Свет
Зариф го предупреди Трамп да не влетува во авантуризам со Иран
Иранскиот министер за надворешни работи, Џавад Зариф, го предупреди американскиот претседател Доналд Трамп дека ќе сноси целосна одговорност за секој потег по тврдењата на ПОТУС дека Иран е одговорен за ракетниот напад врз американската амбасада во Багдад.
Високиот ирански дипломат вчера објави на „Твитер“ дека Трамп користи безвредна фотографија за непромислено да го обвини Иран, очигледна референца на ПОТУС, кој претходно објави на „Твитер“ фотографија од три мали ракети за кои тврди дека не експлодирале обвинувајќи го Иран.
.@realDonaldTrump uses a worthless photo to recklessly accuse Iran.
Last time, the US ruined our region over WMD fabrications, wasting $7 TRILLION & causing 58,976 American casualties.
FAR WORSE this time. Trump will bear full responsibility for any adventurism on his way out. pic.twitter.com/scCeSwjUmE
— Javad Zarif (@JZarif) December 24, 2020
Зариф преку твит додаде: „Минатиот пат САД го уништија регионот на Блискиот Исток поради измислиците за оружје за масовно уништување во Ирак трошејќи 7 трилиони долари и предизвикајќи 58.976 американски жртви“.
Тој исто така приложи во твитот одделни фотографии на поранешниот американски претседател Џорџ В. Буш пред натписот „завршена мисија“ и на Трамп и израелскиот премиер Бенјамин Нетанјаху, кои се ракуваат во знак на солидарност.
Putting your own citizens at risk abroad won't divert attention from catastrophic failures at home.
In your own words @realDonaldTrump: pic.twitter.com/kbtL8GWLHm
— Javad Zarif (@JZarif) December 24, 2020
Ова се случи кусо по твитот на Зариф, во кој тој инсистира дека изложувањето на ризик на американски граѓани во странство нема да го сврти вниманието од катастрофалните неуспеси дома. Објавата содржеше фотографија на неодамна објавената табела, која ги сумира 20-те дена во изминатите 100 години со најмногу американски смртни случаи од природна катастрофа, војна или пандемија.
Зариф дополнително го критикува Трамп за лицемерство објавувајќи слики од твитови на ПОТУС од претходните години во кои се тврди дека ексамериканскиот претседател Барак Обама ќе го таргетира Иран за да ја зголеми својата популарност дома и да си го сочува образот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Планинар загина во БиХ: спасувачите со часови го извлекуваа неговото тело
На планината Височица во Босна и Херцеговина, вчера вечерта беше во тек исклучително тешка и напорна операција за извлекување на телото на починат планинар. Во операцијата учествуваа 20 спасувачи од Службата за спасување Прењ, ГСС Јабланица и ГСС Кантон Сараево.
Спасувачката операција траеше од недела попладне, а беше отежната поради непристапниот терен и исклучително тешките физички услови. Постоеше надеж дека хеликоптер на ЕУРОФОР ќе може да го транспортира телото, бидејќи локацијата беше погодна за таков пристап, но поради темнината, тоа на крајот не беше можно, објави Индекс.хр.
„Се надеваме дека хеликоптерот ќе може да пристапи, во спротивно евакуацијата ќе продолжи цела ноќ. Теренот е исклучително тежок“, објавија претходно спасувачите на својот Фејсбук профил.
Европа
(Видео) Снимено уривањето на огромен руски воен транспортен авион, се преполови во воздух
Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го прикажува авионот како се распаѓа во воздух.
Ан-22 се урна минатиот вторник. Руската државна новинска агенција Тасс објави, повикувајќи се на службите за итни случаи, дека сите седум членови на екипажот загинале во несреќата.
✈️Moment of the crash of the Russian military transport aircraft An-22 https://t.co/TnvYdBNXB9 pic.twitter.com/7u5xoRh2wx
— Special Kherson Cat 🐈🇺🇦 (@bayraktar_1love) December 14, 2025
Се верува дека инцидентот е предизвикан од технички дефект на авионот, кој е во употреба повеќе од 50 години, објави подоцна деловниот весник „Комерсант“, повикувајќи се на анонимни извори. Тасс соопшти дека авионот бил на закажан лет по поправките и се урна во близина на резервоар. Остатоците од авионот се пронајдени во водата.
Свет
(Видео) Нападот врз Бонди е чин на чисто зло, вели австралискиот премиер
Австралискиот премиер Ентони Албанез и началниците на полицијата одржаа прес-конференција во Сиднеј.
„Она што го видовме вчера беше чин на чисто зло“, рече австралискиот премиер Ентони Албанез.
„Тоа беше чин на антисемитизам, чин на тероризам на наша почва, на една од најзначајните локации во Австралија – плажата Бонди“.
Тој рече дека местото ќе биде „засекогаш обележано“ од „злобата“ на антисемитизмот.
Тој додаде дека знамињата низ целата земја денес ќе бидат спуштени на половина копје.
„Вчера беше навистина мрачен ден во историјата на нашата нација. Но, ние како народ сме посилни од кукавиците што го направија ова“, рече Албанез.
Тој продолжи: „Австралија никогаш нема да се предаде на поделбите, насилството или омразата и заедно ќе излеземе од оваа трагедија. Нема да им дозволиме да нè поделат како нација.“

