Свет
Канада ја одобри вакцината на „Фајзер“ за деца на возраст од 5 до 11 години
Канадските здравствени власти објавија дека ја одобруваат употребата на вакцината против Ковид-19 на „Фајзер/Бионтек“ за деца на возраст од 5 до 11 години.
„По целосно независен научен преглед, Министерството за здравство утврди дека придобивките од оваа вакцина за деца на возраст од 5 до 11 години ги надминуваат опасностите“, се вели во соопштението на властите.
Дозата на вакцината за овие деца е намалена на 10 микрограми од инјекција или трипати помалку од вообичаената доза. Инјекциите треба да се даваат со разлика од три недели, соопшти Health Canada, но не кажа кога ќе почне вакцинацијата.
„Ние работиме тесно со производителот и по одобрувањето од Health Canada, очекуваме да ги добиеме дозите многу бргу“, рече Тереза Там, главен канадски службеник за јавно здравје, на прес-конференција.
Високиот функционер прецизира дека федералните власти соработуваат со 13 провинции и територии за да се уверат дека сите се подготвени за испорака, логистика и спроведување на педијатриска имунизација.
За време на клиничките испитувања, имунолошкиот одговор на децата на возраст од 5 до 11 години бил сличен на оној на младите луѓе на возраст од 16 до 25 години. Вакцината била 90,7 отсто ефикасна во спречувањето Ковид-19 кај деца на возраст од 5 до 11 години и не се забележани сериозни несакани ефекти, соопшти Министерството.
„Фајзер“ аплицира за одобрување на 18 ноември врз основа на податоците од студиите спроведени на 2.268 деца од таа возрасна група.
Во средата американската биотехнолошка компанија „Модерна“ поднесе барање за одобрување на својата вакцина против Ковид-19 за деца на возраст од 6 до 11 години.
Во Канада повеќе од 85 отсто од луѓето на возраст над 12 години се вакцинирани против Ковид-19.
На друго место во светот, мал број земји, вклучувајќи ги Израел и Соединетите Американски Држави, досега ја одобрија вакцината на „Фајзер/Бионтек“ за деца.
Кина, Обединетите Арапски Емирати, Камбоџа и Колумбија исто така почнаа да ги вакцинираат децата помлади од 12 години, но со кинески вакцини.
Израел во вторник почнува да ги вакцинира децата на возраст од 5 до 11 години со вакцината на „Фајзер/Бионтек“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали за крвавиот напад со нож: Франција претходно го одбила барањето за азил на Сириецот
На почетокот на овој месец, француските власти го одбиле барањето за азил на човекот кој денеска рани четири деца и едно возрасно лице во напад со нож во близина на езерото Анеси, во истоимениот град, изјави денеска францускиот министер за внатрешни работи Жерал Дармани.
Тој изјави за TF1 дека сирискиот бегалец носел „одредени христијански симболи“ за време на нападот. Тој додаде дека Сириецот добил азил во Шведска пред 10 години, а тоа го побарал и во Швајцарија и Италија.
Француската полиција претходно соопшти дека две деца и еден возрасен се во критична состојба, додека две деца не се тешко повредени.
Според извори на весникот Фигаро, напаѓачот, роден 1991 година, е барател на азил од Сирија без полициско досие.
Неколку очевидци изјавија дека нападот се случил во паркот, кој се смета за мирно место популарно кај туристите поради прекрасниот поглед на езерото Анеси и планините.
Свет
Трамп бара ново судење за случајот со сексуална злоупотреба на писателката
Поранешниот американски претседател Доналд Трамп денеска побара ново судење во граѓанската тужба што против него ја покрена писателката Елизабет Џин Керол, во која Трамп беше прогласен за виновен за сексуален напад и клевета и беше наредено да и плати отштета од пет милиони долари.
Адвокатите на Трамп рекоа пред федералниот суд на Менхетен дека делот од отштетата од 2 милиони долари поврзан со сексуална злоупотреба е претеран, бидејќи поротата утврдила дека Керол не била силувана и дека однесувањето на поранешниот претседател не предизвикало никаква ментална повреда, пренесува „Асошиејтед прес“.
Тие додадоа дека наградата за клевета од 2,7 милиони долари е заснована на чиста шпекулација.
Во тужбата поднесена од писателката во 2022 година, се наведува дека Трамп ја силувал во соблекувалната на стоковната куќа „Бергдорф Гудман“ во Њујорк во средината на 1990-тите.
Трамп, од друга страна, ги отфрли нејзините наводи како лажни.
Свет
„Специјалните сили Ахмат можат да ги освојат Полска, Франција и Германија“ се пофали Кадиров
Антон Герашченко, советник во украинското Министерство за внатрешни работи, на Твитер објави клип од чеченскиот весник „Грозни Информ“ во кој чеченскиот лидер Рамзан Кадиров вели дека е подготвена голема војска која може да ги освои Полска, Франција и да стигне до Германија.
„Специјалните сили Ахмат, составени од три дивизии, се голема сила способна да ги окупира Полска, Франција и да стигне до Германија. А тоа ќе се случи во блиска иднина доколку противниците не ја сменат тактиката“ – изјави шефот на Чеченската Република, Рамзан Кадиров.
Translation of the screenshot:
" 'Akhmat Special Forces' " is a large force that is able to reach Germany"
"Akhmat Special Forces, comprising of three divisions is a large force that is able to capture Poland, France and reach Germany. And this will happen in the nearest future… pic.twitter.com/tyBXRbHxXc
— Anton Gerashchenko (@Gerashchenko_en) June 8, 2023
Во коментарите некои веднаш го забележаа лежерниот однос на Кадиров кон географијата.
„Може да ги „окупира“ Полска и Франција, но само до Германија ќе „стигне“? По кој пат планираат да одат? – праша еден корисник на Твитер.
Нема атмосферска канализација што ќе ги апсорбира врнежите со ваков интензитет, вели градоначалникот на Делчево
Градоначалникот на Делчево Горан Трајковски вели дека се работи за голема елементарна непогода и дека ништо не можело да спречи...
(Видео) Страотни сцени од Делчево под вода; Жителите: Да не се повтори
Делчево е под вода. Од фотографиите и видеата што се шират на социјалните медиуми може да се види што направило...
Граѓаните на Косово и Албанија ќе се лекуваат по исти цени како и македонските, не биле странци тука, вели Меџити
Граѓаните на Косово и Албанија ќе се лекуваат со исти цени како и граѓаните на Македонија, рече министерот Меџити. „Косовските...
Малтретирањето и тепањето во Бардовци се случувало со години, вели Меџити
Министерот за здравство Фатмир Меџити вели дека тоа што се случи во Психијатриската болница во Бардовци, не е ништо ново...
Прогласена кризна состојба во затворот „Идризово“
Со одлука на Владата прогласена е кризна состојба во затворот „Идризово“ поради спречување безбедносни закани. Ова се случува по информациите...
Осуден сум без докази и штета, со пристрасност на судијата и судир на интереси во предметот, рече Јанакиески за „Топлик“
Со 18 причини ексминистерот Миле Јанакиески ја убедуваше Апелација дека не е виновен за случајот „Топлик“, каде што затезна камата...
Меџити: Првпат утринското кафе го испив со професорот Јовев, кога министер носи одлука, таа не се преиспитува
Министерот за здравство, Фатмир Меџити, на денешниот отчет за сработеното во стоте дена откако е на функцијата, се пофали дека...
Македонски државјанин осуден за убиство во Швајцарија извршено пред 24 години
Маж по потекло од Македонија е осуден во швајцарскиот град Бил за убиство извршено пред 24 години. Судот го осуди ...
(Видео) Двајцата членови го напуштија Судскиот совет: врховната судијка укажа на незаконски одлуки, Герасимовски впери прст во превирањата
На судиите Зоран Герасимовски и Мирјана Радевска-Стефкова им престанаа мандатите во Судскиот совет. Едногласно беше донесена одлуката од сите членови....
(Видео) Избодени тригодишни деца, напаѓачот по потекло од Сирија – детали за страшниот напад во Франција
Најмалку осум лица, меѓу кои шест мали деца, утринава се избодени со нож во близина на игралиште во југоисточна Франција....
(Видео) Мицкоски бараше, Ковачевски носи документ – но, недоволен да убеди да се направат уставните измени
Резолуцијата од голема европска земја, со која ќе потврдат признавање на македонскиот јазик, идентитет и култура, е недоволна за ВМРО-ДПМНЕ...
Фатен затвореник, кој од „Идризово“ побегнал пред осум години, се шетал во Аеродром
Полицијата фати затвореник, кој во 2015 година побегнал од затворот „Идризово“. Криминалецот бил најден синоќа во скопската населба Аеродром. Според...
Заканите од кумановско Слупчане втор ден ги држат екипите на ЕВН надвор од селото во кое се краде 80 отсто од струјата на годишно ниво
Екипите на ЕВН втор ден не може да ја реконструираат дистрибутивната мрежа во село Слупчане посочувајќи дека нивните вработени добиваат...
Во поплавениот Херсон постои голема опасност од нагазни мини: „Лебдат кон градовите, не знаеме каде се“
Уривањето на големата брана во Херсон на југот на Украина ќе има катастрофален ефект врз лоцирањето нагазни мини, предупреди Меѓународниот...
СДСМ: Добро е што ВМРО-ДПМНЕ не е против уставните измени
Добро е што ВМРО-ДПМНЕ не е против уставните измени, дијалогот треба да продолжи за на крајот сите да изградиме заеднички...
Судиите ќе ги образложат оставките пред колегите од Судскиот совет
Судиите Мирјана Радевска Стефкова и Зоран Герасимовски денес ќе ги образложат оставките пред колегите од Судскиот совет, а се очекува...
ВМРО-ДПМНЕ: Нема уставни измени без зачувани и идентитет и јазик
Понудата на ВМРО-ДПМНЕ на вчерашната лидерска средба партијата ја коментира како победничка опција. „Македонија во ЕУ и зачуван идентитет, на...
Градоначалникот на Чаир: Со промоцијата на паркот „Украина“ порачавме дека сме со ЕУ, САД и со украинскиот народ
Паркот „Украина“ вчера беше промовиран во општина Чаир, поточно во близина на општинската зграда. „Со промоцијата на паркот ‘Украина’ ја...
„Моето место е на Кардиохирургија“, Јовев е сигурен дека Меџити ќе ја поправи грешката
Сашко Јовев, разрешениот директор на Клиниката за кардиохирургија, по повикот на министерот за здравство Фатмир Меџити, да биде негов национален...
Тешка сообраќајка: камион удри во автомобил на булевар „Туристичка“ во Охрид
Тешка сообраќајна несреќа се случи попладнево во Охрид. Несреќата се случила на булевар „Туристичка“ спроти пазарчето во Охрид, информираат од...
