Велика Британија го обвини Иран и Исламската револуционерна гарда на таа земја за нападите на танкерите во Оманскиот залив, наведувајќи дека ниедна друга држава не може да биде одговорна за тоа.

Шефот на британската дипломатија, Џереми Хант ги осуди нападите, нагласувајќи дека тие ги кршат меѓународните норми и го повика Иран да престане со неговите дестабилизирачки активности.

Претходно и американскиот претседател Доналд Трамп го обвини Иран за нападите на танкерите. Тој порача дека доказите, вклучувајќи го и видеото кое денеска го објави американската морнарица, наводно покажуваат дека ирански патролен брод презема неексплодирана мина од трупот на еден од танкерите кој беше цел на нападот. 

Светската здравствена организација соопшти дека епидемијата на вирусот ебола во Конго, која се прошири во Уганда оваа недела, се уште не заслужува да биде прогласена за глобална криза, но е вонреден случај, кој предизвикува длабока загриженост.

Американската здравствена агенција денеска свика стручен одбор по трет пат, за да ги процени нивоата на епидемијата, во која животот го загубија над 1.400 луѓе.

Некои експерти велат дека епидемијата ги исполнила критериумите за одамна да се означи како меѓународна вонредна ситуација, пренесе АП.

Американскиот претседател Доналд Трамп и јапонскиот премиер Шинзо Абе телефонски разговараа за нападите на два нафтени танкери во Оманскиот залив, што се случија изминатата недела.

Генералниот секретар на ОН, Антонио Гутереш ги осуди нападите и повика на утврдување на вистината за настаните.
Трамп му се заблагодари на Абе за неговиот обид да ги олесни разговорите со Иран, пренесе Ројтерс.

Тие двајца разговараа и за преговорите за трговија меѓу двете земји и за претстојното патување на Трамп на самитот на Г20.

Гутереш изјави денекса дека е потребно да утврди вистината за нападите, додавајќи дека меѓународното тело го осудило нападот.

Генералниот секретар на Арапската лига, Ахмед Абудл-Геит, го повикал Иран да го промени курсот откако САД ја обвинија таа земја за напдот.