Свет
Ерменија известува за континуирано гранатирање од страна на Азербејџан
![](https://makfax.com.mk/wp-content/uploads/2020/07/13-ermenija.jpg)
Азербејџанските вооружени сили утрово го обновиле гранатирањето на ерменските позиции на државната граница во правец на провинцијата Тавуш во Ерменија, објави Шушан Степанјан, портпарол на прес-службата на Министерството за одбрана на Ерменија, пренесува ТАСС.
„По два-три часовна пауза утрово противникот ги продолжи провокативните активности, продолжувајќи со гранатирање во правец на ерменските позиции. Ерменските вооружени сили дадоа соодветен одговор. Не е исклучено бројот на загубите кај противникот да се зголемат“, напиша таа на Фејсбук.
Претходно, Министерството за одбрана на Азербејџан извести дека тензиите на границата со Ерменија продолжиле во текот на ноќта кон 13 јули и еден азербејџански војник загинал.
„Ноќта кон 13 јули остана тензијата во насока на Товуз на државната граница меѓу Азербејџан и Ерменија. За време на ноќните судири, со употреба на артилерија, минофрлачи и тенкови, азербејџанските армиски единици ја уништија базната точка, артилериските гнезда, автомобилската опрема во воената база, како и персоналот“, изјави азербејџанското Министерство за одбрана на својата веб-страница.
Според Министерството за одбрана, во акција е убиен првиот потполковник на азербејџанската армија, Рашад Махмудов.
„Во моментов оперативната состојба е под контрола на азербејџанските трупи“, се вели во соопштението.
Министерството во неделата извести за обидите на ерменските вооружени сили да ги нападнат позициите на азербејџанската армија на насока на Товуз со употреба на артилерија и последователе судир. Според изјавата на Министерството, противникот претрпел загуби и се повлекол. Двајца војници од Азербејџан биле убиени во акцијата, а петмина се повредени. Подоцна, уште еден војник починал поради здобиените рани.
Конфликтот меѓу Ерменија и Азербејџан околу планинскиот регион Нагорно-Карабах (спорната територија што беше дел од Азербејџан пред распадот на Советскиот Сојуз, но е населена со мнозинство Ерменци), избувна во февруари 1988 година откако автономниот регион Нагорно-Карабах го објави своето повлекување од Азербејџанската Советска Република.
Во периодот 1992-1994 година, тензиите експлодираа во огромна воена акција за контрола врз енклавата и седумте соседни територии откако Азербејџан изгуби контрола над нив. Разговорите за Нагорно-Карабах се водат од 1992 година во форма на Групата Минск на ОБСЕ, предводена од нејзините тројца копретседатели – Русија, Франција и САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.