Свет

Ескалира хаосот во Казахстан – опожарени возила, каменувани згради, падна првата жртва

Објавено пред

3 недели

- 5 јануари, 2022

Од

Протестите кои почнаа во неделата, синоќа и утринава, прераснаа во насилство, што доведе до пад на Владата.

Жестоки судири меѓу полицијата и демонстрантите се забележани во градот Алма Ата, а според последните информации стотици луѓе се повредени.

Демонстрантите денеска во текот на денот упаднаа во управната зграда (акимат), при што беше забележано дека полицијата употребила гумени куршуми во обид да ја разбие масата.

Според руската телевизија РЕН ТВ, еден демонстрант е убиен во градот Атирау. Според прелиминарните информации, тој е првата жртва на масовните улични протести во Казахстан.

Демонстрантите се обидуваат да ја заземат зградата на регионалната полициска управа. Полицијата фрла шок-бомби.

„Хорот“ на демонстрантите ја урна статуата на поранешниот претседател Нурсултан Назарбаев. Назарбаев беше на чело на оваа држава во периодот од 1989 до 2019 година. На снимката се гледаат демонстранти како обвиткуваат ленти околу споменикот и се обидуваат да го урнат

📹 | Demonstrators in #Kazakhstan topple statue of former president Nursultan Nazarbayev.pic.twitter.com/bVMsUZf2lw
— EHA News (@eha_news) January 5, 2022

Во немирите се повредени повеќе од 100 полицајци и 50 цивили, јавуваат локалните медиуми. Но, бројот на жртвите не е познат, но судејќи по зборовите на претседателот на таа земја, жртви има и меѓу полицијата. Претседателот Токаев не даде повеќе информации за бројот на жртвите.

На социјалните мрежи беа објавени и снимки на кои се гледа како некој пука во војниците, како и војници како извлекуваат ранети колеги од градските раскрсници.

Multiple #Kazakhstan Military personnel injured from what seems to be live bullets in Almaty pic.twitter.com/L86iOkJUxh
— Aldin 🇧🇦 (@aldin_ww) January 5, 2022

Инаку, претседателот Токаев претходно изјави дека „ќе постапи грубо во ситуацијата со протестите“ и дека нема да го напушти главниот град што и да се случи.

Во центарот на конфликтот во градот Алма Алта веќе неколку часа не работат мобилната телефонија и интернетот, јавуваат руските медиуми.

Демонстрантите денеска упаднаа во редакцијата на РТВ Мир. Целата опрема е уништена, а вработените се евакуирани.

Драматични сцени во текот на денот беа видени на улиците на неколку градови во Казахстан. Демонстрантите во Алма-Ата одзедоа огнено оружје, штитови и палки од полицијата, а во еден момент беше киднапирано и едно противпожарно возило.

Во текот на утрото демонстрантите упаднаа во канцеларијата на градоначалникот, а потоа се обидоа да влезат во резиденцијата на претседателот во градот Алмати, според руската агенција TAS S.

Жестоки судири се случија синоќа, тие продолжија и денеска. Повредени се 190 лица, од кои 137 полицајци. Како што јави ТАСС, во денешните немири се повредени пет работници на Брзата помош.

Откако владата поднесе оставка, а претседателот на Казахстан, Касим-Жомарт Токаев, воведе вонредна состојба, демонстрантите во Алмати денеска продолжија да се судираат со полицијата која почна да користи специјални средства, солзавец и шок-бомби.

NOW – Citizens in #Kazakhstan detain military personnel as violent anti-government protests continue to roil the country.
2 video's (2) pic.twitter.com/27fgJK9M7S
— Lara 💫⚡️✨🌟☀️👒 (@bufy68) January 5, 2022

Протестите започнаа во неделата во провинцијата Мангистау, која произведува нафта во западен Казахстан, по укинувањето на прописите со кои се ограничи цената на течниот нафтен гас, популарно гориво за автомобилите, по што цената на горивото се зголеми за повеќе од 100 отсто.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Борел: Агресијата против Украина би имала огромни последици

Претходно

Во Израел скоро 12.000 новозаразени – најмногу од почетокот на пандемијата

Свет

Обилни снежни врнежи во Турција – возилата се заглавени во снег, сите летови се прекинати

Објавено пред

17 минути

- 25 јануари, 2022

Од

Макфакс

Суспензијата на летовите од аеродромот во Истанбул денеска беше продолжена поради обилните снежни врнежи, додека зимските временски услови го блокираа сообраќајот низ градот во кој живеат околу 16 милиони луѓе.

Турските власти денеска прогласија административно отсуство за сите вработени во јавните институции со цел да се намали мобилноста, пренесува Танјуг.

Гувернерот на Истанбул Али Јерликаја напиша на Твитер дека приватни возила нема да бидат дозволени на патиштата до 10:00 часот по Гринич, додека екипите за итни случаи продолжуваат да ги чистат патиштата.

На снимката што ја сподели гувернерот се гледаат камиони и автомобили заглавени во снегот.

Турската авиокомпанија „Туркиш ерлајнс“ вчера објави дека ги откажала сите летови од аеродромот до Истанбул бидејќи аеродромот бил затворен.

Снежното невреме им предизвика голема главоболка на 16 милиони жители на најголемиот град во Турција, каде автомобили се судрија еден во друг, лизгајќи се по стрмна улица покриена со снег и автопати кои се претворија во паркинзи, пишува Ал Џезира.

Канцеларијата на гувернерот на Истанбул ги предупреди возачите дека нема да можат да влезат во градот од Тракија, регион кој се протега низ европскиот дел на Турција до нејзината западна граница со Бугарија и Грција.

Трговските центри беа затворени рано, услугите за испорака на храна беа затворени, а култните градски пекари стоеја празни бидејќи добавувачите не можеа да го пробијат снегот.

Сообраќајните службеници, исто така, ги затворија главните патишта низ големи делови од централна и југоисточна Турција, планински регион погоден од снежно невреме за прв пат минатата недела.

Некои Турци се израдуваа на снегот, па некои улици во Истанбул беа претворени во еден вид скијачки патеки.

Прикажи повеќе...

Свет

Рамзан Кадиров: Да бев на местото на Путин, одамна ќе ја окупирав Украина

Објавено пред

1 час

- 25 јануари, 2022

Од

Макфакс

Чеченскиот лидер Рамзан Кадиров изјави дека САД ја користат Украина за поставување воена база на нејзина територија, додавајќи дека доколку тој бил на местото на рускиот претседател Владимир Путин, „одамна ќе ја окупирал Украина“.

Кадиров изјави дека најблизок сосед на Русија е Украина и дека се работи за словенските народи, пренесува РИА Новости.

Според Кадиров, Америка не ѝ прави ништо добро на Украина, но ѝ треба држава во која ќе ја постави својата база.

„Ако има луѓе во Украина, тие мора да се спротивстават, а ако ги нема во Украина, тогаш Русија мора да преземе мерки“, рече Кадиров.

Тој додаде дека доколку тој би бил претседател, одамна ќе ја окупирал Украина, ќе испрати војници и ќе воспостави ред.

„Ако Америка или некој мисли дека е можно да се уништи Русија или да се окупира или да се фрли нашата земја на колена, тоа никогаш нема да се случи“, нагласи Кадиров.

Прикажи повеќе...

Свет

Заедничката вежба на Русија и Кина „Мирно море 2022“, одржана во Арапското Море

Објавено пред

2 часа

- 25 јануари, 2022

Од

Макфакс

Во Арапското Море се одржа заедничката руско-кинеска воена вежба „Мирно море 2022“, соопшти Министерството за одбрана на Русија.

Поморската вежба се одржа во западниот дел на Арапското Море, пренесува РИА Новости. За време на вежбата, руските бродови и кинеската морнарица вежбаа ослободување на запленетиот брод.

В Аравийском море состоялось совместное российско-китайское военно-морское учение «Мирное море-2022» https://t.co/QfVW0amxOJ #Минобороны #АрмияРоссии #ВМФ #ТОФ #МирноеМоре2022 pic.twitter.com/pEA9IZ64P5
— Минобороны России (@mod_russia) January 25, 2022

Од руска страна во вежбата учествуваше одред на бродови од Тихоокеанската флота. Претходно, бродовите на Пацифичката флота учествуваа во заедничка вежба со Индија, а потоа и на руско-иранско-кинеската поморска вежба.

Прикажи повеќе...