Протестот во поддршка на Газа во Милано ескалираше во насилство, при што беа повредени околу 60 полицајци, од кои 23 се хоспитализирани, а 12 демонстранти добиле медицинска помош. Приведени се најмалку 10 лица.

Нередите избувнаа кај Главната железничка станица, каде што демонстранти облечени во црно се обидоа насилно да влезат во метро-станицата. Беа користени апарати за гаснење пожари, шишиња, канистри и барикади. Полицијата употреби палки и солзавец за да ја потисне групата.

#scioperogenerale I pro-Pal assaltano la stazione centrale di Milano per fermare i treni e i pendolari. Non sono manifestanti, sono sabotatori al servizio del terrorismo islamico di Hamas. pic.twitter.com/Edde79XrYx

— CriminImmigr*ti (@CriminImmigratl) September 22, 2025

Забележани се значителни оштетувања, вклучително и скршени стакла на влезот од станицата. Нередите доведоа до откажани и доцнети возови во Милано, со доцнења и над 2 часа.

Настанот беше дел од национален штрајк против израелската офанзива, организиран од синдикати и пропалестински групи. Протести се одржаа и во други италијански градови, вклучително и Неапол, Џенова, Ливорно и Трст, со блокирани пристапи до пристаништа и железнички станици.

A milano la situazione sta un po’ degenerando spero non ci siano conseguenze gravi , in questo momento ci sono scontri tra manifestanti e polizia
#scioperogenerale #FreePalestine #GazaGenocide pic.twitter.com/FgWB2uKxcw

— precipitevolissimevolmente (@saures788) September 22, 2025

Градоначалникот на Милано Џузепе Сала и министерот за внатрешни работи Матео Пјантедози го осудија насилството, нагласувајќи дека вандализмот нема врска со поддршката за Газа и дека се работи за намерен напад врз полицијата.

"Mi trovo alla stazione centrale di Milano, in un clima da guerriglia, sono appena rientrata assistendo con i miei occhi a una sassaiola dei manifestanti. Questi sono teppisti a cui poco interessa della tragedia che si sta consumando a Gaza: sono interessati solo a trovare… pic.twitter.com/eo9602W931

— Italia Viva (@ItaliaViva) September 22, 2025

Најмалку 13 затвореници и еден чувар загинаа, а 14 лица се повредени во жесток судир меѓу ривалски банди во затворот во градот Мачала, на југозападот на Еквадор.

Според полицијата, судирот почнал кога затворениците упаднале во едно одделение, земале чувари како заложници и убиле еден од нив. Потоа членовите на бандата „Лос Лобос Бокс“ (Los Lobos Box) нападнале ривалска група. По експлозија поставена внатре, дел од затворениците успеале да избегаат низ отвор во ѕидот, но 13 биле повторно уапсени.

За смирување на ситуацијата биле распоредени 200 полицајци и војници.

Властите го обвинија криминалниот клан „Лос Лобос Бокс“, познат по соработката со мексиканските наркокартели за шверц на кокаин преку еквадорските пристаништа кон САД и Европа. Затворите во Еквадор одамна се под контрола на банди кои ги водат своите операции дури и од внатрешноста на ќелиите.

Градот Мачала долго време бара преместување на затворот, кој се наоѓа во центарот на градот.

Поради наглиот пораст на насилство, Еквадор од една од најбезбедните држави во Латинска Америка стана една од најопасните. Овој месец САД ги прогласија бандите Los Lobos и Los Choneros за терористички организации, наведувајќи дека преку терор и брутално насилство сакаат да ги контролираат шверцерските рути.

Топлината предизвика повеќе од 62.700 смртни случаи во Европа минатата година, кои се поврзани со невообичаено високите температури и влажност, што е зголемување од речиси 25 проценти во споредба со 2023 година, покажуваат резултатите од студијата на Институтот за глобално здравје во Барселона (ISGlobal), објавени денес во списанието „Нејтр медицин“.

„Повеќе од 181.000 смртни случаи поврзани со топлината се регистрирани во Европа од летото 2022 до летото 2024 година“, изјави Џоан Балестер Кларамунт, главен автор на студијата.

Исто како и во 2022 и 2023 година, Италија беше убедливо најпогодена од непријатната летна топлина минатата година. Според проценките на експертите, помеѓу 1 јуни и 30 септември 2024 година, во таа земја починале 19.000 луѓе како резултат на летната жештина.

Шпанија е втора со повеќе од 6.700 смртни случаи, по што следи Германија со околу 6.300 смртни случаи. Според податоците, по неа следуваат Грција со нешто помалку од 6.000 смртни случаи и Романија со повеќе од 4.900 жители кои подлегнале на последиците од жештината. Постарите лица се најмногу изложени на ризик.

Рангирањето се менува кога проценетиот број на смртни случаи поврзани со жештината се споредува со населението на дадена земја. Податоците од студијата покажуваат дека во овој случај Грција е на прво место со 574 смртни случаи предизвикани од жештина на милион жители, по што следуваат Бугарија со 530 и Србија со 379. Во 15 од 32 проучувани земји, летото 2024 година беше најсмртоносно во последните неколку години. Во некои земји, како што се Германија, Шпанија и Франција, летото 2022 година беше уште полошо. Генерално, истражувачите забележале дека во Европа во 2022 година имало малку повеќе смртни случаи поврзани со топлина отколку во 2024 година. Фактори како што се регионалните разлики во температурата и влажноста играат важна улога во ваквите варијации. Истражувачите истакнаа дека постарите лица се особено изложени на ризик.