Свет
Ел Чапо се жали на доживотната казна, вели дека судењето било неправедно
Мексиканскиот наркобос Хоакин Гузман (63), попознат како Ел Чапо, поднесе жалба против доживотната казна затвор изречена пред една година, тврдејќи дека судењето било неправедно, објави агенцијата АП.
Во жалбата поднесена до Апелациониот суд во Њујорк се тврди дека судијата донел одлука со која на поротата и се овозможило да сослуша погрешни докази на судењето на Гузман.
Жалбата исто така тврди дека еден од адвокатите на Гузман имал судир на интереси, дека поротниците ја прекршиле наредбата да не читаат вести и објави на социјалните мрежи во врска со Ел Чапо и судењето и дека неговите права врз основа на четвртиот, петтиот и шестиот амандман биле повредени со употреба на самица и други прекумерни безбедносни процедури што претставуваат „казна без судење“.
Од судот исто така се бара да назначи друг судија да ја разгледа жалбата и да ги испита наводите дека владата неправилно го водела случајот.
Поранешниот водач на моќниот мексикански картел Синалоа беше осуден во 2019 година на доживотен затвор плус 30 години дополнителна затворска казна, а исто така му беше наредено да плати компензација од дури 12,6 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четиригодишно девојче оставено во автомобил во Аризона, починало од жештините
Четиригодишно девојче од Баки, Аризона, починало вчера откако поминало неколку часа во вжештениот автомобил, јавува ABC News.
Членовите на семејството на девојчето во полиција изјавиле дека од паркот се вратиле околу 14 часот. Откако стигнале дома, сфатиле дека четиригодишното девојче го нема, па почнале да го бараат, пренесува Индекс.
Два часа подоцна, девојчето било пронајдено во несвест во возилото надвор од домот, соопшти полицијата на Баки. Семејството контактирало со полицијата околу 17 часот.
„Полицајците пристигнаа и веднаш почнаа со компресија на градниот кош на четиригодишното девојче и се обидоа да користат дефибрилатор пред да пристигнат болничарите за да го пренесат детето во болница. Девојчето е прогласена за почината во болница“, соопшти полицијата.
Вчера температурата во Баки беше над 38 степени, соопшти Националната метеоролошка служба. Полицијата е во рана фаза на расветлување на овој случај.
Регион
Нападната амбасадорката на Србија во Мадрид
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.
Свет
Израел ја нападна Сирија, убиени цивили: „Целта беше голем воен истражувачки центар“
Во повеќекратните израелски напади врз сирискиот град Хама доцна вчера загинаа најмалку четворица цивили, објавија сириските државни медиуми, а извори велат дека нападот бил насочен кон голем воен истражувачки центар.
Од нападот на Хамас на 7 октомври врз израелските цивили и војници, Израел ги ескалира своите напади врз цели на милицијата поддржани од Иран во Сирија, а исто така ја нападна и воздушната одбрана на сириската армија и некои сириски сили.
Локален здравствен претставник, цитиран од сириската државна новинска агенција, изјави дека по вчерашните напади во близина на градот Мисјаф, 13 лица се повредени, од кои неколку се во критична состојба.
Два регионални разузнавачки извори рекоа дека голем воен истражувачки центар за производство на хемиско оружје лоциран во близина на Мисјаф бил неколку пати погоден. Се верува дека таму е сместен тим од ирански воени експерти кои се занимаваат со производство на оружје.
Сириските државни медиуми, исто така, објавија дека од ударите започнале два пожари кои пожарникарите ги гаснат.