Официјални лица од британската Национална агенција за криминал запленија повеќе од 100 килограми злато.

Како што пишуваат британските медиуми, златото со тежина од околу 104 килограми патувало за Швајцарија од Кајманските Острови. Проценетата вредност на златото е околу 4,5 милиони евра, а според сомнежите е поврзано со јужноамериканските наркокартели.

Најпрво, златото со приватен авион било пренесено од Кајманските Острови до Венецуела.
Локалните власти се обидуваат да дознаат од каде потекнува златото. Голем дел од овој скапоцен метал бил запленет во плочки и мали парчиња, додека околу шест парчиња биле во форма на срце.

„Веруваме дека оваа пратка е поврзана со наркокартелите во Јужна Америка. Во соработка со меѓународните партнери и службите во Велика Британија брзо успеавме да го спречиме натамошниот транспорт на златото“, изјави Стив Мекинтаер, од лондонскиот аеротром „Хитроу“, каде што минатиот месец беше пронајдено златото.

Тој нагласи дека бизнис моделот на многу организирани криминални групи се потпира на способноста за прекуграничен пренос на пари или вредни стоки, со цел финансирање на понатамошни криминални активности.

Над 10.000 пушки, делови од оружје и опрема предадоа жителите на Нов Зеланд во првата недела од откупот што го започна државата по масовното убиство во џамијата во Крајстчрч во март, соопшти полицијата.

Законот за реформи во оружјето донесен во април во голем дел го забранува полуавтоматското оружје, деловите што го претвораат оружјето во полуавтоматско, како и некои пушки.

Сопствениците имаат краен рок до 20. декември да го предадат своето оружје, а владата одвои повеќе од 140 милиони долари како фонд за компензација.

Досега повеќе од 2.000 луѓе предале 3.275 парчиња оружје, 7.827 додатоци и опрема, а за возврат властите платиле нешто повеќе од 4 милиони долари, изјави портпарол на полицијата за агенцијата „Ројтерс“.

Земјотрес со јачина од 4,2 степени ја погоди областа на општина Чајниче во БиХ, во близина на границата со Црна Гора, објави Европскиот медитерански сеизмолошки центар.

Епицентарот е регистриран на длабочина од два километра, седум километри јужно од Чајниче, на источната граница меѓу БиХ и Црна Гора, објави РТЦГ.

Претходно, потрес исто така од 4,2 степени ја погоди областа на Мармор, помеѓу Сребреник и Тузла.