Свет
Жена бомбаш-самоубиец се разнесе во центарот на Тунис, девет повредени
Жена се разнесе во центарот на Тунис, главниот град на Тунис, во понеделникот, објави државното радио Радио Шамс-ФМ.
Според прелиминарните извештаи, експлозијата што ја погодила централната авенија „Хабиб Бургиба“ била резултат на самоубиствен бомбашки напад. Полицијата го затвори местото на инцидентот.
Туниското Министерство за внатрешни работи ги потврди извештаите во кои се наведува дека девет лица претрпеле повреди како резултат на експлозијата. Според локалните ТВ-извештаи, осуммина од повредените се полицајци и еден е цивил. Сите повредени беа однесени во градските болници. Жената загинала во експлозијата.
„Дејли мејл” објави дека наводниот женски бомбаш-самоубиец сериозно повредил најмалку две лица во експлозијата. Медиумите, исто така, истакнаа дека експлозијата се случила блиску до полициско комбе и недалеку од еден хотел.
Освен тоа, медиумите цитираат очевидци кои тврдат дека жената носела самоубиствен елек. Ниту една терористичка група не ја презеде одговорноста за инцидентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

