Свет
Кремљ се надева дека британските пратеници нема неосновано да обвинуваат во новиот безбедносен извештај
![](https://makfax.com.mk/wp-content/uploads/2020/07/21-peskov.jpg)
Портпаролот на Кремљ, Дмитриј Песков, се надева дека новиот извештај подготвен од Комитетот за разузнавање и безбедност во Парламентот на Велика Британија нема да содржи неосновани обвинувања и инсинуации, пренесува ТАСС.
„Се надеваме дека барем овој пат, по толку истраги што ги спроведоа сојузниците на Велика Британија за мешање на Русија, кои доведоа до негативни резултати и не потврдија ништо, ќе има некои документи што нема да содржат неосновани обвинувања или инсинуации“, изјави Песков непосредно пред објавувањето на документот.
Портпаролот на Кремљ посочи дека Русија никогаш не се мешала во изборните кампањи на другите држави и не толерира мешање во сопствените внатрешни работи.
„Русија никогаш не се мешала во изборните процеси во која било земја во светот, било да се тоа САД, Велика Британија или други држави. Ние не го правиме тоа и не го толерираме кога други земји ќе се обидат да се мешаат во нашите внатрешнополитички работи“, додаде Песков.
„Значи, дури и ако овој извештај содржи некои обвинувања, уште сега можам да ве уверам дека тие ќе бидат неосновани. Ова ќе биде уште еден пакет на неосновани обвинувања“.
Портпаролот на Кремљ призна дека Москва не е запозната со содржината на извештајот.
„Прво и основно, го следиме она што се случува во нашата земја, а во моментот нашиот приоритет се клучните области на развој на нашата земја до 2030 година. Со сета почит кон Велика Британија, нашиот приоритет е она што се случува во нашата земја“, рече Песков.
Претходно во вторникот, рускиот претседател, Владимир Путин, потпиша указ за целите на националниот развој на Русија до 2030 година.
Комисијата за разузнавање и безбедност на британскиот Парламент денеска објави извештај за активноста на разузнавачките служби на Велика Британија. Пред објавувањето „Дејли телеграф“ информира дека британските пратеници не нашле докази за мешање на Русија во референдумот за Брегзит во 2016 година.
Според весникот, во извештајот на 50 страници се тврди дека Москва се обидела да се меша на референдумот за независност на Шкотска во 2014 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
![](https://makfax.com.mk/wp-content/uploads/2024/09/devojce.jpg)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.