Свет
Италијански епидемиолог: 90 отсто од новите позитивни случаи на Ковид-19 се асимптоматски
Претседателот на италијанското Здружение за антиинфекциска терапија (СИТА) вели дека над 90 отсто од новите случаи на коронавирус во Италија се асимптоматски, пренесува „Кориере дела сера“.
Д-р Матео Басети, кој истовремено е директор на болницата за заразни болести „Сан Мартино“ во Џенова, смета дека фокусот на новите позитивни случаи на коронавирус е погрешно насочен бидејќи иако со зголеменото тестирање се откриваат повеќе случаи, повеќето од нив се со стабилна здравствена слика.
Службениот билтен за случаи на коронавирус во Италија во средата регистрира 642 нови случаја за 24 часа, но тоа е во голем дел поради масовното тестирање. Во текот на тие 24 часа италијанскиот здравствен персонал спровел рекордни 71.095 теста или речиси 20.000 повеќе тестови од претходниот ден.
Д-р Басети рече дека дури и асимптоматските случаи на вирусот треба да бидат ставени во карантин за да се избегне можна зараза, но тоа не треба да предизвика паника дека вирусот добива сила или дека се заканува втор бран.
Басети исто така предупреди инфицираните асимптоматски случаи да не се лекуваат со „кортизон“ или „азитромицин“ тврдејќи дека нема научна причина што ги поддржува овие практики.
„Соочени со субјект со малку симптоми и без пневмонија од Ковид-19, треба да се избегне препишувањето сите видови антибиотици“, додаде Басети.
„Знам дека постои претерана употреба на антибиотици кај пациенти со Ковид-19 без знаци на пневмонија. Ова апсолутно треба да се избегне за да не се предизвикаат поголеми проблеми, како што се бактериите отпорни на антибиотици“, нагласи тој.
Најново истражување сугерира дека вирусот, всушност, станува сè помалку агресивен, што, според Басети, може да се должи на смалаената концентрација на вирусот, подобрата грижа за болните или на мутација на самиот вирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Поплава во Далмација: патиштата претворени во реки, автомобилите пливаат низ пороите
Силно невреме со пороен дожд и врнежи од дожд денеска ја погоди дубровничко-неретванската жупанија и предизвика поројни поплави, а градоначалникот на Дубровник, Мато Франковиќ ги повика граѓаните да не ги напуштаат своите домови за време на невремето.
Невремето ја зафати и областа Макарска, но предизвика и проблеми во сообраќајот. За краток временски период наврна големо количество дожд и создаде поројни поплави на улиците, пренесуваат тамошните медиуми.
Атмосферата е многу нестабилна, па издадени се голем број предупредувања за пороен дожд и грмежи.
Силниот дожд во Макарска веќе предизвика поплава. Поради поплавите отежнат е сообраќајот во делови од градот каде улиците беа под вода низ кои едвај поминуваат автомобилите.
Повеќето задарски патишта се под вода, а дел се целосно поплавени, па сообраќајот се одвива бавно.
Метеоролозите најавуваат дека во вторник, особено во Далмација, можна е локална појава на дожд и пороен дожд со грмежи.
На Јадранот најавуваат умерено до силно невреме, за попладне во подножјето на Велебит локално со налети на невреме, од пладневните часови кон отворено море.
Регион
Момче падна во шахта во Дубровник по силното невреме што го зафати градот; Мајката: Вртлогот го одвлече под вода
Невреме од дожд пропратено со грмежи зафати делови од Далмација, а силен дожд ги поплави улиците на Дубровник. Оперативниот центар 112 добил дојава околу 13:00 часот дека дете паднало во отворена шахта во историскиот центар на Дубровник.
„Синот буквално падна во шахтата што го вшмукуваше. Главата му беше под вода, а во секунда стигна со раката до работ на шахтата, се бореше со водата, но излезе. Ова можеше да заврши многу лошо, можеше да се удави“, вели мајката од Загреб.
Имено, нејзиниот син бил ученик во осмо одделение и бил на училишен излет.
„Секој ден одат на патувања, а денес на ред дојде Дубровник. Оребиќ го напуштија кога веќе малку почна да врне дожд. Кога беа пред градот не беа решени дали да одат на разгледување бидејќи дождот веќе почна да паѓа посилно, но водичот кажал дека може да одат, така и тргнале“, раскажува мајката.
„Синот одеше покрај професорот и наеднаш се струполи, ја загуби цврстата земја под нозете. Водата се слеваше и не можеше да се види каде е патот, а каде тротоарот. Буквално исчезна во окното и главата му потона“, вели мајката.
Момчето успеало со рацете да стигне до работ и почнало да се извлекува од шахтата.
„Син ми ми кажа дека водата го влече надолу, имал чувство дека ќе му паднат патиките, со нозете не можел да допре до дното. Тоа била борба со водата, тврди мајката, која вели дека се работело за борба за живот.
Сите дошле да помогнат, момчето излегло од шахтата, а потоа повикале брза помош, која го пренела во дубровничката болница.
„Во шок е, има голем хематом над коленото, но ништо не скрши. Инсистиравме да се извести полицијата за тоа што се случило. „Не ми е јасно како шахтата е отворена. Вакви поплави и ненадејни бури секогаш може да се случат, па некој ќе се повреди“, вели мајката.
Сепак, таа е среќна што нејзиниот син е добро и што не е тешко повреден.
„Можеше да се случи големо зло. Децата се удавија во базенот, а мојот син целосно падна во окното каде што вителот го повлече надолу. Ужас“, вели таа.
Регион
Невреме во Црна Гора: туристка од Полска извлечена од разбеснетото море
Во текот на денот многу бурно невреме ги зафати јужните и централните делови на Црна Гора, а во сила е црвен метео аларм, пренесуваат медиумите во регионот.
Поради силното невреме пропратено со ветер, во некои крајбрежни градови на улиците се излеа големо количество вода, а сообраќајот се одвиваше отежнато.
Вистинската драма се одвивала во Чањ, кога туристка од Полска била спасен од брановите.
– Брановите беа огромни, издадени се сите потребни предупредувања, кренато црвено знаме, но и покрај сето тоа жената влезе во водата и заплива. Набрзо се нашла во опасност и храбрите луѓе ја спасиле – изјавил за „РИНУ“ еден од очевидците.
Во Тиват силно невреме парализираше многу улици, а на терен излегоа пожарникари и спасувачи.
Сообраќаен колапс поради невремето се случи и во Подгорица.