Свет
Кина: Вистрчил ќе мора да плати висока цена за неговото кратковидо однесување
Кинескиот министер за надворешни работи, Ванг Ји, изјави дека претседателот на чешкиот сенат, Милош Вистрчил, ќе плати висока цена затоа што го прекршил принципот „една Кина“.
Имено, претседателот на Сенатот заминал во официјална посета на Тајван.
Според „Ројтерс“, Вистрчил пристигнал во Тајпеј, потенцирајќи дека целта на неговата посета е да ги подобри деловните односи со Тајван и дека Чешка нема да им попушти на приговорите од Пекинг.
Реагирајќи на тоа, Ванг, кој во тоа време беше во посета на Германија, рече дека Вистрчил ќе мора да плати висока цена за неговото кратковидо однесување и политичкиот опортунизам.
Преиспитувањето на принципот „една Кина“ е исто како „станување непријател на 1,4 милијарди Кинези“, а кинеската влада и народот нема да толерираат ваква отворена провокација од Вистрчил и антикинеските сили кои стојат зад тоа, рече Ванг.
Според принципот „една Кина“, Пекинг не ја признава независноста на Тајван или правото за одржување меѓудржавни односи, и го смета за провинција во рамките на Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нападната амбасадорката на Србија во Мадрид
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.
Свет
Израел ја нападна Сирија, убиени цивили: „Целта беше голем воен истражувачки центар“
Во повеќекратните израелски напади врз сирискиот град Хама доцна вчера загинаа најмалку четворица цивили, објавија сириските државни медиуми, а извори велат дека нападот бил насочен кон голем воен истражувачки центар.
Од нападот на Хамас на 7 октомври врз израелските цивили и војници, Израел ги ескалира своите напади врз цели на милицијата поддржани од Иран во Сирија, а исто така ја нападна и воздушната одбрана на сириската армија и некои сириски сили.
Локален здравствен претставник, цитиран од сириската државна новинска агенција, изјави дека по вчерашните напади во близина на градот Мисјаф, 13 лица се повредени, од кои неколку се во критична состојба.
Два регионални разузнавачки извори рекоа дека голем воен истражувачки центар за производство на хемиско оружје лоциран во близина на Мисјаф бил неколку пати погоден. Се верува дека таму е сместен тим од ирански воени експерти кои се занимаваат со производство на оружје.
Сириските државни медиуми, исто така, објавија дека од ударите започнале два пожари кои пожарникарите ги гаснат.
Свет
(Видео) Се урна мост, возила паднаа во река: се зголемува бројот на жртви поради тајфунот „Јаги“
Обилните дождови продолжија во северниот дел на Виетнам откако тајфунот „Јаги“ ја погоди таа земја, кој предизвика лизгање на земјиштето, поплави, големи материјални штети, прекин на електричната енергија, а загинаа најмалку 21 лице и 299 се повредени, објавија денеска државните медиуми.
Сообраќаен мост над надојдената Црвена река во провинцијата Фу То утрово се урна. Неколку возила паднале во реката, а три лица биле спасени и пренесени во болница.
BREAKING: Shocking dashcam video of a bridge collapse this morning in Vietnam. Unknown casualties at this time pic.twitter.com/VxwmBvKbZd
— TaraBull (@TaraBull808) September 9, 2024
Во неделата шест лица, меѓу кои и едно бебе, загинаа во лизгање на земјиштето во градот Са Па, а девет беа повредени.
Во главниот град Ханој работници чистеа откорнати дрвја, паднати билборди и соборени столбови за струја. Во северозападниот дел на Виетнам продолжија обилните врнежи, а синоптичарите најавија дека на некои места може да наврнат и рекордни 40 сантиметри дожд.
Тајфунот „Јаги“ беше најсилниот тајфун што го погоди Виетнам во последните децении, а во саботата ја опустоши земјата со удари на ветер до 149 километри на час. Во неделата ослабна до тропска бура, но метеоролошката агенција на земјата сè уште предупредува дека континуираните врнежи може да предизвикаат поплави и лизгање на земјиштето.
Најмалку три милиони луѓе останаа без струја во провинциите Куанг Нин и Хаифонг.
everyoneeeeeee #Yagi in this clip is so scary
yagi Attacks #Hainan, #HongKong, northern #Vietnam, in all forms. Buildings damaged, glass partitions shattered…
This super typhoon is really terrible#SuperTyphoonYagi #NorthernVietnam#TyphoonYagi #China #SuperTyphoon #typhoon pic.twitter.com/YRy5iEg0gJ— BeeLady 🇨🇭 📍🌼🐝 (@BeeLady__) September 8, 2024
„Јаги“ оштети и земјоделско земјиште, близу 116.192 хектари, каде најмногу се одгледува ориз.
Пред да удри во Виетнам, „Јаги“ предизвика најмалку 20 смртни случаи на Филипините минатата недела, како и три смртни случаи во Кина.
Бенџамин Хортон, директор на Земјината опсерваторија во Сингапур, рече дека бурите како тајфунот „Јаги“ „се посилни поради климатските промени.