Свет
Европските челници денес на важен состанок за мигрантите и Украина
Лидерите на Европската Унија се состануваат денеска во Брисел за да разговараат за илегалната миграција со која се соочува блокот, разните ставови за конфликтот на Блискиот иИток и понатамошната поддршка за Украина разурната од војна.
Миграцијата е спорно прашање во Унијата со години. Во ситуација кога голем број изборни успеси на екстремно десничарските партии се забележани во неколку земји од блокот и во услови на променет безбедносен пејзаж, одделни земји заземаат сè порестриктивни позиции.
Полска неодамна објави планови за привремено суспендирање на правата за азил обвинувајќи ги Русија и Белорусија дека испраќаат мигранти на границата со Полска, која е и надворешна граница на ЕУ, за да го дестабилизира блокот и да ја поткопа неговата безбедност.
Исто така, Германија повторно ги воведе граничните контроли за другите земји членки на ЕУ по смртоносниот напад со нож во западниот град Солинген и откако екстремно десничарската опозициска партија Алтернатива за Германија (АфД) постигна големи придобивки на регионалните избори.
Се очекува европските лидери да разговараат за вклучување на земјите надвор од ЕУ во обработката на илегалните мигранти откогаИталија оваа недела објави дека првите мигранти биле донесени во нови, контроверзни центри за азил во Албанија.
Земјите членки на Унијата претходно оваа година се согласија на голема реформа за заострување на законите за миграција и азил, кои се подготвуваат со години, но имплементацијата на новите правила може да потрае и со години, при што некои бараат да се забрза процесот.
Миграцијата не е единствената тема на агендата на состанокот за која тешко се постигнува заеднички пристап на 27-те членки на блокот.
Украинскиот претседател Володимир Зеленски ќе им се придружи на европските лидери за да ја претстави својата визија за завршување на војната и да побара поголема поддршка. Сепак, Унгарија ја блокира понатамошната воена помош.
Лидерите ќе разговараат и за конфликтот на Блискиот Исток откако не успеаја да се договорат за одговор што би можел да помогне да се запрат борбите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлозија на руски танкер во Црното Море: постои ризик од потонување
Рускиот танкер „Каирос“, кој е под санкции, беше оштетен во експлозија во близина на Босфорскиот теснец во Црното Море во петокот. Бродот е поврзан со таканаречената „флота во сенка“ на Москва, која се користи за избегнување на западните санкции врз рускиот извоз на енергија, објави Ројтерс.
Турското Министерство за транспорт и инфраструктура соопшти дека „Каирос“ пријавил „надворешен удар“ додека бил на пат кон руското пристаниште Новоросијск, 28 наутички милји од турскиот брег. Експлозијата предизвикала пожар во машинската просторија на бродот, а турските спасувачки служби започнале операција за евакуација на 25 членови на екипажот.
An explosion and fire broke out in the engine room of the Gambian-flagged tanker Kairos while it was sailing in ballast about 52 miles north of the Bosphorus in the Black Sea, shipping agency Tribeca said. pic.twitter.com/Hvp8Ov4j5r
— Levent Kemal (@leventkemaI) November 28, 2025
Според агенцијата за бродски превоз „Трибека“, „Каирос“ можеби удрил во мина и е во опасност да потоне. Спасувачки влекачи и крајбрежната стража беа испратени на местото на настанот за да обезбедат помош.
Извор за Ројтерс изјави дека друг танкер, „Вират“, исто така претрпел експлозија во Црното Море. И двата брода се на списокот на санкционирани бродови поврзани со руската „флота во сенка“.
Европа
(Видео) Украинците уништија руски систем за воздушна одбрана вреден 60 милиони долари
Украинските сили за беспилотни системи објавија дека уништиле три вредни руски противвоздушни системи со вкупна проценета вредност од околу 60 милиони долари – Бук-М1, Бук-М2 и Тор-М2 – за време на тридневен напад со беспилотни летала.
Во соопштение на социјалните мрежи, тие велат дека операторите од батаљонот Асгард на 412-та бригада Немезис, заедно со 12-от Центар за специјални намени и специјалната единица „Кабул 9“ на Воената разузнавачка служба (ХУР), погодиле три важни цели: системите Бук-М1, Бук-М2 и Тор-М2.
Уништените системи се меѓу највредната руска опрема на бојното поле.
Европа
(Видео) „Ризикуваме да изгубиме сè“: драматичен говор на Зеленски по падот на вториот човек на Украина
Украинскиот претседател Володимир Зеленски се огласи на Фејсбук за прв пат по оставката на Андриј Јермак, шефот на кабинетот на украинскиот лидер.
Како што нагласи на самиот почеток, „Русија едвај чека Украина да прави грешки“.
– Ние нема да ги правиме. Нашата работа продолжува. Нашата борба продолжува. Немаме право да не успееме, немаме право да се повлечеме или да се свртиме едни против други. Ако го изгубиме единството, ризикуваме да изгубиме сè – себеси, Украина и нашата иднина. Мора да стоиме заедно. Мора да издржиме. Нема друг избор. Никогаш нема да има друга Украина. Ние ја браниме Украина. Слава на Украина! – рече Зеленски.
Зеленски денес објави дека неговиот шеф на кабинетот, Андриј Јермак, поднел оставка.
– Прво: Канцеларијата на претседателот на Украина ќе назначи ново лице на чело – шефот на кабинетот, Андриј Јермак, ја потпиша својата оставка – рече Зеленски во своето вечерно обраќање, пренесува Интерфакс Украина.
Тој му се заблагодари на Јермак за неговата досегашна работа и рече дека утре ќе одржи консултации за тоа кој би можел да биде новиот шеф на неговиот кабинет, пренесува УНИАН.

