Двајца турски војници загинаа, а друг е ранет кога курдските милитанти од ПКК истрелале ракети врз воена база во северен Ирак, што е дел од пограничната антитерористичка операција во северен Ирак, соопшти турското Министерство за одбрана на Турција, пренесува „Араб њуз“.

„Двајца војници загинаа, уште еден е повреден во напад на терористите во операцијата ‘Канџа тигар’ во северен Ирак“, соопшти Министерството.

Турција редовно ги напаѓа милитантите на Курдската работничка партија (ПКК) како во нејзиниот главно курдски југоисток така и во северен Ирак, каде што групата е сместена. Во јуни Анкара почна нова копнена офанзива, наречена операција „Канџа тигар“, со која турските трупи напредуваа подлабоко во Ирак.

Министерството за внатрешни соопшти дека 71 милитант на ПКК биле убиени од 13 јули во рамките на серијата операции во Турција, наречени „Молскавичнии операции“ и додаде дека 38 соработници биле заробени.

Турската операција „Канџа тигар“ почна во средината на јуни со цел да се осигури безбедноста на турскиот народ и границите со неутрализирање на заканата што доаѓа од ПКК и од другите терористички групи во регионот.

Во својата повеќе од 30 години долга кампања против Турција, ПКК, која се наоѓа на листата на терористички организации на Турција, САД и ЕУ, е одговорна за смртта на речиси 40.000 луѓе, меѓу кои и деца и жени.