Свет
Мистериозниот американски вселенски авион слета по рекордно долгата мисија од 780 дена
Вселенскиот авион „Х-37Б“ на американските воздухопловни сили се спушти во вселенскиот центар „Кенеди“ на НАСА речиси две години по неговото лансирање соборувајќи го сопствениот рекорд за најдолг престој во вселената, а неговата мисија останува во тајност, пренесува РТ.
Авион без човечки екипаж, кој изгледа како минијатурен вселенски шатл, вчера се врати на Земјата заокружувајќи ја својата задача во орбитата 780 долги дена. Првично создаден да помине до 240 дена во вселената, врвниот таен авион досега извел пет мисии, а секоја траеше подолго од претходната.
Овој „X-37B“ го надмина претходниот рекорд поставен на 7.5.2017 година за 62 дена.
Мистериозниот авион, чии точни цели на неговите мисии се предмет на шпекулации, слета во вселенскиот центар „Кенеди“ на НАСА во Кејп Канаверал, на Флорида.
„Небото повеќе не е граница за воздухопловните сили и, ако ги одобри Конгресот, на американските вселенски сили“, рече началникот на Генералштабот на воздухопловните сили, генерал Дејвид Л. Голдфејн, славејќи уште една пресвртница во развојот на тајниот проект.
Проектот првично започна како студија на НАСА за развој на економични вселенски летала за повеќекратна употреба, но оттогаш значително се прошири, претворајќи се во воен проект држен во најголема тајност.
Постојат шпекулации дека мисијата се врти околу помагање на воздухопловните сили да дизајнираат некаква футуристичка технологија за извидување, како што се микрошпионски сателити, кои можат да исчезнат додека трепнеш.
Ова е прв пат американската Влада да се одлучи за ракетата „Спејс Х“ на Елон Маск за да испрати вселенски авион во орбита. Лансирањето се случи на 7 септември 2017 година во Шестата мисија е предвидено да почне следната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку десет луѓе загинаа во автобуска несреќа во Мексико
Најмалку 10 лица загинаа, а 20 се повредени во синоќешната автобуска несреќа што се случи во западната мексиканска држава Мичоакан.
Несреќата, чија причина сè уште е непозната, се случила на патот помеѓу главниот град на државата Морелија и селото Пацкуаро. Спасувачките операции и медицинската помош се на местото на несреќата.
Сообраќајните несреќи во Мексико изминатите години бележат пораст, а главни причини се пребрзото возење и лошото одржување на возилата. Во септември, цистерна што превезувала речиси 50.000 литри бензин експлодираше под надвозник на автопат во главниот град Мексико, при што загинаа десетици луѓе.
Регион
Еден загинат во поплавите во Албанија по обилните дождови
Најмалку едно лице загина во Албанија во поплавите предизвикани од обилните дождови што паѓаат во изминатите неколку дена, соопшти денес албанската полиција.
Полицијата објави дека тело на жена (76) е пронајдено откако нивото на водата се повлекло во поплавената југоисточна општина Девол.
Поплавите предизвикаа најголема штета во руралните региони на југот на Албанија, а во селото Душар 30 семејства беа отсечени, бидејќи патиштата беа непроодни поради поплавите.
Свет
Италијанскиот министер: Американскиот план за Украина содржи услови што никогаш не би можеле да бидат прифатени
Италијанскиот министер за одбрана Гвидо Крозето изјави дека американскиот мировен план од 28 точки за Украина е премногу оштар и дека содржи елементи кои никогаш не можат да бидат прифатени. Во објава на мрежата Икс тој наведе дека е важно тоа што и Русија и Украина разговараат за планот, но дека предлогот претставува тешка понуда за Киев.
Крозето додаде дека документот може да послужи како почетна точка за преговори и за обновување на дијалогот. Според него, целта е итно запирање на конфликтот.
Украинскиот претседател претходно предупреди дека се соочува со тежок избор, а европските лидери изразија загриженост дека предложените ограничувања би ја оставиле Украина ранлива на идни напади.

