Контакт

РЕ-Џет сет

Италија воведува строги правила за инфлуенсерите: „Ова е крајот на Дивиот Запад“

Објавено пред

Италијанските инфлуенсери и другите создавачи на содржини на социјалните мрежи набргу би можеле да бидат обврзани со истите правила како и традиционалните медиуми кога објавуваат содржина на интернет. Активностите на инфлуенсерот ќе ги следи Италијанската агенција за комуникации, пренесува Би-би-си.

dobivaj vesti na viber

Правилата првично ќе важат за инфлуенсери со повеќе од милион следбеници.

„Дивиот Запад на инфлуенсерите заврши“, рече шефот на агенцијата, Џакомо Ласорела.

„Почнуваме со големите, но и другите ќе мора да се приспособат“, изјави тој за весникот „Ла Република“.

Истакнатите инфлуенсери ќе се соочат со високи казни доколку не успеат јасно да ги означат соработките со брендови или да ги откријат своите комерцијални интереси. Предложените упатства исто така имаат цел да ги заштитат децата со нов сет регулативи, кои вклучуваат строги казни за влијателите што не ги рекламираат правилно соработките на нивните брендови и сопствените комерцијални интереси, и тоа со казни до 250.000 евра.

АГЦОМ во соопштението наведе дека нејзините мерки ќе се однесуваат на „комерцијалната комуникација и заштитата на основните права на луѓето, малолетниците и спортските вредности“. Во случај на пласман на производи „инфлуенсерите се должни да вметнат предупредување за рекламниот карактер на содржината“, се наведува во соопштението за медиумите.

Многумина гледаат на одлуката на АГЦОМ како поврзана со неодамнешниот скандал со големата италијанска инфлуенсерка Кјара Ферањи, што Ласорела го негира.

Во декември, Ферањи, која има речиси 30 милиони следбеници на „Инстаграм“, беше казнета со 1.075 милиони евра поради тврдењето дека продажбата на „дизајнерска“ розова божиќна торта ќе помогне во финансирањето на детската болница во Торино. Во реалноста производителот на тортата ги дал парите во болницата неколку месеци пред објавата.

Во изјавата објавена до нејзините следбеници таа рече дека направила „грешка со добра волја… со поврзување на комерцијална активност со добротворна активност“. Минатата недела италијанската полиција објави дека против Ферањи ќе биде поведена официјална истрага за измама во врска со случајот со божиќната торта.

Минатата година во другите европски земји беа воведени построги правила за инфлуенсерите.

Во јуни Франција донесе закон според кој инфлуенсерите би можеле да се соочат со затворска казна доколку се открие дека ги прекршиле новите регулативи за рекламирање. Тоа беше првпат работата на инфлуенсер да биде законски дефинирана во Европа.

Во октомври Европската комисија објави дека ќе го зголеми надзорот врз деловните практики и активностите на влијателите наведувајќи дека креаторите на дигитални содржини ќе мора „да ги следат фер комерцијалните практики, а нивните следбеници имаат право на транспарентни и веродостојни информации“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Бред Пит повторно ја победи Анџелина на суд

Објавено пред

Холивудскиот актер Бред Пит ја тужи својата поранешна сопруга Анџелина Џоли поради имотот „Шато Миравал“, каде што се произведува наградуваното розе.

dobivaj vesti na viber

Имотот се простира на 1.300 хектари во Прованса, јужна Франција, а парот дури и се венча таму во 2014 година.

Врховниот суд во Лос Анџелес ги потврди тврдењата на Бред дека Џоли го продала својот удел без негова согласност, што таа се обиде да го отфрли.

Тоа значи уште една судска победа на страната на актерот бидејќи судот ги отфрли наводите дека неговата тужба е „несериозна, злонамерна и проблематична“.

Битката за винарницата досега се водеше во судниците во Франција, Луксембург и во Лос Анџелес.

Медиумите претходно објавуваа дека актерот бил шокиран кога Џоли ја продала својата половина од нивната винарница, без заеднички договор, на рускиот тајкун Јури Шефлер и неговата група Столи.

Прикажи повеќе...

Забава

Се огласи фотографот на спорната фотографија на принцот Вилијам и Кејт Мидлтон

Објавено пред

Папарацото што ја фотографира Кејт Мидлтон како се вози со принцот Вилијам во автомобил во понеделникот зборуваше за да ги отфрли теориите на заговор на интернет дека фотографијата е лажирана.

dobivaj vesti na viber

„Не ги менуваме нашите фотографии на ‘Фотошоп’, освен за да ја приспособиме осветленоста доколку е потребно“, изјави фотографот Џим Бенет.

Бенет рече дека тој и неговиот партнер биле ангажирани од медиумите за да го снимат принцот Вилијам како оди во Вестминстерската опатија на кралски настан.

„Автомобилите тргнаа од замокот Виндзор, а јас одблиску ги фотографирав во улицата Дачет хај, пред бр. 39. Фотографиите од автомобилот се непредвидливи најчесто и со малку рефлексија на стаклото може да биде тешко. Како што се случи, дури кога го проверив задниот дел од камерата за да се уверам дека сум го фотографирал принцот Вилијам, сфатив дека некој седи до него. Испадна дека е Кетрин“, рече тој.

Бенет зборува и за шпекулациите дека силуетата на Кејт е уредена на фотографијата и ја расчистува заблудата дека фотографијата ја објавило кралското семејство.

Направена е од професионален фотограф, а потоа објавена во САД од фотоагенцијата GoffPhotos.

Претходно, голем број познавачи на програмите излегоа со тврдења дека и оваа фотографија е фалсификат.  Тие го споредија профилот на Мидлтон на фотографијата на Бенет со снимката на принцезата на церемонијата во 2016 година шпекулирајќи дека таа е фотошопирана и на новата фотографија покрај сопругот.

Други забележаа недоследности со шаблонот од тули, што се гледа над автомобилот и низ неговите прозорци.

Сепак, се чини дека адресата на улицата Дечет, дадена од Бенет, исто така ги отфрли сомнежите за фалсификат.

Сомнежите за автентичноста на фотографијата беа поттикнати од признанието на Кејт во понеделникот дека ја уредувала сега познатата британска фотографија за Денот на мајката, споделена за време на викендот.

Прикажи повеќе...

Забава

Медиумите: Зошто Вилијам ја пушти Кејт низ вода во скандалот со фотошопираната фотографија

Објавено пред

„Како можеше Бакингемската палата да ѝ дозволи на Кејт да ја преземе вината?“, е едно од клучните прашања што одекнува во британската јавност. Како нејзиниот сопруг, принцот Вилијам, дозволил таа да биде на столбот на срамот? Работата да биде уште полоша, покрај тоа што целиот свет зборува за Кејт, за фотошопираниот фотоскандал и за нејзиното здравје, сега дури и блиските на принцот Хари и Меган Маркл почнаа да ја исмеваат принцезата од Велс, пишуваат британските медиуми коментирајќи дека од слетувањето на Месечината немало толку многу заговори колку за автентичноста на фотографијата.

dobivaj vesti na viber

Едноставната семејна фотографија на Кејт со нејзините деца, која требаше да ги замолчи шпекулациите за нејзиното здравје и расположение, се покажа како целосно создадена со помош на фотошоп, што беше протолкувано како најголемата ПР-грешка на кралското семејство во последните години, ако не и децении.

Неколку часа по објавувањето на фотографијата, новинските агенции во светот соопштија дека ја отстрануваат фотографијата бидејќи е очигледно неавтентична со најмалку 16 грешки.

И наместо да ги потисне шпекулациите за здравјето на Кејт, аферата со фотографијата дополнително предизвика загриженост.

„Ова е грешка што Меган никогаш не би ја направила“, изјави извор близок до Хари и Меган за „Пејџ сикс“.

Своето мислење на социјалните мрежи го сподели и нивниот биограф Омид Скоби.

„Со долга историја на лажење, прикривање од стравот од палатата… на јавноста ѝ е сè потешко да верува во зборовите, сега на фотографијата што ја споделуваат“, напиша тој.

Скоби продолжи да пишува дека враќањето на довербата на печатот и јавноста е уништена и тешко ќе се врати по овој инцидент.

Како Хари и Меган да се олицетворение на доверба и интегритет, пишува „Дејли мејл“. И покрај тоа што Кејт страда, оваа битка на трансатлантско натпреварување продолжува.

Хаосот продолжи со извинувањето од самата Кејт во понеделникот.

„Како и многу аматери фотографи, повремено експериментирам со уредување фотографии“, напиша таа.

Кејт има диплома по историја на уметност. Таа е неофицијален домашен фотограф на нејзиното семејство од раѓањето на нејзиното прво дете пред десет години.

Кејт, секако, разбира композиција, осветлување, теорија на бои и слично. Но, тука таа е сведена да се нарекува себеси обичен аматер кој експериментирал, и тоа лошо.

„Сакав да се извинам за конфузијата предизвикана од семејната фотографија што ја споделивме вчера“, продолжи таа.

Треба да обрнете внимание и на зборот „ние“. Таа не го направила ова сама. Поминува низ многу слоеви, преку помошници и приватни секретари, а можеби дури и кај кралот.

Се чини дека некој требало да ја советува да не објавува лажна слика. Исто така, се чини дека оваа екстремно лоша идеја можеше да ја извлече само некој кому никогаш не може да му се каже не. Каде е принцот Вилијам? Зошто не ја презеде вината? Оваа фотографија, сепак, наводно ја направил тој, пишуваат медиумите.

Дури и ако никој не веруваше дека тој е оној што стои зад лошиот фотошоп, повеќето луѓе сигурно не веруваат дека тоа е Кејт, која наводно е премногу болна за да вози или, според зборовите на Вилијам, дури и да ги гледа годинешните филмови номинирани за „Бафта“. Во сите овие случаи тој можеше да ја стекне светската почит и да ги прими ударите застанувајќи зад скандалот.

Наместо тоа, Кејт беше извлечена надвор од домот, фотографирана како седи до својот сопруг во задниот дел од автомобилот.

 

Никој не верува дека Кејт самата го направила овој хаос со фотографијата.

На крајот на краиштата, Вилијам има прилично софистицирано разбирање за тоа како функционираат медиумите. Тоа е вкоренето во неговата судбина.

Во меѓувреме, кралските извори ја туркаат приказната дека кутрата, заблудена Кејт, едноставно, не разбрала што прави. И покрај тоа што е физички болна, Кејт сега се вели дека е вознемирена што и самата предизвикала таков јавен хаос.

Кејт грозно се чувствувала поради ова, изјавил кралскиот извор за „Телеграф“. Нејзината намера била само да ја направи фотогарфијата најдобро што може да биде, но сега чувствува дека искреноста е „најдобрата политика“.

Може ли некој да замисли Чарлс да ја пушти Камила вака да падне? Најверојатно, не.

Кејт е иднината на круната.

Прикажи повеќе...

Најново

Македонија8 часа

(Видео) Поплавувања и штети од пороен дожд и град во Куманово, Старо Нагоричане и Липково, се очекува зголемување на водостојот на Лепенец

Центарот за управување со кризи информира дека заради локалните врнежи на дожд има пријави за поплавувања и штети од град...

Македонија11 часа

Осомничениот за двојното убиство Љупчо Палевски – Палчо, спроведен во Кривичниот суд: одреден му е притвор од 30 дена

Осомничениот за двојното убиство во Скопје и Велес од ноември минатата година, Љ.П. кој на 15.05.2024 година беше екстрадиран од...

Македонија11 часа

30-дневен притвор за судијата Наќе Георгиев

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење организиран криминал...

Македонија12 часа

Одземање на пасошот и мерки за претпазливост за Иџет Мемети, бара Обвинителството

Јавниот обвинител од Основното јавно обвинителство за гонење на организиран криминал и корупција до судијата на претходна постапка при Основниот...

Македонија15 часа

Иљази им забрани на докторите од Токсикологија да даваат изјави за медиумите

Економската директорка на Клиниката за токсикологија, Бесија Иљази, им забрани на вработените на Клиниката за токсикологија да даваат медиумиски изјави...

Македонија15 часа

Повеќе од 100 отсто зголемен бројот на претставки за дискриминација во 2023 година, Комисијата се жали на ограничен буџет и малкумина вработени

Комисијата за спречување и заштита од дискриминација минатата година добила двојно повеќе претставки во однос на 2022 година. Денес, Комисијата...

Топ16 часа

Загина маж во Кичевско: со возилото излетал од патот

Вчера во 13.00 часот во ОВР Кичево било пријавено дека на магистралниот пат А2, кај с.Трапчин Дол, кичевско, патничко возило...

Топ16 часа

Тело на маж извлечено од Вардар кај Камениот мост – засега не е познат неговиот идентитет

Вчера, околу 20 часот, тело на машко лице било забележано од водите на реката Вардар во Скопје. Според изјавите на...

Македонија17 часа

Одземен имунитетот на судијата Наќе Георгиев, Обвинителството отвори истрага и против Мемети, но за него не се бара притвор

Обвинителството отвори истрага за врховниот судија Наќе Георгиев и за членот на Советот на јавните обвинители, Иџет Мемети, кои се...

Македонија17 часа

МВР утврди неправилности: забавниот парк со панорамско тркало во Карпош ќе биде отстранет

Постапувајќи по допрен глас дека во Скопје, на подрачјето на општина Карпош, поточно пред спортскиот центар „Борис Трајковски“, без соодветни...

Свет17 часа

Франција го поддржува Хаг во повикот за налог за апсење на Нетанјаху

Министерството за надворешни работи на Франција соопшти дека ја поддржува независноста на Меѓународниот кривичен суд и неговата борба против неказнивоста...

Македонија18 часа

Претрес и кај Иџет Мемети во случајот со барањето поткуп

Синоќа, по наредба на судија на претходна постапка, извршен е претрес во домот на членот на Советот на јавните обвинители,...

Свет19 часа

Најмоќната серија земјотреси во последните 40 години: јужна Италија за пет часа регистрира 150 потреси

Речиси 150 земјотреси, најсилни во последните 40 години, се регистрирани вчеравечер и утринава на полињата Флегра во близина на Неапол...

Свет20 часа

Едно лице загина во напад со украинско беспилотно летало во регионот на Белгород

Една жена загина, а три лица се повредени во напад со дрон на Вооружените сили на Украина врз автомобил во...

Свет20 часа

Најмалку 10 лица повредени од удар на гром во Дрезден

Најмалку десет лица се повредени, од кои четворица потешко, во удар на гром за време на краткото, но силно невреме...

Свет20 часа

Во Полска уапсени девет лица за акти на саботажа во име на Русија

Полскиот премиер Доналд Туск соопшти дека полицијата уапсила девет лица кои извршиле саботажа во Полска за услугите на Русија. „Во...

Македонија1 ден

Уапсен врховен судија поради сомненија за примање поткуп

Врховниот судија Наке Георгиев е уапсен поради сомнеж за примање поткуп. „Денеска 20 мај, лишен од слобода е судија од...

Свет1 ден

Нови детали за трагедијата во Иран: технички дефект е причина за падот на хеликоптерот, јавуваат иранските медиуми

Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската...

Топ2 дена

За пари, син со нож му се заканувал на таткото во Велешко

Основното јавно обвинителство Велес поведе постапка против лице од селото Раштани за кое постои сомнение дека сторило кривично дело загрозување...

Македонија2 дена

Шверцувале мигранти од Босна и Херцеговина во Хрватска: на цариниците им плаќале по 1.500 евра

По спроведена истрага, УСКОК поднесе обвинение пред судот во Осиек против групата, во која беа вклучени двајца царински службеници, осомничени...