Свет
ЕП ќе му исплати 40.000 евра на Пучдемон
Европскиот парламент ќе им исплати 80.000 евра заостанати плати на двајца пратеници од Каталонија, Карлес Пучдемон и Тони Комин. Двајцата треба да добијат по околу 40.000 евра.
И двајцата се соочуваат со обвиненија во Шпанија за улогата во референдумот за независност на Каталонија во 2017 година, а беа избрани на изборите во мај во Европскиот парламент. Тие ќе добијат плата за изминатите шест месеци, од јули до декември 2019 година.
Месечната плата е 8.757 евра, а тие исто така имаат право на 4.563 евра за трошоци.
Пучдемон, кој е поранешен претседател на Каталонија и Комин, министер за здравство во неговата влада, требаше да го почнат мандатот на 2 јули, но шпанските власти одбија да ги признаат како европратеници, освен ако не положат заклетва во оваа земја во која се соочуваат со апсење.
Тие ја напуштија Шпанија во 2017 година и побегнаа во Белгија. Минатиот месец Европскиот суд на правдата донесе одлука дека двајцата имаат пратенички имунитет.
По оваа одлука, претседателот на Европскиот парламент Дејвид Сасоли ја укина забраната на Шпанија и им дозволи на Пуџдемон и на Комин влез во зградата на ЕП.
Покрај платите, Пучдемон и Комин ќе можат да вработуваат луѓе, да пишуваат извештаи, јавно да зборуваат на состаноците на комисиите или на седниците на Европскиот парламент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

