Свет
Градоначалник во САД снимен во ресторан откако забрани работа на ресторани
Градоначалникот на Филаделфија се најде на удар на јавноста откако забрани рестораните да работат во своите затворени простории, а потоа беше снимен како јаде во затворена просторија на ресторан во Мериленд, соседната сојузна држава, пренесува Би-би-си.
Фотографијата од Џим Кени, градоначалникот на Филаделфија, стана вирална откако беше фотографиран како јаде во затворен простор во ресторан во Мериленд. Сопственик на ресторан во Филаделфија, Марк Ветри, гледајќи ја фотографијата, изјави дека градоначалникот Кени е лицемерна личност.
Hi @phillymayor !!! Glad you’re enjoying indoor dining with no social distancing or mask wearing in Maryland tonight while restaurants here in Philly close, suffer and fight for every nickel just to survive. I guess all your press briefings and your narr… https://t.co/ar2OuVvGu0 pic.twitter.com/Pkb2MdjuZv
— marcvetri (@marcvetri) August 31, 2020
Кабинетот на градоначалникот исто така реагираше на објавувањето на фотографијата, обидувајќи се да ја оправда одлуката на Кени да јаде во затворен простор со тврдењето дека тој сакал да помагне на ресторанот кој бил во сопственост на негов пријател.
„Се разбира дека ги разбираме фрустрациите на сопствениците на локални ресторани, тие се едни од најтешко погодените од пандемијата“, се вели во одговорот од кабинетот на градоначалникот.
„Но, во округот што го посети градоначалникот, регистрирани се 782 случаи на инфекција, додека во Филаделфија има повеќе од 33.000. Ова се драстично различни околности”, се заклучува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Ќе депортираме мигранти без документи, тоа ќе биде крвава приказна
Поранешниот американски претседател Доналд Трамп вчера ја засили својата антиимиграциска реторика предупредувајќи дека отстранувањето на мигрантите од САД би било „крвава приказна“, пренесуваат светските медиуми.
„И знаете дека нивното депортирање ќе биде крвава приказна. Никогаш не требаше да им биде дозволено да влезат во нашата земја. Никој не ги проверуваше“, им рече Трамп на поддржувачите на плановите за масовно отстранување на имигрантите без документи.
На 15 јули, Републиканскиот национален комитет ги објави и официјално ги усвои новите приоритети на имиграциската политика за време на Републиканската национална конвенција во Милвоки.
Во документот, според написите на локални медиуми, се ветува и враќање на „секоја имиграциска политика на администрацијата на Трамп“ и завршување на изградбата на граничниот ѕид. Исто така, повикува на зајакнување на имиграциското и царинското спроведување на САД, зголемување на казните за нелегални влегувања и враќање на политиката на Трамп „Остани во Мексико“.
Документот користи подиректен јазик во споредба со верзиите од 2016 и 2020 година, така што нема помирливи изјави за придонесот на имигрантите во земјата, пишува „Newsweek“. Овој тврд став е дополнително зајакнат со изборот на Трамп за потпретседател, сенаторот Џ.Д. Венс, кој ги поддржа повиците за масовна депортација на илегалните имигранти.
На републиканската национална конвенција во Висконсин, Венс ја повтори реториката на Трамп: „Мораме да ги депортираме луѓето кои ги прекршиле нашите закони кога дојдоа овде“.
Во својот говор на конвенцијата, тој ја поврза имиграцијата со станбените прашања: „Демократите ја преплавија оваа земја со милиони нелегални вонземјани. Граѓаните мораа да се натпреваруваат за скапоцени станови со оние кои не треба да бидат тука на прво место“.
Регион
Комбе полно со мигранти одбило да застане и удрило во столб: најмалку 10 повредени во Хрватска
Десет лица се повредени во тешка сообраќајна несреќа што се случи рано утринава во Хрватска, кога комбе излетало од патот и удрило во столб.
Се испоставило дека комбето излетало од патот додека бегало од полицијата.
Според медиумите, полициските службеници, кои работеле на спречување илегален влез во Република Хрватска, околу три часот по полноќ ноќта од недела кон понеделник забележале видно натоварено комбе со швајцарски регистарски таблички.
Тие со светлосни и звучни сигнали се обиделе да го спречат за контрола, но возачот ги игнорирал полициските наредби и продолжил да вози зголемувајќи ја брзината.
За кратко време излетал од патот и удрил во столб. Повредените се пренесени во Општата болница во Славонски Брод и Нова Градишка.
Според написите, во сообраќајната несреќа се повредени 10 лица.
Полициски службеници продолжуваат со работа и вршат увиди, соопштија од полицијата.
Свет
Израелски пратеник: Почетокот на војната со Либан е прашање на денови, предградијата на Бејрут ќе бидат како Газа
Нисим Ватури, член на израелскиот Кнесет, тврди дека е „прашање на денови“ кога ќе избие вистинска војна меѓу Израел и Либан.
Член на Ликуд, владејачката партија на премиерот Бенјамин Нетанјаху, изјави за јавната телевизија „Кан“ дека по избувнувањето на војната, предградието на Бејрут Дахије – главното упориште на Хезболах – „ќе личи на Газа“.
„Нема друг начин. Ова е нешто што ќе се развива во наредните денови“, додаде Ватури, кој е и дел од парламентарната комисија за надворешни работи и одбрана. Тој тврди дека Нетанјаху вчера ги информирал воените претставници дека „мора да стават крај на оваа сага“, пишува „Тајмс оф Израел“.
Според него, војната треба да започне со превентивен напад како неодамнешниот за кој Израелците тврдат дека спречил планиран голем напад на Хезболах врз централен Израел. Сепак, Ватури нагласува дека овој пат превентивниот напад треба да трае најмалку 4-5 дена, по што би следела копнена инвазија.
Израел и Хезболах разменуваат оган речиси секојдневно откако Хамас го нападна Израел на 7 октомври. Тензиите дополнително се зголемија откако Фуад Шукр, врховен командант на исламистичката група, беше убиен во израелски воздушен напад врз упориште на Хезболах во јужните предградија на Бејрут на крајот на јули.