Свет
„Епл“ силно погоден од царините; Аналитичар: Во Америка „ајфон“ може да чини 3.500 долари
Иако американскиот претседател Доналд Трамп најави 90-дневен прекин на многу од неговите царини, што им донесе пауза на некои компании и инвеститори, најголемата американска компанија „Епл“ нема толку среќа.
Технолошкиот гигант од Купертино е во голема мера зависен од синџирите на снабдување во Кина, а царините таму продолжуваат да растат. Кумулативната американска царинска стапка на кинески стоки сега изнесува дури 145 %.
Затоа, и покрај знаците за подобрување на американската трговска политика во глобален контекст, експертите посочуваат дека преговорите меѓу САД и Кина остануваат клучен фактор за „Епл“.
„Епл“ би можел да ја зголеми цената на телефоните „ајфон“ од Кина за 85 отсто
„’Епл’ може да биде уназаден со години со овие царини“, изјави Ден Ајвс, глобален шеф за технолошки истражувања во Wedbush Securities, за Си-ен-би-си. Тој додаде дека „Епл“ сега е „во ситуација кога нејзиниот брод се превртел среде океан, без чамци за спасување“.
„Епл“ со години се обидува да го диверзифицира својот синџир на снабдување надвор од Кина, но според истражувачката компанија „Омдија“, од 77 милиони „ајфони“ испорачани во САД минатата година, речиси 80 отсто се произведени во Кина.
Истата куќа проценува дека „Епл“, сакајќи да ги задржи профитните маржи, би морал да ги зголеми цените на „Ајфон“ телефоните од Кина за околу 85 отсто доколку важат сегашните царини.
„Кога првичните кинески царини беа 54 отсто, влијанието беше силно, но управливо… Но, сега, под овие услови, повеќе не се исплати ‘Епл’ да ги зголемува цените“, рече Ле Ксуан Чиу, менаџер за истражување во „Омдија“.
„Епл“ има многу малку опции на масата
Според „Ројтерс“ и индискиот весник „Тајмс оф Индија“, „Епл“ наводно успеал да испорача 600 тони „ајфони“ или околу 1,5 милиона уреди од Индија во САД пред да почнат новите царини. „Епл“ и неговите два производитела на „ајфон“ не одговорија на барањето на Си-ен-би-си.
Чиу посочува дека, иако оваа информација не е официјално потврдена, складирањето резерви би било најдобро краткорочно решение за ублажување на ефектите од царините и купување време.
Сепак, не е јасно колку долго би можеле да траат тие резерви, особено ако купувачите брзаат да го добијат „ајфон“ пред најавеното зголемување на цената, додава тој.
Поставувањето на производството во Индија може да трае со години
Според „Омдија“, среднорочната стратегија на „Епл“ е да ја намали изложеноста на геополитички ризици и тарифи, при што сè повеќе се потпира на производството и извозот на „ајфон“ од Индија.
Привремената пауза на Трамп, веројатно, ќе ја задржи основната царина на Индија на 10 проценти, барем засега, што на земјата ќе ѝ даде поповолна влезна точка на американскиот пазар.
Но, изградбата на производствен капацитет во Индија трае со години. Индиските партнери дури минатата година почнаа да ги произведуваат најскапите модели на „ајфон“ – „про“ и „про макс“.
Според Чиу, ќе бидат потребни најмалку уште една или две години за индиското производство навистина да се зголеми и да ја задоволи побарувачката, а тоа доаѓа со свои царински ризици.
Дали „Епл“ може да добие ослободување?
Аналитичарите веруваат дека најдобрата опција на „Епл“ би била да бара ослободување од царините за увоз од Кина додека не го консолидира својот синџир на снабдување надвор од земјата.
Компанијата делумно доби вакво ослободување за време на првиот мандат на Трамп, а некои аналитичари веруваат дека тоа би можело да се повтори.
„Сè уште гледам простор за олеснување преку отстапки за ‘Епл’, со оглед на нивната инвестициска посветеност од 500 милијарди долари во САД“, рече Даниел Њуман, директор на компанијата за анализа The Futurum Group. „Сè уште не се зборува многу за тоа – но јас сум оптимист дека компаниите што се обврзуваат да се прошират во САД би можеле да добијат некакво олеснување“.
„Епл“ во февруари објави дека планира да инвестира 500 милијарди долари во САД и да отвори 20.000 работни места.
Сепак, Трамп постојано изјавува дека верува оти „Епл“ може да произведува „ајфон“ во САД иако аналитичарите се сомневаат во изводливоста на овојплан. Аналитичарот на Wedbush, Ден Ајвс, проценува дека цената на еден „ајфон“ произведен во САД би била околу 3.500 долари во споредба со вообичаените 1.000 долари.
Во меѓувреме, некои аналитичари предупредуваат дека ниту трговскиот договор ниту евентуалното ослободување од тарифи може да биде доволно за „Епл“ да избегне негативни последици.
„Да претпоставиме дека има отстапка – или преку намалување на царините за Кина или преку специјално ослободување за ‘Епл’“, вели Крег Мофет, коосновач и висок аналитичар во истражувачката компанија MoffettNathanson.
„И тоа не би го решило проблемот. Дури и основната тарифа од 10 проценти е огромен предизвик за ‘Епл’“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Силно невреме во Австрија, уништени автомобили
Силно невреме денес предизвикало значителни штети во некои места во Тирол, Австрија. Во округот Швац и поширокиот регион Кицбил биле потребни повеќе интервенции од противпожарните служби, додека во Фиген во Цилертал е забележано силно невреме проследено со град.
Додека низ Фиген течеле надојдени потоци, град искршил бројни автомобилски стакла. На повеќе локации во општината, по попладневното невреме останал слој град дебел неколку сантиметри, кој морал да се отстранува со лопати, а на места и со багери.
Heavy rainfall and flash floods in Tyrol – Austria 🇦🇹 a short while ago 🚨❄️
26-6-2025
📍Fügen, Tyrol ⛈️⛈️Austria pic.twitter.com/4N8DHUTA5E
— sustainme.in®️ (@sustainme_in) June 26, 2025
26-6-2025
📍Fügen, Tyrol ⛈️⛈️Austria pic.twitter.com/3IWooZCjh9— sustainme.in®️ (@sustainme_in) June 26, 2025
Во регионите Пил и Вер паднале повеќе дрвја поради силниот ветер. Во доцните попладневни часови пожарникарите биле повикувани на повеќе интервенции во поширокиот регион на Кицбил, каде што имало навлегување на вода во објекти.
https://twitter.com/i/status/1938261420191211821https://twitter.com/i/status/1938261420191211821
Невреме имаше и во Франција. Две лица загинаа во Франција за време на силните бури што ја погодија земјата по период на екстремни горештини, објавија локалните медиуми повикувајќи се на властите. Во департманот Тарн-е-Гарон на југот на Франција, 12-годишно момче загинало кога врз него паднало дрво додека со семејството се обидувало да се засолни, јави телевизијата BFMTV. Во едно село на северозападот од Франција, возач загинал откако удрил во дрво кое паднало преку патот, јави телевизијата Ici.
‼️39,000 lightening strikes⚡️⚡️
🔴Two killed as floods smash France!🔴In a few seconds, the Eiffel Tower disappeared from sight… Thick clouds and rain obscured the Eiffel Tower#France #BreakingNews pic.twitter.com/LpRmvc3hw9
— Bliss.Of.Yemen (@royaldoc3) June 26, 2025
Во многу делови од Франција температурите се искачиле значително над 30 степени Целзиусови, по што следеле грмежливи бури. Ударите на ветер достигнувале и до 120 километри на час, што предизвикало предупредување за опасни временски услови во 57 департмани.
Во Париз, премиерот Франсоа Бајру ги повикал жителите на погодените подрачја на особено внимание. Според BFMTV, силниот дожд предизвикал навлегување на вода во зградата на парламентот додека пратениците заседавале.
Lots of storm damage in Paris, France tonight…pic.twitter.com/cuym5BSAXs
— Volcaholic 🌋 (@volcaholic1) June 25, 2025
На врвот на Ајфеловата кула се измерени ветрови со брзина од 112 километри на час. Обилните врнежи поплавиле многу метро-станици и предизвикале проблеми во сообраќајот во главниот град. Температурата во Париз паднала за 11 степени за само 20 минути.
Свет
Путин за ситуацијата на Блискиот Исток: Се смирува
Рускиот претседател Владимир Путин денес изјави дека ситуацијата на Блискиот Исток се смирува и дека конфликтот меѓу Иран и Израел е минато.
„Сега ситуацијата на Блискиот Исток се смирува, и конфликтот меѓу Израел и Иран, фала му на Бога“, рече Путин на пленарната сесија на Евроазискиот економски форум (ЕАЕУ) во Минск.
Тој изјави дека ЕАЕУ е отворена за соработка со сите заинтересирани партнери.
„Нашето здружение е секогаш отворено за соработка со сите заинтересирани странски партнери. Активно развиваме заемно корисни врски со земјите од Евроазија, Африка, Латинска Америка, зајакнувајќи ги контактите со мултилатералните структури… тоа се БРИКС, ЗНД, ШОС, АСЕАН, Африканската унија и други“, рече Путин.
Минск оваа година ќе претседава со ЕАЕУ (во која членуваат Русија, Белорусија, Казахстан, Ерменија и Киргистан).
Евроазискиот економски форум, кој се совпаѓа со состанокот на Врховниот евроазиски економски совет, се одржува во Минск од 26 до 27 јуни.
Свет
Тинејџерка со сведоштво за терористичкиот напад во црква во Сирија: Секој тука е нечиј роднина
Повеќе од 20 лица загинаа, а 50 беа повредени во терористичкиот напад во православната црква Свети Илија во Дамаск, што се случи во неделата за време на литургијата.
Меѓу луѓето што биле во црквата тој ден е и студентката Ана (19), која вели дека во таа христијанска заедница сите се поврзани и дека трагедијата ги шокирала.
„Секој овде е нечиј роднина. Кога едно лице умира, се чувствуваме како сите да губиме дел од себе. Експлозијата нè потресе сите. Видов млади мажи, соседи, како скокаат да ја спречат, но не можеа. Луѓето беа во шок кога се случи, многу од жртвите беа жени што ги гледав во црква секоја недела“, рече Ана.
После тоа, семејствата во Двела, сиромашна населба што веќе се соочуваше со сериозни економски тешкотии, беа принудени да собираат донации преку групни фондови само за да ги погребаат своите роднини и пријатели. На место каде што верата и сиромаштијата одат рака под рака, тагата доаѓа со висока цена.
Ана рече дека имало инциденти во областа што му претходеле на нападот.
„Само пред неколку месеци, кога автомобил застанал пред истата црква што промовирала исламски прозелитизам, жителите реагирале бурно, бркајќи ја групата, а видеа од конфронтацијата подоцна се појавиле на интернет. Оттогаш, членовите на заедницата се соочувале со закани на социјалните медиуми“, рече таа.
По нападот од 22 јуни, сириската влада реагираше брзо. Претседателот Ахмад ал-Шара го осуди нападот.
„Ветуваме… дека ќе работиме дење и ноќе, мобилизирајќи ги сите наши специјализирани безбедносни агенции, со цел да ги уапсиме сите оние кои учествувале и го планирале ова гнасно злосторство и да ги изведеме пред лицето на правдата. Нападот нè потсетува на важноста на солидарноста и единството на владата и народот во лицето на сè што ја загрозува безбедноста и стабилноста на нашата нација“, додаде тој.
Министерството за внатрешни работи подоцна ја обвини Сараја Ансар ал-Суна за бомбардирањето, „спиечка“ ќелија поврзана со групата Исламска држава, покренувајќи прашања за нејзиното потекло, мотиви и потенцијални врски со други џихадистички мрежи.
Министерството соопшти дека ќелијата е откриена во рации спроведени во соработка со военото разузнавање.
.
Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот
Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...
(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал
Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...
Од 1 јули целосна забрана за движење во шумите
Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...
(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ
На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...
Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ
Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...
Топлотни бранови низ целиот свет: „Многу е рано, не изгледа добро“
Поради неподносливата топлина, Торонто одлучи да ги држи своите градски базени отворени речиси до полноќ. Британците масовно бегаат кон брегот....
Синдикат на култура: Работници немаат добиено плата за мај, инструкции се даваат по телефон
Две институции од областа на културата, НУ Стоби и ЈУ Универзална сала, немаат плата за мај. Причината лежи во тоа...
Поднесено обвинение за таткото од Драчево кој ја тепаше крвнички неговата четиригодишна ќерка
Обвинителството поднесе обвинение против таткото од скопско Драчево кој крвнички ја тепаше неговата четиригодишна ќерка. „Обвинетиот, на 21 јуни, вршејќи...
Халкидики: Се удави 19-годишен турист од Северна Македонија
Деветнаесетгодишно момче од Македонија се удави во вторникот попладне на централната плажа во Ханиоти на Халкидики, објави halkidikinews. Според извештајот...
Белата куќа: Иран не го преместил збогатениот ураниум пред нападот
Администрацијата на американскиот претседател, Доналд Трамп, ја отфрли хипотезата дека Иран го преместил високо збогатениот ураниум пред американските напади. Доналд...
Бугарскиот премиер: Целта на Северна Македонија е членство во ЕУ, а не освојувaње на Вавилон
Бугарскиот премиер Росен Жељазков разговараше со претседателката на Република Македонија Гордана Силјановска за време на самитот на НАТО во Хаг,...
Сиљановска-Давкова: Куса средба со Трамп – симболичен гест на почит и партнерство
Претседателктата Гордана Сиљановска-Давкова на маргините на самитот на НАТО во Хаг се сретнала со американскиот претседател Доналд Трамп. „Кратка средба...
Институциите до работодавачите: Да се работи од далечина каде што е изводливо, работниците да не бидат надвор од 11 до 17 часот
Министерството за економија соопшти дека во согласност со усвоената Информација за спроведување на мерки од Фаза 3 на Акцискиот план...
Адвокатот на Ѓорчевски: Нема одговор зошто беше киднапирана и убиена Вања, и зошто се инсистираше татко и’ да е дел од постапката
Владимир Туфегџиќ – адвокатот на таткото на убиената Вања Ѓорчевска, Александар Ѓорчевски ја коментираше денешната ослободителна пресуда за неговиот клиент,...
Обвинителството ќе се жали на ослободителната пресуда за таткото на Вања
Обвинителството ќе се жали на ослободителната пресуда за Александар Ѓорчевски, татко на убиената Вања Ѓорчевска, кој беше обвинет дека помагал...
Трамп: Ако не ги уништeвме нуклеарните комплекси на Иран, тие никогаш немаше да се согласат на мир
Претседателот на САД, Доналд Трамп, на прес-конференција за време на самитот на НАТО во Хаг изјави дека американските воздушни напади...
Доживотен затвор за убиството на Вања и Панче, таткото ослободен од обвинение
Кривичниот суд пресуди доживотен затвор за Љупчо Палевски, Боре Видевски, Велибор Манев, Влатко Кешишов за грабнување и за убиството на 14-годишната Вања...
Белата куќа: Извештајот за нападот врз Иран на „Си-ен-ен“ му го даде анонимен губитник од низок ранг
Американските медиуми објавуваат дека првичната проценка направена од Агенцијата за разузнавање на Министерството за одбрана на САД (DIA) покажала дека...
Американски разузнавачки служби го открија извештајот: Нападите не ја уништија нуклеарната програма на Иран
Нападите на американската војска врз три ирански нуклеарни објекти минатиот викенд не ги уништија клучните компоненти на нуклеарната програма на...
Евакуирани македонски државјани од Израел, мајка и три деца слетаа во Атина
Министерството за надворешни работи и надворешна трговија информира дека вчера беше реализирана евакуација на четири македонски државјани, односно едно семејство...
