Повеќе од 60.000 луѓе се пријавиле доброволно да учествуваат во испитувањата на руската вакцина против Ковид-19 во Москва, вели градоначалникот на Москва Сергеј Собјанин.

„Повеќе од 60.000 лица се пријавија доброволно, а илјадници луѓе ги поминаа потребните медицински тестови со цел да бидат регистрирани како потенцијални кандидати за тестирање“, рече Собјанин во интервју за програмата на телевизиската станица „Русија-1“.

Собјанин додаде дека повеќе од 700 луѓе ја примиле вакцината „Спутник V“ како дел од тестирањето, и дека сите се чувствуваат добро.

Претседателот на САД, Доналд Трамп, одобри договор што ќе овозможи кинеската апликација „ТикТок“ да продолжи да се користи во САД, а со новата компанија „ТикТок глобал“ ќе управуваат Американци.

Трамп истакна дека го поддржува партнерството меѓу „ТикТок“ и американските компании „Оракл“ и „Волмарт“.

„Му дадов блаагослов на договорот“, рече Трамп.

Нагласи дека договорот гарантира стопроцентна безбедност околу пристапот до податоците на корисниците од страна на кинеските власти.

Американскиот претседател појасни дека „ТикТок Глобал“ ќе биде целосно контролиран од компаниите „Оракл“ и „Волмарт“, а седиштето ќе биде во Тексас.

„ТикТок“ и „БајтДенс“ го поздравија одобрувањето на претседателот Трамп, но договорот мора да биде одобрен и од кинеската влада.

Две лица загинаа, а едно е исчезнато во невремето што предизвика поплави во централна Грција. Ураганот ги опустоши островите во Јонското Море, како и регионот Кефалонија.

Утрово споделено е видео на кое може да се види поплавениот регион и фармери кои ги спасуваат своите домашни животни.

A rare Mediterranean hurricane has toppled trees, cut power and caused severe flooding in Greece.

More on this story: https://t.co/o5rjczqv6V pic.twitter.com/c5r1Z3Fi3X

— SkyNews (@SkyNews) September 20, 2020

Инаку, телото на првата жртва беше пронајдено вчера во нејзината поплавена куќа во село во близина на градот Фарсала, а подоцна телото на 63-годишен маж е пронајдено недалеку од болницата во градот Кардица.

Најмалку два моста и неколку згради беа оштетени при излевање на река.

Жената која се води како исчезната, го игнорирала предупредувањето на пожарникарите и полицијата да не се вози во областа каде што реката го преплавила мостот.

Грчката противпожарна служба соопшти дека примила скоро 2.500 повици за евакуација на затрупани жители и за отстранување на дрвјата што ги блокирале патиштата.

Некои делови од земјата останаа без електрична енергија.