Рускиот опозициски лидер Алексеј Навални е номиниран за Нобелова награда за мир, најави Сергеј Ерофеев, професор на универзитетот „Рутгерс“ во Њу Џерси.

Тој рече дека Навални е номиниран за наградата од група научници од повеќе универзитети, но тој не ги наведе нивните имиња, пренесува рускиот портал News.ru.

Номинациите за Нобеловата награда за мир се доставуваат од септември до крајот на јануари следната година, а според правилата на шведската академија, која ја доделува, официјално се објавуваат само имињата на добитниците, додека имињата на кандидатите се објавуваат 50 години подоцна.

Во последните 24 часа се регистрирани 82 нови случаи на коронавирус од 6.877 тестирани во Србија, а две лица починаа, објави Кризниот штаб.

Во болниците има 320 лица, од кои 21 се на апарати за дишење.

Од почетокот на епидемијата, тестирани се вкупно 1.056.256 лица, починале 738 пациенти, а стапката на смртност е 2,26 проценти.

Министерството за труд соопшти дека заклучно со денес, потврдено е присуство на вирус кај 60 корисници и 23 вработени во институциите за социјална заштита и домовите за возрасни и стари лица.

Група домородни жители срушија стата на шпанскиот конквистадор Себастијан де Белалказар за време на неодамнешните протести во југозападна Колумбија, објави радио станицата РЦН.

Марш на народот Мисак против насилството се одржа вчера во градот Попајан, во регионот Каука. Кога стигнале до статуата, група учесници во маршот ја собориле со јажиња. Според РЦН, присутните полициски единици не се мешале во случувањата.

Градоначалникот Хуан Карлос Лопез Кастријон го осуди чинот и вети дека статуата ќе биде обновена. Во меѓувреме, судските власти веќе почнаа истрага за откривање и гонење на сторителите.

🎥🛑En #Colombia NO NOS VOLVEMOS A ARRODILLAR FRENTE A IMPERIALISTAS Y SUS COMPLICES.

🔻Sebastián de Belalcazar asesino a Miles de Indígenas y su símbolo es apología a la barbarie el genocidio y las masacres.#ColombianLivesMatter #DefundThePolice #ACAB pic.twitter.com/V21h5Kxvuo

— ©halecos Amarillosᴳᴸᴼᴮᴬᴸ 🍀ʷAͤNͣOͬNͤYˡMͤOᵍUͥSͦⁿ (@ChalecosAmarill) September 16, 2020

Себастијан де Белалказар бил шпански конквистадор, познат по своите освојувања на Еквадор, Колумбија и Никарагва, како и по основањето на Попајан.

Граѓанските немири во целата земја беа испровоцирани по смртта на 46-годишниот адвокат Хавиер Умберто Ордонез, кој беше држен и малтретиран во полициска станица за наводно непочитување на мерките за физичка дистанца.

Инцидентот го отсликува бранот на рушење на статуите на Конфедерацијата, што ги зафати јужните држави на САД по смртта на Џорџ Флојд.

​