Свет
Зеленски: Светот мора да одговори на руските обиди да го запре извозот на жито

„Светот мора одлучно да одговори на сите руски обиди да го прекине украинскиот коридор за извоз на жито“, рече претседателот Володимир Зеленски.
Една од глобалните последици од руската војна против Украина е недостигот на храна и зголемувањето на трошоците за живот во многу земји, а договорот, постигнат со посредство на ОН и Турција на 22 јули, овозможи безбедно поминување на бродовите што превезуваат жито.
Русија се повлече од договорот изминатиот викенд велејќи дека не може да ја гарантира безбедноста на цивилните бродови поради нападите врз нејзината црноморска флота. Во своето ноќно видеообраќање Зеленски рече дека бродовите сè уште ги напуштаат украинските пристаништа со товар благодарение на работата на Турција и ОН.
„Потребна е сигурна и долгорочна одбрана за коридорот за извоз на жито“, рече Зеленски. „Русија мора да биде јасно свесна дека ќе добие остар одговор од светот на какви било чекори што би го попречиле нашиот извоз на храна“, додаде Зеленски.
„Овде очигледно се загрозени животите на десетици милиони луѓе“, истакна украинскиот претседател. Договорот за жито имаше цел да помогне да се спречи гладот во посиромашните земји со ставање повеќе пченица, сончогледово масло и ѓубрива на светските пазари и да се ублажи наглиот пораст на цените.
Координаторот на ОН за извоз на жито и ѓубрива според договорот твитна дека очекува натоварените бродови да ги напуштат украинските пристаништа во четврток.
Украинскиот министер за инфраструктура Олександар Кубраков на Твитер објави дека осум бродови се очекува да поминат низ коридорот в четврток, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) 80 мртви во поплавите во САД, меѓу нив и 28 деца: потрагата по исчезнатите продолжува

Бројот на жртви од катастрофалните поплави што го погодија централниот дел од Тексас рано утрово се искачи на најмалку 80, соопштија локалните власти.
Меѓу жртвите има 28 деца од округот Кер, каде што 10 девојчиња и советник во кампот од христијанскиот летен камп „Камп Мистик“ сè уште се водат како исчезнати.
Округот Кер е најтешко погоден
Шерифот Лари Леита изјави дека 68 лица загинале само во округот Кер – 40 возрасни и 28 деца. Други потврдени смртни случаи доаѓаат од:
Округ Тревис: 5 мртви
Округ Барнет: 3 мртви
Округ Кендал: 2 мртви
Округ Том Грин: 1 мртов
Округ Вилијамсон: 1 мртов
„Моментално е во тек потрага по 10-те девојчиња и еден советник во кампот од Камп Мистик“, изјави шерифот Леита на прес-конференција во неделата. Националната гарда на Тексас е исто така вклучена во потрагата, користејќи воени дронови MQ-9 Reaper за следење и пребарување на погодените од поплавите области.
Texas Air National Guardsmen from the 147th Attack Wing are using MQ-9 drones for critical search and rescue missions today. The unarmed MQ-9 Reaper Remotely Piloted Aircraft (RPA), has tremendous technological capabilities to gather high-resolution imagery and assess the impact… pic.twitter.com/F3sSPuJCWR
— Texas Military Dept. (@TXMilitary) July 6, 2025
„Овие дронови можат да снимаат слики со висока резолуција и да ја проценат обемот на поплавите“, соопшти Националната гарда на мрежата Икс.
Гувернерот Грег Абот предупреди дека опасноста не е помината, бидејќи се очекуваат уште дождови во делови од државата. На жителите на заедницата Хант во округот Кер им беше наредено да се преселат на повисоки места поради можноста за нови поплави.
🚨 Wow…this is breathtakingly terrifying.
New timelapse shows how the Llano River in Texas flooded.
Over the course of 120 seconds, what was land became river.pic.twitter.com/HNE1BqWlPN
— Eric Daugherty (@EricLDaugh) July 5, 2025
И покрај намалената веројатност за пронаоѓање преживеани, властите не се откажуваат. „Се надевам дека чудата сè уште постојат“, изјави за Ен-би-си, заменик-гувернерот на Тексас, Ден Патрик.
Американскиот претседател Доналд Трамп потпиша прогласување за голема природна катастрофа, отворајќи го патот за активирање на федералната агенција ФЕМА, која сега ја координира помошта за жртвите од поплавите во Тексас.
Свет
67 мртви во поплавите во Тексас, загина 21 дете

Бројот на жртви од катастрофалните поплави во Тексас се искачи на најмалку 67 денес, вклучувајќи 21 дете, додека потрагата по девојчињата од летниот камп продолжува трет ден по ред.
Лари Леита, шерифот на округот Кер во регионот Тексас Хил Кантри, епицентарот на поплавите, изјави дека бројот на жртви се искачил на 59, вклучувајќи 21 дете.
Леита рече дека исчезнати се 11 девојчиња и водач на летниот камп во близина на реката Гвадалупе, која се излеа по обилните дождови во централен Тексас на Денот на независноста во петокот.
Другите жртви се од други области погодени од поплавите.
Службениците изјавија дека повеќе од 850 луѓе се спасени, вклучувајќи некои што се држеле за дрвја.
Федералната агенција за управување со вонредни состојби беше активирана денес и распореди спасувачи откако претседателот Доналд Трамп прогласи голема катастрофа, соопшти Министерството за внатрешна безбедност.
Хеликоптери и авиони на крајбрежната стража помагаат во потрагата и спасувањето, соопшти министерството.
Се очекуваат повеќе врнежи во областа во недела, а Националната метеоролошка служба издаде предупредување за ненадејни поплави за округот Кер.
Регион
Македонец меѓу загинатите во Бугарија кога автомобил управуван од 19-годишник се заби во ресторан

Деветнаесетгодишен возач со автомобилот се заби во ресторан во Разград, Бугарија, при што загинаа три лица, меѓу кои 58-годишник, државјанин на Македонија, соопшти бугарската полиција.
Несреќата се случила по полноќ на улицата Гранчарска во градот. Според првичните информации, младиот возач ја изгубил контролата врз автомобилот, што ја предизвикало тешката несреќа. Тестовите за алкохол и дрога на 19-годишниот возач биле негативни, јавуваат бугарските медиуми.
Починатите се лица на возраст од 62, 64 и 58 години, кои биле во објектот во моментот на несреќата.