Напаѓач во Франција со нож до смрт избоде полицајка во полициска станица во близина на Париз по што беше застрелан од други полицајци, пишува „Ле Фигаро“.

За време на нападот, напаѓачот извикувал: „Алах акбар“.

Инцидентот се случил околу 14.20 часот, рекол полициски извор, додавајќи дека и жртвата и напаѓачот, и двајцата туниски државјанин, се мртви.

Напаѓачот наводно пристигнал во Франција во 2009 година.

Министерството за здравство на Норвешка соопшти дека оние што примиле една доза од вакцината против коронавирусот на „Астра зенека“ ќе може да се вакцинираат со втора доза од друг производител.

Норвешка ја прекина вакцинацијата со „астра зенека“ на 11 март откога мал број млади беа хоспитализирани поради комбинација на згрутчување на крвта, крвавење и низок број тромбоцити, од кои некои починаа.

Сега се чека извештај од комисијата назначена од владата, кој треба да биде готов на 10 мај, за тоа дали вакцинацијата ќе продолжи.

Но, одлуката ќе дојде премногу доцна за оние што ја примиле првата доза од вакцината на „Астра зенека“ и треба да добијат втора доза пред одлуката на комисијата.

Затоа, на оние што примиле една доза од вакцината на „Астра зенека“ ќе им биде понудена втора доза од „Фајзер“ или „Модерна“.

Речиси 135.000 луѓе, претежно здравствени работници, ја примија вакцината на „Астра зенека“ во Норвешка пред да се запре вакцинацијата.

Норвешка е последна во низата земји што одлучија да комбинираат вакцини, заедно со Данска, Финска, Франција и Германија.

Заменик-шефот на политичкото биро на Хамас, Калил Ал-Хаја вчера предупреди да не се одложуваат палестинските законодавни избори закажани за 22 мај, велејќи дека тоа ќе го втурне палестинскиот народ во непознато.

Ал-Хаја, кој ја предводи листата на движењето на изборите, рече дека одложувањето ќе генерира голема фрустрација кај масите и младите, предупредувајќи дека одложувањето ќе ја комплицира ситуацијата и ќе ја продолжи поделбата.

Во јануари, претседателот на палестинските власти, Махмуд Абас, објави дека изборите ќе се одржат во мај, а потоа следуваат претседателски избори во јули.

На почетокот на неделава, Центарот за медиуми и комуникации во Ерусалим ги објави резултатите од анкетата која покажа дека 79 отсто од Палестинците сметаат дека одржувањето на овие избори е важно.

Во вторникот, високиот советник на Абас, Набил Шаат, рече дека претстојните палестински национални избори многу веројатно ќе бидат одложени ако Израел не дозволи гласање во Источен Ерусалим. Тој за весникот „Ан-Нахар“ изјави дека ако Израел продолжи да го игнорира барањето на Палестинската саноуправа за одржување на изборите во Источен Ерусалим, изборниот процес ќе биде одложен.

Израел спроведе кампања за апсење против оние кои учествуваат во изборните активности во Ерусалим. Аналитичарите сметаат дека Израел нема да дозволи гласање во областа бидејќи го смета целиот Ерусалим за свој главен град и не дозволува активности на ПС во градот.

Сепак, многумина веруваат дека ПС го користи ова како изговор бидејќи неодамнешните анкети покажуваат дека Хамас повторно ќе победи на изборите, ставајќи го претседателот Абас, кој е на чело на движењето Фатах, во тешка ситуација.

Абас одби да се повлече од позицијата по последните избори во Палестина во 2006 година, кога Хамас беше избран на власт. Овој потег предизвика разединетост меѓу Палестинците и доведе до тоа Фатах да биде на чело на владата во окупираниот Западен брег , а Хамас да управува со Појасот Газа.