Свет
Елитната воена единица на Северна Кореја во посета на Русија
Делегација на севернокорејската елитна воена единица отпатува во Русија, објавија денеска севернокорејските државни медиуми.
Според Ројтерс, ова е прва воена размена меѓу двете земји откако нивните лидери потпишаа пакт со кој се обврзуваат на поблиска воена соработка.
Претседателот на Воениот универзитет Ким Ил Сунг, Ким Геум Чол, ја предводи делегацијата на службеници за воена обука и отпатува со авион во понеделникот, објави државната новинска агенција KCNA, без да даде други детали, вклучително и целта на посетата и каде во Русија е во посета.
Именуван по основачот на земјата, универзитетот е полигон за обука на елитните воени офицери, а лидерот на земјата, Ким Џонг Ун, одеше таму откако студираше во Швајцарија додека се подготвуваше да стане третиот лидер на земјата.
За време на посетата на рускиот претседател Владимир Путин на Пјонгјанг во јуни, беше потпишан сеопфатен договор за стратешко партнерство кој вклучуваше договор за заемна одбрана за кој Ким рече дека претставува „сојуз“.
Зајакнувањето на воените врски меѓу двете земји ги загрижува официјалните лица во Сеул и Вашингтон, кои укажуваат на докази за испорака на оружје во Русија за употреба против Украина и веруваат дека Пјонгјанг можеби добива помош од Москва.
Двете земји негираат какви било трансакции со оружје. Јужнокорејскиот претседател Џун Сук Леол, кој оваа недела ќе присуствува на самитот на НАТО во Вашингтон, ја предупреди Москва на негативните последици од нејзиното пријателство со Пјонгјанг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Големиот пожар во Нови Пазаре локализиран
Локализиран е пожарот што избувна ноќеска околу два часот по полноќ во Нови Пазар и зафати неколку магацини на текстилна компанија и деловни простории, соопшти попладнево МВР на Србија.
Како што наведува МВР на Србија во соопштение, во пожарот нема повредени, а истрагата е во тек.
Во гаснењето на пожарот учествувале 59 пожарникари-спасувачи со 19 противпожарни возила од Нови Пазар, Тутин, Сјеница, Ивањица, Крагуевац, Чачак, Рашка и Краљево, членови на Доброволното противпожарно друштво на Нови Пазар и Јавното комунално претпријатие во овој град, додека полицајците од Нови Пазар го обезбедувале местото на пожарот.
Командантот на противпожарно-спасувачката единица на Нови Пазар изјави дека станува збор за најголемиот пожар што некогаш го погодил Нови Пазар, а дека материјалната штета е огромна.
На граѓаните во Нови Пазар им се препорачува да бидат внимателни, да го избегнуваат подрачјето зафатено од пожарот и да ги следат официјалните информации. Надлежните служби остануваат на терен додека пожарот не биде целосно изгаснат и ситуацијата не биде прогласена за безбедна.
Свет
Завршија преговорите меѓу делегациите на Москва, Вашингтон и Киев во Абу Даби
Во Абу Даби предмалку завршија преговорите за безбедноста на Украина меѓу делегациите на Москва, Вашингтон и Киев, јавијха руските медиуми.
Руската работна група, предводена од началникот на Генералниот директорат на Генералштабот на вооружените сили, адмирал Игор Костјуков, се врати во хотелот, додаваат руските медиуми.
Претходно, агенцијата ТАСС, повикувајќи се на информиран извор, објави дека преговарачките тимови во Абу Даби проучуваат и разгледуваат неколку документи за мирот во Украина, додавајќи дека „се разгледуваат и територии и гаранции и други аспекти“.
Официјални лица потврдија дека ова беше првиот состанок од почетокот на војната, пред речиси четири години, на кој присуствуваат сите три земји.
Разговорите меѓу украинската, руската и американската делегација во Абу Даби за постигнување мирно решение за Украина, кои започнаа вчера, продолжија утрово, исто така зад затворени врати.
Американскиот пратеник Стив Виткоф, зетот на американскиот претседател Доналд Трамп, Џаред Кушнер, како и секретарот на армијата во Министерството за одбрана на САД, генерал Даниел Дрискол, исто така учествуваа на трилатералните разговори во Абу Даби, а по средбата тие веднаш отпатуваа за Израел, каде ќе разговараат за иднината на Газа.
Украинскиот претседател Володимир Зеленски вчера потврди дека контроверзното прашање за територијата на Донбас било дискутирано на состанокот во Абу Даби.
Територијалните прашања остануваат точка на спор, бидејќи Русија бара Украина да ги предаде 20-те проценти од територијата на Доњецк што сè уште ја држи, додека Зеленски одби да се откаже од таа територија.
Свет
Се трага по четворица исчезнати мигранти кај грчкиот остров Икарија
Во близина на островот Икарија пристигнале околу 50 мигранти, но четворица од нив исчезнале. Поради ова била активирана спасувачка акција од страна на крајбрежната служба на Грција која е во тек од рано утрово за пронаоѓање на лицата.
Во потрагата се вклучени еден патролен брод, брод за пловење на отворено море, хеликоптер и приватен брод.

