Свет
Кинезинка се жалела на гласна џамија и добила 18 месеци затвор
Жена по потекло од Кина е осудена на 18 месеци затвор поради верско сквернавење, со образложение дека го навредила исламот поради тоа што се пожалила дека џамијата во нејзиното соседство била премногу гласна.
Жената на 44-годишна возраст, инаку следбеничка на будизмот, се пожалила на гласното молитвено повикување кое се повторувало пет пати на ден во џамија во северниот дел на Суматра.
Во Индонезија поголем дел од жителите се муслимани, има и значителен број будисти, но и христијани и други верски малцинства.
„Таа рече нешто што е навредливо за религијата, во овој случај за исламот“, изјавил портпаролот на окружниот суд, додавајќи дека обвинетата изразила жалење за својата постапка и се извинила.
Во последните години во Индонезија се шират конзервативните толкувања на исламот, поради што многумина стравуваат дека може да биде загрозен долгогодишниот статус на Индонезија како секуларна и толерантна држава. Во контекст на ова, политичките активисти тврдат дека строгите закони за верско сквернавење во Индонезија се користат за загрозување на малцинствата и кршење на слободата на изразување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Смената на режимот во Иран би била најдобрата работа
Претседателот на САД, Доналд Трамп синоќа изјави дека смената на режимот во Иран „би била најдобрата работа што може да се случи“.
– Само зборуваат и зборуваат и зборуваат веќе 47 години – наведе Трамп.
Тој потврди и дека најголемиот носач на авиони во светот „УСС Џералд Р. Форд“ од Карипско Море ќе биде распореден на Блиски Исток. Тој ќе се придружи на носачот „УСС Абрахам Линколн“ и на бродовите разорувачи со наведувачки ракети, кои во регионот се повеќе од две недели.
– Ќе ни треба во случај да не постигнеме договор. Многу брзо заминува – истакна Трамп.
Но, Трамп навести дека е можен договор со Иран и избегнување на воена операција.
– Ако ни дадат прав договор, нема да го сториме тоа – посочи Трамп.
Свет
(Видео) Бродот на Тито настрада на пристаништето во Риека
Вчера во риечкото пристаниште дојде до поморска незгода во која товарен брод удрил во бродот „Галеб“. Несреќата се случила додека „Галеб“ бил приврзан на Ријечкиот лукобран, а во него при маневрирање налетал товарниот брод DENIZ AKAY, кој плови под знамето на Барбадос.
Бродот од Риека требало да исплови за Турција, но по инцидентот сега тоа нема да биде во можност. Капетанот на капетанијата, Дарко Глажар, накратко изјавил дека, според првичните информации, многу е веројатно турскиот брод да имал дефект на погонскиот систем и дека веднаш му е издадена забрана за испловување од пристаништето додека не се утврдат сите потребни факти во овој судир.
Исто така, според првичните информации, нема повредени лица, а штетата на двата брода ќе се утврдува дополнително.
Свет
Маж нападна полицаец со нож во Париз
Маж вооружен со нож, кој се обиде да нападне полицаец кај Триумфалната капија во Париз, беше ранет од неколку куршуми испукани кон него од друг припадник на безбедносните сили, објави агенцијата Франс прес, повикувајќи се на полициски извор.
Напаѓачот е однесен во болница. Полицијата е присутна кај Триумфалната капија, споменик во центарот на Париз во близина на Шанзелизе, за церемонија на палење факел на Гробот на непознатиот војник.
Националното обвинителство за борба против тероризмот објави дека го презема случајот.
фото/Depositphotos

