Свет
Европските влади ја критикуваат Турција поради Аја Софија
Министрите за надворешни работи на Европската Унија ја критикуваа Турција поради неколку причини, вклучително и дупчењето за гас во спорните медитерански води и промената на статусот на Аја Софија од музеј во џамија, пренесува „Екатимерини“.
На нивната прва средба лице в лице по повеќе месеци, министрите планираат да заземат поцврст став за Анкара, иако не се очекувааат итни мерки, пишува грчкиот весник.
„Кога ќе видам што се случува со Аја Софија, тоа е удар“, рече министерот за надворешни работи на Луксембург, Жан Аселборн.
Шефот за надворешни работи на ЕУ, Жозеф Борел, минатата недела беше во Турција каде што разговараше и за споровите на Анкара со Грција и со Кипар за истражувањата во Источниот Медитерански Регион.
Турција испрати бродови придружувани од воен брод да дупчат за гас во област над која Кипар тврди дека има ексклузивни права. Турската влада соопшти дека дејствува за да ги заштити своите интереси и оние на кипарските Турци во природните ресурси во областа.
Шведската министерка за надворешни работи, Ан Линде, рече дека активностите во Средоземното Море се причина за загриженост за блокот, посочи дека на редовната месечна средба ќе бидат разгледани и прашањата за човековите права и демократијата.
Борел рече дека односите не се „толку добри“ во моментот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.