Свет
Ирачки полицаец застрелан, десетици ранети на протестите во Насирија

Полицаец беше убиен во неделата во Ирак додека безбедносните сили се обидуваа да ги растурат протестите во градот Насирија кои беа организирани трет ден по ред, пренесува „Мидл Ист ај“.
„Полицаецот е убиен со куршум во главата. Уште триесет и три полицајци беа ранети во настаните од денот,“ рече лекар во градот 300 километри јужно од главниот град Багдад.
Армијата ја потврди смртта на полицаецот, а медицински извори соопштија дека неколк демонстранти биле ранети.
Очевидци изјавија дека безбедносните сили отвориле оган за да ги растераат демонстрантите од градскиот плоштад, кој беше во центарот на широко распространетото протестно движење што започна во октомври 2019 година.
Населбата од шатори на плоштадот„ Хабуби“ стоеше до ноември 2020 година, кога осум лица загинаа во судирите меѓу антивладините демонстранти и следбениците на шиитскиот водач Муктада ал Садр.
Антивладините демонстранти повторно го окупираа плоштадот во петокот барајќи ослободување на луѓето уапсени во последните неколку недели. Безбедносните сили постојано пукаа во воздух и фрлаа димни бомби кон демонстрантите.
Портпарол на демонстрантите за АФП изјави дека 13 демонстранти кои биле уапсени се ослободени, додавајќи дека властите ветиле оти другите приведени ќе бидат ослободени следниот ден.
Протестите во Ирак се смирија минатата година поради пандемијата со Ковид-19, а задушувањето од страна на полицијата остави речиси 600 мртви и 30.000 повредени. Но, киднапирањата, таргетираните убиства и апсењата на лидерите на протестите продолжија, при што многу активисти се соочија со киднапирања и атентати од вооружени групи поради нивната вмешаност во антивладините протести.
Во петокот, познатиот адвокат и активист Али ал-Хамами беше убиен во Насирија откако непознати напаѓачи упаднаа во неговиот дом. Член на полуофицијалната ирачка Висока комисија за човекови права објави на Твитер дека Хамами починал од задушување во петокот откако група мажи влегле во неговата куќа во регионот Шатра во градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Осомничен за воени злосторства во Петриње уапсен во Германија

Сојузната германска полиција информира дека 65-годишен маж осомничен за воени злосторства извршени во 90-тите години во Хрватска е уапсен на аеродромот во Франкфурт.
Полицијата соопшти дека вчера, во раните утрински часови по пристигнувањето од Белград, бил уапсен 65-годишен хрватски државјанин осомничен за четири убиства за време на војната во поранешна Југославија.
Понатаму се споменува дека 65 годишното лице било уапсено врз основа на потерница од Хрватска.
Медиумите во Србија јавуваат дека станува збор за Сава Грновиќ, кого хрватското судство го обвинува дека како припадник на т.н. специјална полиција, во ноември 1991 година, го убил четиричленото семејство Козбашиќ во Петриње.
Свет
СЗО: Целосниот извештај за потеклото на Ковид-19 на крај на март

Светската здравствена организација се откажа од плановите за објавување на првите резултати од истрагата за потеклото на коронавирусот во Кина и најави целосен извештај за втората половина на март, објавуваат светските медиуми.
„Наместо прелиминарен извештај, целиот извештај ќе биде презентиран следната недела на 14 март, рече водачот на тимот Петер Ембарек во Женева.
Ембарек предводеше група од десетина други научници избрани од Светската здравствена организација да ги посетат болниците и истражувачките институти во Вухан во централна Кина, каде што за прв пат беше идентификуван новиот коронавирус, за да го откријат потеклото на Ковид-19.
Но агенциите пишуваат дека СЗО денеска не ги наведе причините за промена на планот за објавување на резултатите.
Според анализите на светските агенции мисијата се најде на удар на критичарите .
Самите членови на тимот изјавија дека Кина не сака да споделува клучни податоци што може да сугерираат дека болеста се шири со месеци пред да биде препознаена.
Група од 26 научници објавија отворено писмо во кое се наведува дека мисијата на СЗО „нема мандат, независност или неопходен пристап да спроведе целосна, непречена истрага“ за теориите за потеклото на Ковид-19.
Свет
Се сруши покрив на училиште во Флорида, најмалку 12 повредени

Најмалку 12 лица, меѓу кои седум деца, се повредени кога делумно се сруши покривот на училиште во паркот Оукленд на Флорида, пренесуваат светските медиуми.
Повеќе од 200 студенти и ученици беа евакуирани по инцидентот, пренесуваат агенциите.
Петмина од повредените биле пренесени во болницата.
Властите изјавија дека директорот на училиштето слушнал два силни удара, а потоа откриле дека покривот над центарот за медиуми делумно се срушил.
Полицијата истражува како се срушил покривот.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“