Светската здравствена организација денеска предупреди дека наспроти големите надежи за пронаоѓање на вакцина, можеби никогаш нема да има чудотворено решение за ковид-19 и дека враќањето во нормала ќе потрае.

Повеќе од 18,1 милиони луѓе во светот се заразени со новиот коронавирус, а речиси 700.000 се починати.

Генералниот директор на СЗОО, Тедрос Адхан Гебрејерус и раководителот на Одделот за вонредни состојби Мајк Рајан инсистираат на тоа државите строго да ги спроведуваат епидемиолошките мерки како што се носење маски, физичка дистанца, миење раце и тестирање.

„ Пораката до луѓето и владите е јасна: Направете се“ порача Тедрос на виртуелната конференција во седиштето на ОН во Женева.

Маските за лице, порача тој, би требало да станат симбол на солидарност во светот.

„Поголем број од вакцините се во третата фаза од клиничките испитувања и сите се надеваме дека ќе имаме повеќе ефективни видови на вакцини кои би помогнале во спречување на заразата. Но, засега нема чудотворно решение и можеби никогаш нема да го има“ рекол Тедрос.

Тој признал дека постои страв дека нема да има вакцина која е ефективна или заштитата од болеста ќе биде само краткотрајна и ништо повеќе, но дека тоа нема д асе знае се додека не се завршат клиничките испитувања.

Тедрос им порача на мајките да ги дојат своите бебиња и во случај да се заразени со коронавирус, бидејќи придобивките ги надминуваат ризиците од инфекција.

„ СЗО препорачува мајките кои се сомнителни или се потврдени дека се позитивни на ковид-19 да се охрабруваат на истиот начин како и сите други да започнат или да продолжат со доење“ рекол Тедрос.

Според него, бројните предности на доењето за бебето и децата значајно ги надминува потенцијалните ризици на инфекцијата.

Во Иран на секои седум минути починува по еден човек од ковид-19, објави денеска државната телевизија.

Министерството за здравство регистрирало 215 нови смртни случаи.

Во оваа зеемја од коронавирус починале вкупно 17.405 луѓе, а бројот на потврдени случаи се зголемил за 2.598, на 312.035, соопшти министерството.

Државните медиуми предупредија на недостиг од физичко дистанцирање.

Некои експерти се сомневаат во точноста на официјалните ирански податоци за бројот на случаи.

Извештајот на истражувачкиот центар на иранскиот парламент од април укажува дека бројот на починати би можел да биде двојно поголем од оној кој го пријавило министерството за здравство.

Џон Хјум, римокатолик и еден од архитектите на северноирскиот миреовен договор поситгнат на Велики петок во 1998 година, почина денеска на 83 годишна возраст, објави неговата Социјалдемократска и лабуристичка партија.

Хјум поради неговата улога во ставањето крај на 30-годишното насилство меѓу католиците и протестантите доби Нобелова награда за мир.

Со договорот на Велики петок на 10 април 1998 година, ставен е крај на 30-годишното насилство во Северна Ирска, со околу 3500 загинати луѓе.

Хјум е заслужен за поттикнување на мировните преговори во таа британска покраина, Нобеловата награда за мир во 1998 година ја подели со тогашниот северноирски министер Дејвид Тримбл од протестанската Улстерска унионистичка партија.