Свет
Министерката за здравство која промовираше „магична напивка“ против коронавирусот е позитивна

Министерката за здравство на Шри Ланка, Павитра Ванијарачи, која јавно ja поддржа и промовира употребата на „магична напивка“ во борбата против коронавирусот, е позитивна на Ковид-19.
Ванијарачи јавно ја консумираше „магичната напивка“, за која тој што ја направил тврдеше дека обезбедува доживотен имунитет на вирусот.
Како што подоцна беше откриено, сирупот односно напивката содржела мед и морско оревче.
Министерката во ноември лани истури бокал „благословена“ напивка во река, откако самопрогласениот Божји човек рече дека со тоа ќе се запре пандемијата.
Здравствен службеник потврди дека министерката Павитра е највисокиот функционер во таа земја заразен со вирусот.
Шри Ланка, која има 21 милион жители, вчера ја одобри употребата на вакцината на „АстраЗенека“, само неколку часа откако Ванијарачи објави дека е позитивна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Бугарија ја критикувa „Астразенека“ за доцнењето со вакцините: „Ни ја земавте надежта“

Бугарскиот министер за здравство, Костадин Ангелов, ја критикуваше Астразенека за неуспехот да ја испочитува договорената испорака на вакцини.
Бугарија исто така побара итна распределба на 52.800 дози, кои се одложени за 1 март, со порака дека оваа фармацевтска компанија му ја одзела надежта на бугарскиот народ.
Со остар тон, Ангелов напиша дека неуспехот на Астразенека да ги достави договорените вакцини ја компромитира масовната кампања за вакцинација што Бугарија ја започна минатата недела, објави „Ројтерс“.
Многу Бугари побрзаа да земат вакцини во саботата, зголемувајќи го бројот на имунизирани граѓани, но брзо останаа без дози на Астразенека.
Британско-шведската компанија и соопшти на Европската унија дека ќе ги намали испораките за 60 проценти поради проблеми со производството.
Според шемата на ЕУ, Бугарија нарача 4,5 милиони дози од вакцината „Астразенека“, кои треба да пристигнат во следните седум месеци.
Во февруари требаше да пристигнат 450.000 дози, а испорачани се 117.000 дози.
Испораката на 142.400 дози, потврдена на 15 февруари, сега е поместена за 1 март и е намалена за две третини, се вели во писмото на Ангелов.
Европа
Истражување: Британскиот сој на вирусот 64 отсто ги зголемува шансите заразените да завршат во болница

Луѓето инфицирани со позаразната варијанта на коронавирусот, која првпат беше откриена во Велика Британија, имаат поголем ризик од хоспитализација, покажа студија на данскиот Институт „Серум“.
Од 2.155 лица заразени со варијантата Б117, 128 се хоспитализирани, што е 64 проценти повеќе од заразените со другите варијанти, се вели во студијата.
Резултатот од данската студија е сличен на истражувањето спроведено на почетокот на овој месец во Велика Британија, додава Институтот во соопштението.
Варијантата Б117 стана доминантна во Данска минатата недела и претставува речиси две третини од сите нови инфекции во земјата, а на почетокот од годината оваа мутација на вирусот претставуваше само 5 проценти од сите случаи.
Свет
Американка на шопинг потрошила државна помош oд 150.000 долари наменета за компании

Американка од Северна Каролина, која наводно фалсификувала документи со цел да добие државна помош од 150.000 долари наменета за компании, е обвинета дека ги потрошила сите пари за купување брендирани производи од компании како „Нејман Маркус“, „Луј Витон“, „Нордстром“, а направила обиколки и во продавниците за дијаманти, соопшти Обвинителството од оваа американска држава.
Јасмин Клифтон (24) поднела барање за економска помош поради пандемијата наведувајќи дека нејзиниот онлајн-бизнис за продажба на облека е уништен поради рестриктивните мерки, иако таа всушност ја затворила продавницата една година порано, објавија американските медиуми.
Прес-службата на Западниот округ на Северна Каролина наведува дека Клифтон презентирала документи оти нејзината компанија заработува 350.000 долари годишно иако документите покажале оти продавницата е затворена во септември 2019 година.
Освен облека, обувки и дијаманти, жената трошела пари и во ИКЕА, „Бест бај“ и „Румс ту го“, додава Обвинителството.
Таа се товари за измама и искористување на условите при голема катастрофа, а во судницата се појавила во понеделникот и била ослободена со кауција од 25.000 долари, објави АП.
Жената се соочува со казна затвор од 30 години, а би можела да плати и глоба од 1,25 милиона долари.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер