Свет
Коментарите за исламот на Макрон ги обединија непријателите Иран и Саудиска Арабија
Бесните прекори кон францускиот претседател Емануел Макрон продолжуваат да пристигнуваат од целиот муслимански свет. Иран и Саудиска Арабија, кои имаат меѓусебна политичка нетрпеливост, заеднички ги осудија коментарите на францускиот претседател за исламот, пренесува РТ.
Макрон го привлече гневот на муслиманите со своите коментари по убиството на францускиот професор Самуел Пети, кој беше обезглавен поради карикатурите на пророкот Мухамед што им ги покажал на учениците за време на часот за слобода на говорот.
Макрон рече дека Пети е убиен „затоа што исламистите ја сакаат нашата иднина“ додавајќи дека Франција нема да се откаже од своите карикатури.
Саудиското Министерство за надворешни работи соопшти дека отфрла секаков обид за поврзување на исламот и тероризмот и ги осуди карикатурите како навредливи, истовремено додавајќи дека го осудува секој терористички чин без оглед кој го извршил.
#تصريح | مصدر مسؤول بوزارة الخارجية: نرفض أي محاولة للربط بين الإسلام والإرهاب، ونستنكر الرسوم المسيئة إلى نبي الهدى ورسول السلام محمد بن عبدالله صلى الله عليه وسلم أو أي من الرسل عليهم السلام، ونُدين كل عمل إرهابي أياً كان مرتكبه.
— وزارة الخارجية ?? (@KSAMOFA) October 27, 2020
Иранското Министерство за надворешни работи го повика францускиот амбасадор поради коментарите на Макрон. Претходно во понеделникот, коментарите беа осудени од иранските законодавци и од судството, а министерот за надворешни работи, Џавад Зариф, ги критикува, како што рече, колонијалните режими за извоз на омраза и виктимизација на муслиманите.
Muslims are the primary victims of the "cult of hatred"—empowered by colonial regimes & exported by their own clients.
Insulting 1.9B Muslims—& their sanctities—for the abhorrent crimes of such extremists is an opportunistic abuse of freedom of speech.
It only fuels extremism.
— Javad Zarif (@JZarif) October 26, 2020
Францускиот претседател веќе беше критикуван од највисоките претставници во многу муслимански земји.
Турскиот претседател, Реџеп Таип Ердоган, го доведе во прашање менталниот капацитет на Макрон и повика на бојкот на француските производи, чувство што беше широко распространето на социјалните мрежи во муслиманскиот свет и веќе беше поддржано од неколку супермаркети.
Среде бурата од коментари, пакистанскиот премиер, Имран Кан, побара од извршниот директор на „Фејсбук“, Марк Цукерберг, да ја забрани исламофобијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дојде време интеграцијата на Западен Балкан во ЕУ да стане реалност: Лајчак од самитот на Берлинскиот процес
Специјалниот пратеник на ЕУ за дијалогот меѓу Белград и Приштина, Мирослав Лајчак, кој учествуваше на денешниот самит на Берлинскиот процес, изјави дека е дојдено време интеграцијата на Западен Балкан во ЕУ да стане реалност.
Лајчак на социјалната мрежа „Х“ оцени дека во рамките на Берлинскиот процес биле направени многу корисни работи за луѓето од регионот.
„На 10-годишнината пораките беа многу јасни: многу е постигнато за луѓето од регионот, но дојде време интеграцијата на Западен Балкан во ЕУ да стане реалност“, рече Лајчак.
Тој додаде дека на денешниот самит на Берлинскиот процес учествувал на покана на германскиот канцелар Олаф Шолц.
Свет
Цело семејство во болница откако се затруле со печурки: пешачеле еден час за да повикаат помош во Пенсилванија
Дури 11 членови на семејство Амиши во САД, вклучително и деца, биле пренесени во болница откако јаделе отровни печурки.
Доброволната противпожарна компанија „Делта-Кардиф“ го опиша труењето како „инцидент со масовни жртви“ во градот Пич Ботом во округот Јорк, Пенсилванија.
Од противпожарната служба за локалните медиуми изјавиле дека член на семејството им кажал дека се разболеле откако јаделе диви печурки.
Еден од нив пронашол печурки во шумата и ги донел дома на вечера, јавува Би-Би-Си.
Членот на семејството кој пријавил дека на семејството му се слошило пешачел речиси еден километар за да повика помош бидејќи немале телефон, изјави портпаролот на пожарникарите.
Шест возила на брзата помош го однеле семејството во болница, а на местото била повикана и полиција.
Американската администрација за храна и лекови препорачува луѓето да се консултираат со искусен професионалец за правилно да ги идентификуваат печурките што се безбедни за јадење, и вели дека е многу побезбедно да се набават печурки од продавници за храна или професионални фарми за печурки.
Постојат околу 250 видови отровни диви печурки пронајдени низ Северна Америка, според Центарот за контрола на болести на Британска Колумбија.
Свет
Шефот на германското разузнавање: Русија ќе биде подготвена да го нападне НАТО до крајот на деценијата
Шефовите на германското разузнавање издадоа остри предупредувања на денешното парламентарно сослушување за руската шпионажа и подготовките на Москва за воен конфликт со НАТО.
„Подготвеноста на Москва да користи хибридни и тајни мерки достигна невидено ниво“, рече Бруно Кал, шеф на германската надворешна разузнавачка служба (БНД), истовремено предупредувајќи дека „директната воена конфронтација со НАТО стана опција за Москва“.
Кал им објасни на парламентарците дека целта на Кремљ е да ја зајакне војската во подготовка за потенцијален напад и да го подели Западот за да ја попречи способноста на Европа да се брани.
„Путин ќе продолжи да ги тестира црвените линии на Западот и дополнително да го ескалира конфликтот. Руските вооружени сили веројатно ќе бидат во позиција, кадровски и материјално, најдоцна до крајот на оваа деценија да извршат напад врз НАТО“, нагласи тој.
Додаде дека Кремљ, кој води сеопфатна војна против соседна Украина од февруари 2022 година, троши многу повеќе на својата војска отколку европските земји и значително ги зајакнува своите конвенционални сили. „Фокусот на ова акумулирање е, се разбира, долж источното крило на НАТО“, истакна тој, пренесува „Политико“.
Тој тврди дека крајната цел на рускиот претседател Владимир Путин е да ги „истурка САД од Европа“, да го врати НАТО на границите од крајот на 1990-тите и на тој начин да создаде „руска сфера на влијание“ и да воспостави „нов светски поредок“.
Томас Халдеванг, шефот на германската домашна разузнавачка агенција, потврди дека неговата агенција забележува „агресивно однесување на руските разузнавачки служби“ и дека шпионажата и саботажата во Германија се зголемени „и квантитативно и квалитативно“, при што Русија дури е подготвена да „положи човечки животи во ризик“, пренесува медиумот.
Претходно оваа година, Си-Ен-Ен објави дека американското и германското разузнавање спречиле руски заговор за атентат врз извршниот директор на производителот на оружје „Рајнметал“.