Свет
(Видео) Исцрпени пожарникари, недостиг од вода, штетата во пожарите во Лос Анџелес се проценува на повеќе од 50 милиони долари
Деструктивните шумски пожари, кои го опкружуваат Лос Анџелес, се проширија на Холивуд Хилс, откога во другите пожари во областа загинаа најмалку пет лица, уништија стотици домови и ги исцрпеа ресурсите за гаснење пожари и снабдувањето со вода.
На повеќе од 100.000 луѓе им е наредено да се евакуираат бидејќи сувите ветрови со урагански сили ги попречуваат операциите за гаснење и ги разгореа пожарите, кои речиси непречено беснеат во областите погодени од суша од вторникот.
„Овој пожар е масивен“, рече градоначалничката на Лос Анџелес, Карен Бас, на прес-конференција.
Нов пожар избувна во Холивуд Хилс во средата вечерта, изјави началникот на противпожарната служба, Кристин Кроули, на прес-конференција, што присилува повеќе евакуации, а бројот на пожари во округот Лос Анџелес се искачи на шест.
Beverly Hills evacuated! pic.twitter.com/FNtACel03R
— arttra (🛡️🌟 🚀) (@art____tra) January 9, 2025
Четири од нив горат надвор од контрола, вклучително и два големи пожара на источната и западната страна на градот, кои продолжија да се шират во средата додека паѓаше ноќта.
Во пожарот во Холивуд Хилс изгореа 20 хектари, соопшти пожарникарската служба на Калифорнија. Екипите со хеликоптер фрлаа вода врз пламените јазици и се чини дека го забавуваа пожарот.
Противпожарната служба во Лос Анџелес издаде наредба за евакуација на луѓето во област во Холивуд, каде што се наоѓаат познати локации поврзани со филмската и забавната индустрија.
Во рамките на овој простор е и театарот „Долби“, каде што се одржуваат „Оскарите“. Објавувањето на номинациите за „Оскар“ е одложено поради пожарот, соопштија организаторите.
Иако е релативно мал во споредба со другите, овој пожар гори веднаш над булеварот Холивуд и Патеката на славните. Преминувањето на автопатот би го загрозило холивудскиот знак на ридот, како и опсерваторијата „Грифит“.
People all over Hollywood are evacuating through Studio City due to the new fires on Sunset and in Hollywood. Wind has died down making it easier to contain the spread, but fires are still blazing. A bud just sent me this from the front of his apt in Hollywood. pic.twitter.com/SNgvooUfNP
— Beau Robinson🇺🇸 (@_beaurobinson) January 9, 2025
На западната страна на Лос Анџелес пожарите на Пацифик Палисадес проголтаа 6.406 хектари и стотици градби во ридовите меѓу Санта Моника и Малибу во вторникот, преку кањонот Топанга додека не стигнаа до Тихиот Океан.
Воздушната снимка снимена од телевизијата КТЛА покажува блок по блок куќи што горат во Пацифик Палисадес, мрежа од чад повремено испрекината од портокаловите пламени јазици на уште неколку запалени куќи.
На исток, во подножјето на планините Сан Габриел, вториот пожар уништи уште 4.289 хектари, 1.000 објекти и уби најмалку пет лица, соопштија локалните власти.
Метеоролошката служба „Акју ведр“ ги процени почетната штета и економската загуба на повеќе од 50 милијарди долари.
„Се соочуваме со историска природна катастрофа. И мислам дека тоа не може да се каже доволно силно“, рече на прес-конференција Кевин Мекгован, одговорен за управување со итни случаи во округот Лос Анџелес.
„Имаме пожари со години, но не вакво нешто“, изјави Френсис Колела, 71-годишна пензионерка, за „Ројтерс“, во центарот за евакуација во Пасадена одморајќи се во инвалидска количка заедно со десетици други.
„Тоа навистина е тажна појава и не можам да се сетам на нешто слично“.
Los Angeles has never experienced something like this. There are now 5 major fires all with 0% containment. The Sunset fire just resulted in mandatory evacuations in parts of Hollywood, with Beverly Hills now in the “get ready” zone. pic.twitter.com/luhjB8X29w
— Finance Guy (@101Dubby) January 9, 2025
Размерите и ширењето на пожарот ги исцрпеле противпожарните екипи.
Пожарникарите од шест други држави итно се префрлени во Јужна Калифорнија, изјави на прес-конференција началникот на противпожарната служба на округот Лос Анџелес, Ентони Мароне.
„Го доведовме системот до неговите граници. Се бориме со огнот од градските водни системи“, рече на прес-конференција Џенис Кинонес, извршен директор на одделот за вода и енергија во Лос Анџелес.
Пожарите избувнаа во особено чувствително време за јужна Калифорнија, каде што нема значителни врнежи со месеци.
Потоа дојдоа силните ветрови носејќи сув пустински воздух од исток кон крајбрежните планини и разгорувајќи шумски пожари додека дува над врвовите на ридовите и во кањоните.
Научниците велат дека пожарите, кои горат и надвор од традиционалната сезона на шумски пожари, го означуваат последниот во серијата временски екстреми, кои, најверојатно, дополнително ќе ескалираат бидејќи глобалните температури продолжуваат да растат во наредните децении.
Претседателот Џо Бајден, кој ги прогласи пожарите за голема катастрофа, му се придружи на гувернерот на Калифорнија, Гевин Њусом, во противпожарната станица во Санта Моника за да добие брифинг за напорите за гаснење на огнот.
Во последните денови како претседател пред да му го предаде мандатот на новоизбраниот претседател Доналд Трамп на 20 јануари, Бајден го откажа претстојното патување во Италија за да се фокусира на координирање на федералниот одговор на шумските пожари, соопшти Белата куќа.
„Правиме сè што можеме за да ги контролираме овие пожари… за да се погрижиме да се вратите во нормала“, рече Бајден во противпожарната станица. „Ќе биде пеколно долг пат. Ќе треба време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британското кралско семејство се огласи за случајот Епстин
Принцот Вилијам и принцезата Кетрин се огласија за случајот Џефри Епстин, изразувајќи длабока загриженост за неговите жртви. Тоа е најновиот потег на британската монархија да се дистанцира од скандалот околу поранешниот принц Ендру и неговите врски со осудениот сексуален престапник, објавува АП.
Најпопуларните членови на британското кралско семејство изјавија дека се загрижени за содржината на повеќе од три милиони страници документи објавени од Министерството за правда на САД претходно овој месец.
„Можам да потврдам дека принцот и принцезата од Велс се длабоко загрижени од тековните откритија“, се вели во соопштението на палатата.
Соопштението беше објавено пред тридневното патување на Вилијам во Саудиска Арабија, кое започнува денес, и е дел од одговорот на монархијата на растечката криза околу поранешниот принц. Ендру, 65-годишниот брат на кралот Чарлс III, беше одземен од кралските титули во октомври поради претходни откритија за неговата врска со Епстин. Тој сега е познат само како Ендру Маунтбатен-Виндзор.
Европа
Професор од Киев: Украина не е подготвена за отстапки
Професорот од Институтот за меѓународни односи Максим Камењецки се јави во живо од Киев на телевизијата Н1, каде што ги опиша тешките услови за живот во украинската престолнина под постојани руски напади и рече дека Украинците не се подготвени да прават отстапки.
И покрај уништената енергетска инфраструктура и екстремно ниските температури, огромното мнозинство граѓани не сакаат да капитулираат.
Камењецки го опиша секојдневниот живот во украинската престолнина. „Доста е тешко да се живее во Киев сега. Целата енергетска инфраструктура од која зависи нормалниот живот е уништена. Во секој даден момент, две третини од градот се без електрична енергија“, рече тој.
„Во мојот дел од градот, кој е најтешко погоден, сме без електрична енергија околу 20 часа на ден, а ја имаме само четири часа. Имаме само ладна вода и слабо греење. Тоа е сè што имаме“, рече Камењецки, додавајќи дека температурите во Киев се околу -20 степени Целзиусови.
„Има снег и е многу ладно. Во мојот стан температурата е околу 16 степени, но во некои е само пет“, додаде тој.
И покрај тешките услови, Каменецки нагласува дека духот на отпорот не е скршен. „Украинците не се подготвени да прават отстапки, што е потврдено со социолошки анкети. Помеѓу 60 и 70 проценти од граѓаните не сакаат Украина да се согласи на капитулација“, нагласи тој.
„Првиот удар врз енергетската инфраструктура се случи на 10 октомври 2022 година. Оттогаш, постојано се бориме да надоместиме за сè што губиме“, рече тој.
Коментирајќи ги руските воздушни напади, Каменецки објасни како се променила нивната тактика. „Русите постојано ги менуваат своите тактики на воздушни напади. Почнаа со беспилотни летала, потоа со балистички ракети, потоа со крстосувачки ракети, а потоа сфатија дека е најдобро да нападнат со сè одеднаш“, рече тој, опишувајќи ја ситуацијата како доста драматична.
Кога го прашаа дали Украина возвраќа, тој одговори потврдно. „Всушност, ова е единствениот начин луѓето во Русија да разберат што е војна и која е нејзината цена. Мислам дека Украина исто така се обидува да ја примени истата тактика – да таргетира цели како руската енергетска инфраструктура“, смета Каменецки.
Тој се осврна и на изјавата на унгарскиот премиер Виктор Орбан. „Унгарија долго време нема пријателски односи со Украина. Веројатно е тоа историски комплекс што Унгарците го имаат кон сите свои соседи, не само кон нас. Тоа е проблем што се влече од минатото. Орбан го користи овој проблем за да се прикаже пред своите гласачи како заштитник на унгарските интереси, а тоа веројатно му оди во прилог“, рече тој.
Конечно, тој коментираше за преговорите во Абу Даби. „Што се однесува до преговорите во Абу Даби, постигнати се одредени резултати по помали прашања како што е размената на затвореници, но главното прашање за територијата останува нерешено“, заклучи Камењецки.
Европа
Руски дронови погодија станбени згради во Украина, меѓу загинатите мајка и дете
Во нападите со руски беспилотни летала извршени ноќеска загинаа најмалку три лица во источна и јужна Украина, вклучувајќи мајка и нејзиниот 10-годишен син, соопштија во понеделник регионалните власти и обвинителите. Момчето и неговата мајка беа убиени во напад врз станбена зона во градот Боходухив во источниот Харковски регион, соопшти канцеларијата на регионалниот обвинител.
Шест лица се повредени во нападот врз регионот, честа цел на напади во речиси четиригодишната војна што започна со руска инвазија во 2022 година, додаде тој. Во напад со руски беспилотни летала врз јужниот пристанишен град Одеса загина едно лице, а други две беа повредени, изјави регионалниот гувернер Олех Кипер.
Исто така, оштетена е станбена инфраструктура и гасовод, додаде Кипер на апликацијата за пораки Телеграм.
Девет лица, меѓу кои и 13-годишно девојче, се повредени во напад со беспилотно летало во југоисточниот регион Дњепропетровск, изјави гувернерот Олександр Ханжа. Нападот предизвика пожар во трикатна зграда, уништувајќи го покривот, додаде тој.
Утре ССМ ќе го блокира Собранието: Најмалку 250 евра за пратениците, а ни 25 за работниците е срамно
Сојузот на Синдикатите на Македонија (ССМ) денес испрати уште еден повик до работниците утре во 9 часот да излезат на...
„Немирната совест го натера Заев на панични реакции“, велат од ВМРО-ДПМНЕ
„Заев, основачот на марихуана бизнисот во Македонија, не спие мирно. Немирната совест го натера Заев на панични реакции уште во...
Врските на Епстин со Силиконската долина биле многу повеќе од комуникација само со Гејтс и Маск
Најновото објавување на милиони документи од Министерството за правда на САД поврзани со осудениот педофил Џефри Епстин фрли нова светлина...
Празната украинска амбасада во Москва казнета поради неплаќање струја
Московскиот суд ѝ наложи на украинската амбасада во Русија, која е затворена од почетокот на руската инвазија во февруари 2022...
(Видео) Моќен напад со дронови врз Одеса: погодена зграда, едно лице загина
Руските сили извршија серија напади со ракети и беспилотни летала врз неколку украински градови во текот на ноќта. Во Одеса,...
Зеленски: Русија секојдневно ја напаѓа нашата железничка инфраструктура
Украинскиот претседател Володимир Зеленски изјави дека Русија речиси секојдневно ја напаѓа железничката инфраструктура на Украина, но дека Киев сè уште...
Почувствуван земјотрес во Тетово и околината
Телеметриската сеизмолошка мрежа на Република Северна Македонија одржувана од Сеизмолошката опсерваторија при Природно-математичкиот факултет во Скопје, вчера вечер во 23...
Војници во влага, на перници стари со децении, со прибор стар 20 години и руинирани тоалети – синдикатот алармира по појавата на шуга во велешката касарна
Независниот синдикат на професионални војници, реагира поради појавата на шуга кај новопримените професионални војници во касарната „Алексо Демниевски – Бауман“...
Српската полиција се огласи по киднапирањето на Даниел Кајмакоски: Се трага по двајца осомничени
Министерството за внатрешни работи на Србија соопшти дека полицијата трага по две лица осомничени за киднапирање на македонскиот пејач Даниел...
(Видео) Договорено покачување на платите за околу 11.000 административци до 2028 година
Околу 11.000 вработени во јавната администрација, судовите и обвинителствата ќе добијат покачување на платите од речиси 40 отсто до 2028...
Кајмакоски е дома; Рашиќ: „Смирено и храбро се соочил со киднаперите, но му треба мир“
Mиланка Рашиќ, која е задолжена за односи со јавноста за Даниел Кајмакоски, соопшти дека разговарала со него по ноќта помината...
ВМРО-ДПМНЕ реагира: Заев се јави во одбрана на својот криминал, тој е таткото на бизнисот со канабис
Олицетворението на криминалот, главата на октоподот во корупцијата и лидерот на СДС од сенка, Зоран Заев се јави во одбрана...
Заев се закани со тужба, тврди дека не е поврзан со конфискацијата на канабисот и облакодерите во Дубаи: „Шират лаги и клевети“
Поранешниот премиер Зоран Заев преку статус на Фејсбук порача дека по пет години молк, сега е подготвен да одговори со...
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here...
Во Дубаи уапсен сторителот на обидот за атентат врз рускиот генерал Алексеев, ФСБ уапси и соучесник во Москва
Сторителот на обидот за атентат врз генерал-полковникот на руската воена разузнавачка служба, Владимир Алексеев, беше приведен во Дубаи и предаден...
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
