Свет

Градоначалникот на Њујорк се откажа од претседателската трка

Објавено пред

11 месец

- 20 септември, 2019

Од

Градоначалникот на Њујорк, Бил де Блазио, се повлече од претседателската трка во 2020 година и стави крај на обидот да биде избран за кандидат на демократите.

„Чувствувам дека дадов свој придонес на овие избори. Очигледно не е моето време, затоа ќе ја прекинам претседателската кампања“, рече Де Блазио во едно интервју.

Де Блазио ја започна својата кампања во мај, но уште од самиот почеток беше непопуларен во Њујорк. Според една анкета на „Квинипиак“, спроведена во април, над три четвртини од њујорчаните сметаат дека тој не треба да се кандидира.

Неколку други национални анкети исто така покажаа дека тој ужива само 1 отсто поддршка, а честопати дури и помалку.

Де Блазио не успеа да се квалификува за демократската дебата на почетокот од овој месец, а честопати беше критикуван од своите њујорчани поради тоа што се кандидира во време кога градот се соочува со големи кризи, како онаа во јули кога голем дел од Њујорк остана без струја.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Северна Кореја го поздравува новиот метод на САД за преговори

Претходно

Над 30 светски лидери потпишаа иницијатива за борба против климатските промени

Свет

(Видео) Експлозија разнесе три куќи во САД – плач на заробени деца се слуша под урнатините

Објавено пред

1 минута

- 11 август, 2020

Од

Макфакс

Експлозија раснесе три куќи во САД, а неколку лица се заробени под урнатините, меѓу кои има и деца, соопштија пожарникарите од Балтимор.

A woman is carted away from the NW Baltimore explosion scene. Neighbors applauded. pic.twitter.com/88ib0JqMJJ
— Paul Gessler (@PaulGessler) August 10, 2020

„Една жена почина. Експлодираа неколку куќи. Најмалку пет лица се заробени под урнатините, вклучително и деца“, соопштија пожарникарите на Балтимор на Твитер, додавајќи дека три лица се во критична состојба.

ATF Baltimore Special Agents and Explosives Enforcement Officer are responding to assist our @BaltimoreFire partners at the scene of an explosion at Labyrinth and Reisterstown Roads involving 3 homes. Follow @BaltimoreFire for updates on this incident. pic.twitter.com/kyIsEAGHSI
— ATF Baltimore (@ATFBaltimore) August 10, 2020

Еден сосед изјавил дека плачот на заробените деца може да се слушне на местото на експлозијата.Брза помош и пожарникари се на местото на експлозијата.Според првите информации, станува збор за експлозија на гас.

Прикажи повеќе...

Свет

Русија подготвена да ја лансира првата вакцина против коронавирусот

Објавено пред

18 минути

- 11 август, 2020

Од

Макфакс

Русија е подготвена да ја лансира првата вакцина против коронавирус, пишува Ентертејмент Тајмс. Рускиот кандидат за вакцината е вирусна векторска вакцина врз основа на аденовирус, која е комбинирана со САРС-КоВ-2 за да се постигне имунолошки одговор во организмот.

Справувајќи се со шпекулациите за безбедноста и ефикасноста на вакцината, Александар Гинтсбург, директор на Националниот центар за истражување Гамалеј, тврди дека честичките на коронавирусот во вакцината не можат да му наштетат на телото, бидејќи не можат да се размножуваат.

Иако руската вакцина доби предност, експертите го доведуваат во прашање брзиот пристап кон развојот на вакцината. Александар Чепурнов, поранешен шеф на заразни болести во „Вектор“, беше скептичен во однос на податоците дадени од руската влада.

„Постои опасност во однос на можноста за влошување на болеста со погрешна вакцина. Коронавирусот е веќе познат дека може да ја интензивира инфекцијата во присуство на одредени антитела. Значи, треба да се знае кои антитела се формираат со вакцината”, рече тој.

Светската здравствена организација (СЗО) веќе ги предупреди руските власти да ги следат утврдените упатства за производство на безбедна и ефикасна вакцина против коронавирус. Со оглед на фактот дека бројот на коронавирусни инфекции во светот продолжува да расте со алармантна стапка, научниците и медицинските експерти прават забрзани напори за развој на вакцината.Во моментов има повеќе од 160 кандидати за вакцината во различни фази на производство, а 27 од нив пристапија кон испитувања врз луѓето.

Додека вакцината создадена на универзитетот Оксфорд и производителот на лекови АстраЗенека се смета за една од главните во трката, Русија е подготвена да стане првата земја во светот што ќе ја лансира својата вакцина против коронавирус. (крај)

Прикажи повеќе...

Свет

(Видео) Пукање во близина на Белата куќа – Трамп веднаш е евакуиран

Објавено пред

28 минути

- 11 август, 2020

Од

Макфакс

Членовите на тајната служба ја прекинале конференцијата на американскиот претседател Доналд Трамп и го извадиле од просторијата за брифинг. На новинарите им било речено да ја напуштат просторијата.

TRUMP EVACUATED from White House press briefing room by US Secret Service. An agent locked the briefing room doors from the exterior. pic.twitter.com/El9Xi4lAlE
— Jennifer Jacobs (@JenniferJJacobs) August 10, 2020

„Имаше пукање пред Белата куќа“, рече Трамп, заблагодарувајќи се на Тајната служба за брзата реакција, пренесува Си-ен-ен.

Donald Trump tuvo que interrumpir abruptamente una conferencia de prensa, tras el reporte de un tiroteo a las afueras de la Casa Blanca pic.twitter.com/Nap1THl5C1
— Julio César Solís (@jcsolis82) August 10, 2020

„Се чувствувам многу безбедно со тајната служба, тие се фантастични луѓе, тие прават сé што можат, тие се високо обучени“, им рече Трамп на новинарите.

Тој додаде дека не е сигурен колку блиску бил напаѓачот, но дека има доверба во тајната служба.

„Би сакал да се заблагодарам на тајната служба за нивната секогаш брза и многу ефикасна работа. Имено, имаше пукање и некој беше однесен во болница”, рече Трамп.

Како што додаде, се чини дека лицето било застрелано од тајната служба „но дека, ќе видиме што се случува“. Трамп рече дека не знае во каква состоба е ранетиот.

Портпарол на високата администрација потврди за Си-ен-ен дека лицето коешто пукало е во притвор.

Прикажи повеќе...