САД запленија танкер за нафта крај брегот на Венецуела, изјави американскиот претседател Доналд Трамп, со што се ескалираа тензиите со Каракас, потег што исто така ги зголеми цените на нафтата.

„Тукушто запленувавме танкер крај брегот на Венецуела, голем танкер, многу голем, всушност најголемиот досега, а се случуваат и други работи“, рече Трамп.

На прашањето што ќе се случи со нафтата, Трамп рече: „Ќе ја задржиме, претпоставувам“.

Кратко по неговите првични коментари, беше објавена првата снимка од американските сили како го напаѓаат танкерот.

Today, the Federal Bureau of Investigation, Homeland Security Investigations, and the United States Coast Guard, with support from the Department of War, executed a seizure warrant for a crude oil tanker used to transport sanctioned oil from Venezuela and Iran. For multiple… pic.twitter.com/dNr0oAGl5x

— Attorney General Pamela Bondi (@AGPamBondi) December 10, 2025

Главниот обвинител на Трамп: Танкерот носел нафта од Венецуела и Иран
Главниот обвинител на САД, Пам Бонди, објави дека ФБИ, Службата за истраги за национална безбедност и крајбрежната стража на САД, со поддршка од Министерството за одбрана, заплениле танкер што носел санкционирана нафта од Венецуела и Иран.

Бонди рече дека танкерот со години бил под санкции на САД поради неговата улога во мрежа за нелегален транспорт на нафта што поддржува странски терористички организации. Заплената е извршена во водите покрај Венецуела.

„Ова заплена е спроведена безбедно и без инциденти, а нашата истрага со Министерството за внатрешна безбедност за пресретнување на пратката санкционирана нафта продолжува“, рече Бонди.

👀🇺🇸🇻🇪 The vessel seized by the U.S. is reportedly an oil tanker by the name of "SKIPPER" flying the Guyanese flag.

❗It was previously sanctioned for transporting both Iranian and Venezuelan oil. https://t.co/hBfHSchACY pic.twitter.com/HjZSIpekkQ

— Molo44 🇮🇹🇺🇦 (@MoloWarMonitor) December 10, 2025

Британската група го идентификуваше танкерот „Скипер“
Британската група за управување со поморски ризици „Вангард“ соопшти дека се верува дека танкерот „Скипер“ е запленет кај Венецуела.

САД воведоа санкции врз танкерот поради, како што рече Вашингтон, неговата вмешаност во трговијата со нафта на Иран кога се викал Адисa.

Венецуелскиот претседател Николас Мадуро зборуваше на комеморацијата на воената битка во среда, но не се осврна на извештаите за запленувањето на танкерот.

Мадуро тврдеше дека целта на американското воено засилување е да го собори од власт и да ја преземе контролата врз огромните резерви на нафта на земјата членка на ОПЕК.

Цените на нафтата се зголемија по веста за запленувањето
Цените на суровата нафта „Брент“ пораснаа за 27 центи, или 0,4 проценти, и достигнаа 62,21 долари за барел, додека цените за сурова нафта од типот „Вест Тексас интермедијар“ во САД пораснаа за 21 цент, исто така 0,4 проценти, и достигнаа 58,46 долари за барел.

Од почетокот на септември, администрацијата на Трамп изврши повеќе од 20 напади во Карибите и Пацификот врз бродови за кои се сомнева дека превезуваат дрога, при што загинаа повеќе од 80 лица.

фото: Depositphotos

Американскиот конгресмен Томас Меси предложи закон со кој бара САД да се повлечат од НАТО, тврдејќи дека Алијансата претставува финансиски и дипломатски товар за земјата.

Во објава на мрежата X тој напиша дека НАТО е реликт од Студената војна и дека парите треба да се вложуваат во одбраната на САД, а не на социјалистички држави. Според него, НАТО ги чини американските даночни обврзници трилиони долари и носи ризик да ги втурне САД во туѓи војни.

Во предложениот закон се наведува дека европските членки имаат доволно економска и воена моќ за сопствена одбрана и дека членството на САД во НАТО не е во согласност со националните интереси. Законските тврдења исто така посочуваат дека распадот на Варшавскиот пакт и Советскиот Сојуз го сменил безбедносното окружување и ја направил НАТО-мисијата за колективна одбрана нерелевантна, како и дека алијансата започнала голема источна експанзија од 1999 година.

Контекстот доаѓа по најновите изјави на Доналд Трамп, кој за „Политико“ рече дека европските лидери се слаби и „=препремногу политички коректни, додавајќи дека Европа „не знае што да прави“. Трамп претходно повика земјите од НАТО да го зголемат воениот буџет од 2% на 5% од БДП и предупреди дека оние што нема да го исполнат условот може да бидат исклучени од алијансата.

На социјалните мрежи се појави снимка што го прикажува моментот кога мал авион слета врз автомобил што се движел на автопатот I-95 во округот Бревард на Флорида.

Според властите, возачката на автомобилот и двете лица во авионот добиле само полесни повреди. Ударот го снимиле татко и син кои возеле веднаш зад возилото што било погодено.

Полицијата соопшти дека двомоторниот авион Beechcraft 55 во понеделник околу 17:45 часот локално време морал присилно да слета на јужната лента од автопатот. При слетувањето удрил во автомобил Toyota Camry со 57-годишна жена. Во авионот биле 27-годишен пилот од Орландо и 27-годишен патник.

A small plane crash landed on a busy interstate in Merritt Island, Florida, hitting a car.

The plane experienced a “loss of power in both engines,” it was known, and was attempting an emergency landing on I-95 when it hit a Toyota Camry.

The driver of the car was hospitalised… pic.twitter.com/ViZAuMJcwT

— Vani Mehrotra (@vani_mehrotra) December 10, 2025

Таткото и синот, Џејмс и Питер Кофи, изјавиле дека авионoт нагло почнал да паѓа пред нив.

„Бев преплашен, сфативме колку беше блиску до трагедија“, рекол Џејмс. Питер додал дека дури следниот ден сватил колку среќа имале.

Авионот бил отстранет од автопатот.

Причината за присилното слетување сè уште не е утврдена, а истрагата продолжува. Според проценка на службата, можно е авионот да останал без гориво.