Очекувано е австриските пратеници да ја одобрат забраната за носење хиџаби и бурки за девојчиња под 14 години, што групите за човекови права го сметаат за дискриминаторно и потенцијално штетно за општествената кохезија.

Владата тврди дека мерката има цел да ги „заштити девојчињата од угнетување“. Претходната забрана од 2019 година беше укината од Уставниот суд како неуставна, но власта сега е уверена дека новиот предлог е во согласност со Уставот.

Законот стапи целосно во сила во септември, а во февруари ќе започне преодна фаза без казни. Потоа, родителите кои не се придржуваат може да бидат казнети со 150 до 800 евра.

Владата проценува дека околу 12.000 девојчиња ќе бидат опфатени со законот, врз основа на податоци од 2019 година.

Фото: Pexels

Српскиот претседател Александар Вучиќ се најде во центарот на вниманието откако камерите го фатија како синоќа накратко разговара со претседателката на Европската комисија, Урсула фон дер Лајен, во Брисел. Кога пристигна на состанокот, Вучиќ ѝ рече дека „штотуку добил порака од Москва“, на што таа одговори: „Добро, да почекаме и да видиме“.

Снимката ја објави новинарката Марија Тадео.

The mic is always hot. Serbia’s president Vucic last night «I got a message from Moscow now…» von der Leyen aware of cameras «Let’s…let’s wait till we are…» pic.twitter.com/YoDuGOF44R

— Maria Tadeo (@mariatad) December 11, 2025

Оваа кратка, но значајна размена на мислења брзо го привлече вниманието на европските новинари, особено имајќи го предвид чувствителниот момент во односите меѓу Европската Унија и Русија. Брисел постојано ја критикуваше Србија за неусогласеност со надворешната политика на ЕУ, особено кон Москва.

Сè уште не е познато на што конкретно се однесуваше пораката на Вучиќ, а ниту една страна сè уште официјално не го коментираше настанот.

фото: Depositphotos

Речиси 300 украински беспилотни летала нападнаа цели низ Русија рано утрово во масовен ноќен напад, принудувајќи ги главните аеродроми во Москва да ги приземјат летовите седум часа. Руските власти објавија дека службите за итни случаи се на терен и се справуваат со последиците од паѓањето на остатоци, пишува „Киев Пост“.

Градоначалникот на Москва, Сергеј Собјанин, изјави дека 36 украински беспилотни летала биле соборени додека се приближувале кон главниот град за време на нападот што траел повеќе од седум часа. Тој не објави информации за можни жртви или штети, велејќи само дека службите за итни случаи работат на местата на ударот.

Поради нападот, руската агенција за воздухопловство ги затвори сите четири главни аеродроми во Москва – Шереметјево, Домодедово, Внуково и Жуковски – за пристигнувања и заминувања. Воздушниот простор над главниот град беше привремено затворен, што доведе до откажување, одложување или пренасочување на најмалку 133 летови.

Во Воронеж, остатоците од она што официјалните лица го нарекоа „воздушна мета со голема брзина“ оштетија неколку станбени згради, објави гувернерот Александар Гушев. Во „ретко населена“ зграда, се урна скалиште, што предизвика евакуација на 80 жители, но никој не беше повреден.

Властите отворија привремени засолништа и ги предупредија жителите за можни прекини во греењето поради оштетување на далноводите и делови од грејната мрежа. Според извештаите на локалните медиуми, шеснаесет градски улици останаа без електрична енергија. Независниот портал Астра анализираше снимки што покажуваат дека некои од оштетените згради се наоѓаат на околу еден километар од електраната и во близина на хемиската фабрика Воронежсинтезкаучук, која произведува синтетичка гума.

Во исто време, каналот на Телеграм Шот објави за експлозии во Велики Новгород, по што избувна пожар во еден округ. Други извори велат дека локалните жители пријавиле напад со беспилотни летала врз фабриката за ѓубрива Акрон, еден од најголемите производители во Русија.

Руското Министерство за одбрана објави дека во текот на ноќта вкупно 287 украински дронови биле пресретнати во 12 региони, што претставува еден од најголемите регистрирани напади во војната. Најмногу дронови наводно биле соборени над регионот Брјанск (118), Московскиот регион (40) и регионот Калушка (40).

Дронови биле пресретнати и над регионите Тула, Новгород, Јарослав, Липецк, Смоленск, Курск, Орел, Воронеж и Рјазан. Последниот голем напад со дронови врз Москва се случи на 23 септември, кога беа уништени 41 дрон, а повеќе од 200 летови беа прекинати.

Нападот е дел од пошироката украинска стратегија за таргетирање на рафинерии, магацини и извозни терминали за ослабување на воената економија на Русија. Киев вели дека целта е да се нарушат синџирите за снабдување со гориво за руските сили и да се намалат државните приходи од извозот на нафта. Украинскиот претседател Володимир Зеленски изјави дека ваквите операции ќе продолжат сè додека Москва е во војна.

Фото: Pexels