Свет
Гувернер во Калифорнија фатен во луксузен ресторан откога ги повика луѓето да останат дома
Гавин Њусом, демократскиот гувернер на Калифорнија, беше фатен во луксузен ресторан на вечера со лобисти откога ги повика луѓето да oстанат дома поради пандемијата, пишува „Њујорк тајмс“.
Њусон бил виден во луксузен ресторан во долината Напа, каде што цените на оброците за лице се движат до 470 долари, а никој од собраните не носел маска, пишува весникот.
Ова се случува во време кога Калифорнија има еден од најголемите скокови на бројот на новозаразени од почетокот на пандемијата, а гувернерот и демократите повикаа на строго почитување на мерките – луѓето да останат дома и да бидат претпазливи.
#GavinNewsom seeks sympathy after f*king over his entire state for years & giving them the finger. https://t.co/jj1r8YMWfP pic.twitter.com/6y9JNZc5It
— Milo™ (@chasbottom) November 23, 2020
Гувернерот, кој беше со сопругата на вечера, се извини, нарекувајќи ја ситуацијата голема грешка.
Тој најприн рече дека вечерата се одржувала надвор, но на фотографиите се гледа маса во ресторанот и врата што води кон терасата.
„Духот на она што го проповедам цело време беше контрадикторен и морам да го признам тоа“, рече Њусом додавајќи: „Треба да проповедам и да практикувам, а не само да проповедам“.
Калифорнија во моментот се соочува со најголем пораст на новозаразени од почетокот на пандемијата. За само една недела, бројот се зголеми 51 процент и таа сојузна држава воведе некои од најригорозните ограничувања во цела САД. Ги затворија сите продавници и наредија маските да се носат и на отворено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.