Свет
Либан: Најмалку 10 спасувачи загинаа во израелски напад

Најмалку 10 спасувачи загинаа во израелски воздушен напад врз општинска зграда во близина на Бинт Џбеил, Либан, соопшти либанското Министерство за здравство.
Тие наведуваат дека пожарникарите биле во зградата кога била бомбардирана.
Либански безбедносни извори потврдија за агенцијата ДПА дека загинале најмалку 10 лица. Либанската телевизија LBCI објави дека цел на нападот била зградата на Исламската здравствена управа, чадор организација на Хезболах која управува со болниците во земјата.
Во меѓувреме, Израел продолжи со нападите во близина на Тир, Набатие и други области во јужен Либан.
Управата за цивилна одбрана соопшти дека во земјата се извршуваат повеќе од 160 мисии кои опфаќаат извлекување на тела и повредени од урнатините, како и гаснење пожари.
Израелската армија нареди евакуација на повеќе од 20 села на југот, што укажува дека нападите ќе продолжат.
Портпаролот на израелската армија на арапски јазик во понеделникот издаде итно предупредување до населението да избегнува да биде на плажа или на чамци на либанскиот брег од реката Авали на југ, се до понатамошно известување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Фото) Остатоци од дрон паднале врз станбена куќа во Полска

Остатоци од руски дрон паднале врз станбена куќа во регионот Лублин, објавија полските медиуми. „Полсат њуз“ објави дека покривот и паркингот се оштетени, но никој не е повреден.
Повикувајќи се на локален полициски инспектор, „Полсат“ соопшти дека „остатоците од руски дрон паднале врз станбена куќа во градот Вирики Вола“.
— Remiza.pl (@remizacompl) September 10, 2025
„Луѓето слушнале експлозија и виделе полски борбени авиони. Ситуацијата е доста сериозна и загрижувачка. Навистина постои голема загриженост кај жителите“, рече градоначалникот Мариуш Занко.
Регионот Лублин, во источна Полска, се граничи со Белорусија и Украина.
фото: принтскрин
Европа
Завршена полската воена операција

Полската војска ја заврши својата воена операција откога собори беспилотни летала што влегоа во полскиот воздушен простор во текот на ноќта.
„Полските и сојузничките операции на воздухопловните сили поврзани со кршење на полскиот воздушен простор се завршени. Пребарувањето и локализирањето на можните места на удар на објекти што го нарушија полскиот воздушен простор е во тек“, се вели во соопштението.
Полската војска им се заблагодари на Воздухопловната команда на НАТО и на Холандија за испраќањето борбени авиони „Ф-35“ за да се обезбеди безбедноста на полското небо. Земјените системи за воздушна одбрана и радарското извидување се вратија на стандардни оперативни активности.
Само еден аеродром сè уште не е отворен
Главниот аеродром во Варшава е повторно отворен. Портпаролот на Полската агенција за воздушна навигација сега изјави за телевизиската станица TVN24 дека аеродромите во Модлин и во Жешов исто така се повторно отворени.
Аеродромот во Лублин останува привремено затворен.
фото: принтскрин
Свет
(Видео) Трамп прашан за дроновите во Полска додека излегуваше од ресторан, не одговори

Полската војска рано утрово објави дека соборила беспилотни летала што го нарушиле нејзиниот воздушен простор за време на рускиот напад врз соседна Украина.
„Распоредено е оружје и службите активно работат на лоцирање на соборените објекти“, соопшти Полската оперативна команда. Додаде дека е во тек воена операција и ги повика жителите да останат во своите домови. Полска е членка на НАТО, трансатлантскиот одбранбен пакт, во кој учествуваат САД и кој го применува принципот дека нападот врз еден е напад врз сите.
President Trump just left the restaurant in DC.
One reporter asked:
“What do you have to say to the court ruling that you can’t fire Lisa Cook?”I asked about reports tonight of Russian drones in Poland’s airspace.
He didn’t answer either. pic.twitter.com/REjWLvPzGN
— Kellie Meyer (@KellieMeyerNews) September 10, 2025
Новинар го праша американскиот претседател Доналд Трамп додека излегуваше од ресторан да даде коментар во врска со „навлегувањето на руските беспилотни летала во Полска“. Трамп не одговори, туку им мавна на пропалестинските демонстранти пред ресторанот. Потоа влезе во својот автомобил. Не беше јасно дали воопшто го слушнал прашањето, со оглед на гласните свиркања од демонстрантите.
фото: принтскрин