Епидемиолошката состојба во српскиот град Врање е вонредна и исклучително тешка, предупредуваат експертите во земјата. Покрај наглото зголемување на бројот на заразени, овој град бележи и зголемен број на пациенти со потешка клиничка слика, а капацитетите на болниците се целосно исполнети, пишува српски „Блиц“.

Има голем број хоспитализирани. Сите капацитети на болниците во областа Пчиња се полни. Расте бројот на пациенти со тешка и умерена клиничка слика. Болести се јавуваат на сите возрасти, претежно меѓу работната популација, но има значителен број на заразени деца од предучилишна и училишна возраст”, изјави за „Блиц“ д-р Слаѓан Станковиќ, епидемиолог во Здравствениот дом во Врање.

Тој вели дека влошената епидемиолошка состојба е резултат на непочитување на мерките, но и поради големиот број на Македонци кои доаѓале на шопинг во Врање.

Откако во Бразил беше регистриран рекорден број на смртни случаи од коронавирус два последователни дена, претседателот Жаир Болсонарао им порача на граѓаните денес да престанат со лелекање и да продолжат понатаму.
Бразил е на второто место во светот по бројот на жртви на коронавирус, веднаш по САД, наведува „Ројтерс“.

Земјата во моментов се соочува со најлошата фаза на пандемија, а пренатрупаните болници го водат здравствениот систем во колапс, пишува британската агенција.

„Доста беше паника и лелекање, уште колку време можеме да плачеме? Колку долго ќе останете дома додека сè е затворено? Никој повеќе не може да издржи. Жалиме за секој починат, но ни треба решение“, рече Болсонаро пред насобраните на еден настан.

Според објавените податоци на Министерството за здравство, во последните 24 часа се регистрирани 75.102 нови случаи на Ковид-19, што е најголем број на нови случаи за еден ден од јули минатата година.

Рускиот министер за здравство Михаил Мурашко потврди дека стручната процена на употребата на вакцината „епивак корона“ кај постари лица, изработена од Државниот научен центар „Вектор“, како и втората фаза на клинички испитувања на вакцината „Спутник лајт“, е завршена, пренесува ТАСС.

„Втората фаза од клиничките испитувања за ‘спутник лајт’ е завршена и тие сега се испраќаат на стручна процена. Завршена е и процената на вакцината ‘епиВак корона’ произведена од центарот ‘Вектор’за лица над 60 години“, потврди министерот на конференцијата за печат.

ТАСС јавува дека на 16 ноември, руското Министерство за здравство издало дозвола за клинички испитувања на вакцината „епиВак корона“ на 150 волонтери над 60 години, а дозвола за испитувања на 3.000 волонтери над 18 години е издадена на 18 ноември.

Министерството за здравство, исто така, издаде дозвола во јануари да спроведе клинички испитувања на вакцината против коронавирус „спутник лајт“, која е прва компонента на вакцината „спутник В“ и која, според директорот на центарот „Гамалеј“, Александар Гинзбург, обезбедува заштита за четири или пет месеци и ја намалува можноста лицето да добие потежок облик на Ковид-19, наведува агенцијата.