биле информирани за истекот на договорот за регистарска табличка пред два месеца.

„Дојде моментот кога Косово смета дека овој договор не треба да продолжи“, рече тој.

Според него, Косово не е заинтересирано за ескалација на ситуацијата на северот. И покрај тензијата и блокадата на патиштата, како што рече, тие им гарантираат на српските граѓани на север дека ќе ги имаат сите права, особено правата на движење.

Во Палатата на Србија во тек е седница на Советот за национална безбедност. Тема на состанокот е актуелната ситуација во Косово и Метохија.

Прикажи повеќе...

Најново

Македонија1 час

Вчера се вакцинирале над 12.000 граѓани

На вакциналните пунктови во државата и на терен, заклучно со вчера, вакцинирани се вкупно 774.422 граѓани. Прва доза вакцина вчера...

Регион1 час

Србите побројни на протестите, им носат храна и вода

Бројот на Срби собрани утрово на преминот Јариње е значително поголем од вчера, пренесува репортерот на „Косово онлајн“. Луѓето што...

Македонија2 часа

Досега се попишани 1.132.484 лица

Вкупно 1.132.484 лица, 353.256 домаќинства и 480.364 станови се попишани заклучно со 20 часот вчера. Можноста за самопопишување на лица...

Македонија2 часа

Вархеи во Софија на разговори за бугарското вето за Македонија

Еврокомесарот за проширување Оливер Вархеј ќе престојува во посета на Бугарија, објави Европската комисија. Детали за разговорите не се соопштуваат,...

Свет3 часа

Претседателот на Бразил наместо во ресторан, вечераше пица на улица

Невакцинираните шефови на држави кои присуствуваат на Генералното собрание на Обединетите нации оваа недела, најверојатно, ќе мора да се задоволат...

Регион3 часа

Седница на Совет за безбедност на Србија за ситуацијата на Косово

На Косово ноќта помина тензично, но мирно по распоредувањето на специјалните единици „Росу“ низ северот на провинцијата. Српскиот претседател, Александар...

Свет4 часа

Идентификувани жртвите од пукањето во универзитетот во Русија

Идентификувани се сите шест жртви на пукањето на универзитетот во рускиот град Перм. Како што пренесе ТАСС, повикувајќи се на...

Македонија4 часа

Пендаровски: Одржувањето на перспективата за членство во ЕУ е клучниот двигател за реформите во земјите од Западен Балкан

Претседателот Стево Пендаровски во Њујорк учествуваше на 20. состанок на високо ниво во организација на Меѓународниот центар „Низами Ганџави“, што...

Свет15 часа

Од ноември можен влез во САД за странци што се вакцинирани

САД повторно во ноември ќе дозволат влез на патници од Кина, Индија, Велика Британија и од многу европски земји, кои...

Свет16 часа

(Видео) Напаѓачот од Русија објавил детали за нападот во универзитетот, во кој уби најмалку шест луѓе и рани 28

Приведениот напаѓач на универзитетот во Русија, Тимур Бекмансуров, објавил долго детаљно објаснување за својата подготовка за нападот, во кое тврди...

Регион17 часа

(Видео) Вучиќ за ситуацијата на Косово: Се надевам дека нема да треба да прeземеме контрамерки

Српскиот претседател, Александар Вучиќ, вечерва ѝ се обрати на јавноста и нагласи дека ова е еден од најтешките денови за...

Македонија20 часа

Нови 154 заболени од Ковид-19, починале 12 луѓе

Во последните 24 часа се направени 1.967 тестирања, а регистрирани се 154 нови случаи на Ковид-19: Скопје – 118, Куманово...

Македонија23 часа

Заев: Прашањето за морална одговорност и моја оставка стана банално

Премиерот Зоран Заев изјави дека прашањето за морална одговорност и за негова оставка станува банално. „СДСМ има квалитетни кадри коишто...

Македонија23 часа

Позитивни на коронавирус се 13 воспитувачи и 9 деца во градинките, Шахпаска вели дека состојбата е стабилна

Тринаесет воспитувачи и 9 деца се позитивни на коронавирус низ градинките, информираше денеска министерката за труд и социјална политика, Jагода...

Македонија1 ден

Стевчо Јакимовски ќе настапи самостојно во Карпош, во другите општини ГРОМ ќе коалицира со ВМРО-ДПМНЕ

Граѓанската oпција за Македонија-ГРОМ на овие локални избори одлучи да настапува самостојно во oпштина Карпош со претседателот на партијатија Стевчо...

Свет1 ден

(Видео) Проработе вулкан во Шпанија, лавата проголта 20 куќи

Шпанските власти евакуираа околу 5.000 луѓе од неколку села на канарскиот остров Ла Палма поради ерупција на вулкан, соопштија локалните...

Македонија2 дена

Маричиќ: Над милион попишани граѓани, влегуваме во последната фаза

Откако Државниот завод за статистика извести дека денеска се попишани над милион граѓани, министерот за правда Бојан Маричиќ, преку социјалните...

Свет2 дена

Три европски земји ги укинуваат сите ковид-мерки, за таквиот чекор клучни се две нешта

Данска, Шведска и Холандија ги укинуваат практично сите мерки во борбата против пандемијата на коронавирус. Стапките на вакцинација се релативно...

Македонија2 дена

Изминатава недела Македонија е прва во Европа според бројот на починати од Ковид-19 на милион жители

Според бројот на смртни случаи минатата седмица, Гренада е повторно на прво место во светот со 212 смртни случаи на...

Македонија2 дена

Започна уривањето на старата конструкција на Универзална сала

Универзална сала започнува да го добива своето ново лице, сподели градоначалникот на Скопје, Петре Шилегов на својот Фејсбук профил. Според...

Досие