Свет
Лавров: Русија го поддржува повикот на ОН за глобален прекин на огнот во услови на пандемија
Русија го поддржува повикот на генералниот секретар на ОН, Антонио Гутереш, за глобален прекин на огнот во услови на пандемија на коронавирус, посочи рускиот министер за надворешни работи, Сергеј Лавров, пренесува ТАСС.
„Руската Федерација верува дека повикот на генералниот секретар на ОН за глобален прекин на огнот во услови на пандемијата со Ковид-19 да е навремен, а земјите членки на ЦСТО едногласно го поддржаа тоа“, рече Лавров.
Според Лавров, Студената војна што почна кратко време по создавањето на ОН спречи глобалната организација целосно да го искористи својот креативен потенцијал.
„Новата надеж се роди дури 44 години подоцна, со падот на Берлинскиот ѕид како симбол на геополитичката конфронтација помеѓу два непомирливи системи. Ова не беше само за спречување на воена конфронтација, туку и за надминување на недовербата и нееднаквоста, контрола на неоколонијалните аспирации и промовирање конструктивна соработка заради градење заедничка иднина“, рече тој.
„Жално е што денес воените конфликти продолжуваат непречено во различни региони, надополнети со голем број предизвици со кои се соочува светот денес: меѓународен тероризам, трговија со дрога, компјутерски криминал и климатски промени. Оваа година на списокот беше додаден уште еден голем предизвик: пандемијата на коронавирус што предизвика сериозни социоекономски и други кризи “, додаде Лавров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

