Свет
Египетскиот претседател Сиси го започна својот трет мандат
Египетскиот претседател Абдел Фатах ал-Сиси го започна својот трет мандат во новата административна престолнина на земјата, најголемиот од неколкуте мега-проекти што го одбележаа неговото владеење, а исто така не го заобиколија економските предизвици.
Новиот административен главен град во пустината, источно од Каиро, е најголемиот од мега-проектите од 58 милијарди долари. Меѓу другите значајни проекти се и проширувањето на Суецкиот канал, изградбата на сеопфатна патна мрежа и нови градови.
Зборувајќи во новата зграда на парламентот, Сиси се осврна на предизвиците со кои се соочи Египет во последните години и вети дека ќе го продолжи развојот на земјата, иако, според Ројтерс, повеќето Египќани се чувствуваат исклучени од развојниот процес.
„Претходните години ни покажаа дека патот до градењето нација не е поплочен со рози“, им рече Сиси на пратениците и официјалните претставници, потсетувајќи на тешкотиите со кои се справува земјата, од „терористичките напади, ненадејните глобални кризи и жестоките војни во соседството“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

