Избувна пожар во магацин за пиротехника во Москва, при што се случија низа експлозии. Огнот зафати петарди и други уреди исполнети со барут, соопшти Службата за итни ситуации. Нема информации за евентуални жртви во пожарот.

Breaking: Initial reports of a large fire at a firework factory in Moscow, Russia. pic.twitter.com/VjuleKtW8A

— PM Breaking News (@PMBreakingNews) June 19, 2021

Бело сив густ чад излегува од магацинот и лебди над градот. Сообраќајната полиција излегла на местото на експлозијата, а руското Министерство за вонредни состојби потврди дека во магацинот има пожар.

Breaking: Initial reports of a large fire at a firework factory in Moscow, Russia. pic.twitter.com/VjuleKtW8A

— PM Breaking News (@PMBreakingNews) June 19, 2021

Очевидци пријавија пожар и експлозии во областа на насипот Лузњец. Поради пожарот, сообраќајот е ограничен.

Breaking: Initial reports of a large fire at a firework factory in Moscow, Russia. pic.twitter.com/VjuleKtW8A

— PM Breaking News (@PMBreakingNews) June 19, 2021

„ Според прелиминарните податоци, пожарот зафатил површина од 150 квадратни метри, а потоа се проширил на блиската зграда“, наведува извор на ТАС С.

🇷🇺Massive fire erupts in central Moscow in what is reportedly a pyrotechnics warehouse, causing multiple explosion🇷🇺 pic.twitter.com/pZIWORxSed

— 🇷🇺Πολ Νάβεν🇨🇳 (@Astronaveen7) June 19, 2021

Пожарникарите побараа дополнителни единици бидејќи пожарот сè уште е надвор од контрола.

Денот кога нацистичка Германија го нападна Советскиот Сојуз е причина за срам за Германците, рече германската канцеларка Ангела Меркел во обраќањето објавено на веб-страницата на германската влада.

„ За неколку дена, 22 јуни ќе ја одбележи годишнината од нападот на нацистичка Германија врз тогашниот Советски сојуз. По германскиот напад врз Полска во 1939 година, започна Втората светска војна, две години подоцна Германија го отвори следното страшно поглавје. За нас Германците, тој ден е причина за срам “, рече Меркел.

Таа додаде дека Германија признава дека сноси одговорност за злосторствата на нацистичкиот режим.

„ Тоа вклучува постојано сеќавање на она што се случило. Тоа не смее да се заборави. Тоа им го должиме на милиони жртви и нивните потомци. Од таа одговорност, расте нашата должност да дејствуваме во име на мирот и меѓународниот поредок, засновани на правила“, истакна Меркел.

Таа додаде дека и покрај ужасите од војната, народите од поранешниот Советски Сојуз подадоа рака на помирување кон нејзината земја.

„Длабоко сме благодарни за тоа“, рече канцеларката.

Според неа, Германија е тесно поврзана со Русија преку историски и економски врски и потребно е да се одржи дијалог со Москва, и покрај постојните несогласувања.

Претходно германскиот претседател Франк-Валтер Штајнмаер изјави дека војната на нацистичка Германија против СССР е крваво варварство. Како што рече, во Втората светска војна никој не страдал повеќе од народите на поранешниот Советски сојуз.

Претседателот на Белорусија, Александар Лукашенко, најави дека Минск нема да прифаќа авиони од Украина. Ова е одговор на одлуката на Киев за забрана за влез на белоруски авиони во украинскиот воздушен простор.

„ Бидејќи Украина го затвори воздушниот простор за нас, тогаш ние едноставно нема да прифаќаме авиони од Украина“, рече Лукашенко.

Украина претходно најави дека ќе го откаже воздушниот сообраќај со Белорусија од 26 мај, по ситуацијата со слетувањето на авионот на компанијата „Рајанер“ во Минск и го ограничи користењето на нејзиниот воздушен простор од белоруските авиони.

Aвионот на компанијата „Рајанер“, кој леташе од Атина за Вилнус, принудно слета на 23 мај на аеродромот во Минск, поради најава дека е поставена бомба. По тој повод беше уапсен новинарот Роман Проташевиќ, како и неговата девојка Софија Сапегаи, со која отпатуваше по одморот во Грција.

Информацијата за бомбардирањето не беше потврдена, но против Проташевиќ беше покрената кривична постапка по повеќе основи, вклучително и за „организирање масовни немири“.

Тој се соочува со затворска казна од 15 години и е на списокот на лица вклучени во тероризам во оваа земја.

Проташевиќ неодамна се покаја, велејќи дека знае каква штета и нанел на државата и дека сега сака да ја подобри состојбата.