Свет
Кражба среде бел ден: Украдена вредна слика од галеријата „Третјаков“

Ретко изложувана слика од славниот руски сликар Архип Куинџи исчезна среде бел ден од галеријата „Третјаков“ во Москва додека десетици посетители уживале во изложбата, потврди руското Министерство за култура за РТ.
„Ги проверуваме информациите за исчезнувањето на една од сликите на Куинџи од колекцијата на Рускиот музеј која е изложена во галеријата ‘Третјаков’“, изјавио директорот на Одделението за музеи при Министерството за култура, Владислав Кононов.
Тој го потврди исчезнувањето на сликата „Ај Петри“, како и дека во галеријата „ Третјаков“ се наоѓат голем број полицајци. Според проценките на некои експерти, сликата вреди околу 500-750 илјади долари.
Медиумите велат дека кражбата е изведена на многу дрзок начин. Непознато лице- високо, русокосо момче на дваесетина години- ѝ се доближило на сликата, ја симнало од ѕидот, ја извлекло од рамката и ја сокрило. Посетителите што во тој момент биле во близина мислеле дека станува збор за вработен во музејот и дури по неколку минути сфатиле дека станува збор за кражба.
Во тек е потрага низ целата руска престолнина. Полицијата се сомнева дека во кражбата можеби се вклучени две лица, пишува „Тас“, и дека соучесник бил некој вработен во музејот.
Архип Куинџи (1842-1910) е еден од најпознатите руски сликари од 19. и почетокот на 20. век. Куинџи е многу скап уметник, бидејќи неговите дела ретко се појавуваат на пазарот или во приватни збирки, вели експертот за ликовни уметности, Сергеј Подстантиски, за радиото „Говорит Москва“. Неколку години назад, колекционер добил 1 милион долари за слика на Кујнџи со иста големина како украдената.
Украдената слика „Ај Петри. Крим“ е насликана меѓу 1898 и 1908 година и е дел од т.н. “Кримски период“ на Куинџи. На неа е прикажано едно од главните обележја на полуостровот – планината Ај-Петри, висока 1,234 метри.
Сликата се чуваше во Рускиот музеј во Санкт Петербург, а во Москва беше дел од изложба на пејзажи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Фицо: Не повикувам на укинување на демократијата, но ЕУ треба да размисли за промена на системот

За време на вчерашната посета на Узбекистан, словачкиот премиер Роберт Фицо посочи дека авторитарните држави можат да бидат економски поефикасни од демократиите и повика на преиспитување на европскиот демократски модел.
Фицо рече дека Европа треба да размисли за реформирање на својот систем на управување базиран на слободни избори за да остане глобално конкурентна. Тој ги пофали земјите како Узбекистан, Кина и Виетнам за нивната способност да дејствуваат порешително по економските прашања.
Кога новинарите го прашаа, Фицо појасни дека не повикува на крај на демократијата, но тврдеше дека вклучувањето премногу политички партии во донесувањето одлуки ја ослабува способноста на државата да дејствува.
„Ако имате сто политички партии, не можете да се натпреварувате“, рече тој.
„Ако владата се состои од четири политички субјекти, не можете да се натпреварувате“, додаде тој.
Фицо, кој се врати на власт во 2023 година за да го преземе својот четврти мандат, се соочи со масовни протести во последните месеци, а критичарите го обвинуваат за авторитарни аспирации и водење проруска надворешна политика.
Свет
Орбан: Дипломатите мора да ја преземат контролата од генералите, оваа војна не може да се добие

Унгарскиот премиер Виктор Орбан изјави дека на Украина ѝ е потребно примирје, преговори и мир, како и дека „дипломатите треба да ја преземат контролата од генералите“. На состанокот на парламентарната група „Патриоти за Европа“ во Европскиот парламент, рече дека политичарите кои се залагаат за војна сакаат луѓето да веруваат дека војната мора да продолжи, објави унгарската агенција МТИ.
„Ве уверувам дека оваа војна не може да се добие, нема решение на бојното поле, само мртви, страдање и уништување“, истакна тој. Унгарскиот премиер, исто така, рече дека неговата земја е „црна овца“ на Европската Унија и кошмар за Брисел, додека претставува надеж за европските патриоти.
„Не сакаме Брисел да воведе воена економија под изговор на војна, не сакаме да зема огромни кредити, да ги федерализира парите на земјите-членки и да ги вовлекува нашите земји во трка во вооружување. Ве молам да ги запрете“, им рече Орбан на учесниците на состанокот.
Според него, Брисел ѝ се заканува и ја уценува Унгарија со финансиски санкции затоа што не ги пушта мигрантите во земјата, но Будимпешта попрво ќе им плати отколку да им дозволи на мигрантите да ја уништат безбедноста на унгарските градови и улици. „Се бориме за нашите семејства и татковина, дури и ако треба да се соочиме со целата бирократија на Брисел“, заклучи унгарскиот премиер, пренесува Танјуг.
Свет
(Видео) Израел ќе ја депортира Грета Тунберг

Група активисти, меѓу кои и шведската климатска активистка Грета Тунберг, ќе бидат депортирани од Израел откако беа уапсени на хуманитарен брод кој се обидуваше да стигне до Газа, објавија израелските власти.
Едрилицата „Мадлин“, која превезуваше 12 лица и носеше симболична хуманитарна помош за жителите на Газа, беше пресретната од израелските сили во раните утрински часови во понеделникот и одвлечена до пристаништето Ашдод. Израел го опиша обидот како „мисија за селфи“, а патниците беа префрлени на аеродромот Бен Гурион за депортација.
After being stopped by the Israeli Navy, IDF special forces soldiers handed out food and water to the brain dead morons from Europe on the boat including Greta Thunberg. I bet they didnt expect to be treated so well. Look how confused they seem 😂 #Flotilla #Gaza pic.twitter.com/wq7YyNgwzw
— Eretz Israel (@EretzIsrael) June 9, 2025
„Лицата кои ќе одбијат да потпишат документи за депортација и да го напуштат Израел ќе бидат изведени пред судските органи“, соопшти израелското Министерство за надворешни работи на мрежата X.
Активистите од Коалицијата „Флотила на слободата“ (FFC), која го организираше пловењето, потврдија дека сите учесници сега се под надзор на израелските власти. „Тие може да бидат ослободени на лет од Тел Авив вечерва“, објавија организаторите на социјалните медиуми.
Едрилицата исплови од италијанското пристаниште Катанија на 1 јуни со цел да се подигне свеста за хуманитарната криза и гладот во Појасот Газа и да се достави помош. Меѓу патниците има граѓани на Бразил, Франција, Германија, Холандија, Шпанија, Шведска и Турција, вклучувајќи ја француската европратеничка Рима Хасан и францускиот новинар на Ал Џезира, Омар Фајад.
Според ФФК, бродот носел симболична количина помош, ориз и млеко за бебиња, и бил пресретнат во меѓународни води. Организаторите велат дека поморската блокада на Газа е нелегална и ги осудија изјавите на израелскиот министер за одбрана Израел Кац, кој најави акција против секој обид за пробивање на блокадата еден ден претходно. „Ваквите закани се обид да се оправда насилството врз цивилите“, соопшти ФФК.