„Тик ток“ и „Вечет“ од недела ќе бидат забранети во САД, освен ако претседателот Доналд Трамп не се согласи во договор во последен момент.

Министерството за трговија соопшти дека ќе им забрани на луѓето во САД да преземаат апликации за пораки и споделување видео преку која било продавница за апликации на која било платформа.

Администрацијата на Трамп вели дека компаниите ја загрозуваат националната безбедност и можат да ги пренесат податоците за корисниците на Кина. Но, Кина и двете компании го негираат ова.

„Тик ток“ соопшти дека е „разочаран“ од наредбата и не се согласува со одделот за трговија, нагласувајќи дека компанијата веќе се обврзала на „невидени нивоа на дополнителна транспарентност“ во поглед на загриженоста на администрацијата на Трамп.

Наредбата за забрана од Министерството за трговија следи по извршните наредби на претседателот Трамп потпишани во август. Тоа им даде на американските бизниси 45 дена да престанат да работат со ниту една кинеска компанија.

Земјотрес со јачина од 5,4 степени според Рихтеровата скала го погоди грчкиот остров Крит.

Според податоците на сеизмолозите, епицентарот на потресот е лоциран на длабочина од 40,5 километри југозападно од Арви, пренесе „Спутник“.

Сè уште нема информации за жртви и материјална штета.

Според Европскиот-медитеранскиот сеизмолошки центар, земјотресот бил посилен – 5,9 степени според Рихтеровата скала.

Ова е шетси и најсилен земјотрес кој го погодил Крит за време на последниот месец.

Околу 200 „незаменливи“ книги вредни повеќе од 2,5 милиони фунти (3,2 милиони американски долари), кои биле украдени од еден магацин во Лондон, се пронајдени закопани под подот на куќа во рурална Романија, соопшти полицијата, пренесе Би-би-си.

Делата вклучуваат први изданија на Галилео и Исак Њутн.

Тие биле украдени од крадци во јануари 2017 година, кои направиле дупки во покривот на магацин во Фелтам, а потоа влегле преку нив, избегнувајќи ги сензорите.

Мажите биле идентификувани како дел од романска банда за организиран криминал.

Бандата е одговорна за низата кражби на магацини со голема вредност низ Велика Британија, се вели во соопштението на лондонската полиција Метрополитен.

Полицајците ги откриле книгите под земја при претрес на куќа во регионот на Неама, во североисточна Романија.