Свет
Мнозинството Швеѓани сакаат помалку баратели на азил
Мнозинството Швеѓани велат дека сакаат да видат помалку апликации за азил отколку што земјата добила во 2019 година, при што процентот на тоа мислење е зголемено во однос на резултатите од слична анкета спроведена минатата година, пренесува СВТ.
Анкетарската агенција „Новус“ открива дека 63 отсто од Швеѓаните сакаат помалку баратели на азил од минатата година кога земјата прифати околу 22.000 нови барања. Резултатите се за седум отсто повисоки од анкетата „Новус“ спроведена минатата година, на која 56 отсто од испитаниците рекле дека сакаат помалку барања за азил.
Бројот на оние што сметаат дека треба да има повеќе барања за азил исто така се намали во однос на анкетата од минатата година. Само осум отсто изјавиле дека сакаат повеќе баратели на азил да пристигнат во Шведска. Во меѓувреме, 19 отсто изјавиле дека би прифатиле ист број баратели на азил како минатата година.
„Новус“ исто така ги праша Швеѓаните дали мислат дека земјата треба да има ограничување на апликациите за азил годишно и за кој број сметаат дека е соодветен.
Најголемата група, 29 отсто, изјавиле дека не знаат, а 28 отсто рекле дека би прифатиле под 10.000 бањара, 16 отсто не би прифатиле барања за азил, а 11 отсто рекле дека не треба да има ограничување.
Резултатите доаѓаат само неколку дена откако шведскиот премиер Стефан Лофвен ја отфрли идејата за горна граница за барања за азил велејќи дека границата ќе биде во спротивност со идејата за азил. Сепак, тој рече дека Шведска би ја играла својата улога како членка на Европската Унија, но не и кога станува неодржлива.
Во моментот Шведска расправа за сопствените политики за азил додека многумина од десницата бараат повеќе ограничувања, а оние во зелената партија се заканија дека ќе ја напуштат владата ако се воведат остри ограничувања.
Помеѓу 2010 и 2019 година Шведска им издала дозволи за престој на речиси 1,2 милион мигранти, стотици илјади од нив баратели на азил, и дозволи за повторно обединување на семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп ги зголемува новите царини од 10 на 15%
Американскиот претседател, Доналд Трамп, изјави дека ќе воведе глобални царини од 15%, продолжувајќи да се спротивставува на одлуката на Врховниот суд со која се укинати неговите претходни царини за увоз.
Трамп во петокот изјави дека ќе ги замени царините што ги укина судот со данок од 10% на сите стоки што влегуваат во САД.
Но, сега на „Truth Social“ тој објави дека ова ќе се зголеми на 15%.
Новите царини ќе стапат на сила во вторник, 24 февруари, и можат да останат на сила само околу пет месеци пред администрацијата да мора да побара одобрение од Конгресот.
Свет
(Видео) Иран се подготвува за војна
Додека Соединетите Американски Држави продолжуваат со значително засилување на военото присуство на Блискиот Исток, Иран презема чекори за да ја демонстрира својата подготвеност за можен конфликт, вклучително со зајакнување на нуклеарните постројки и обновување на фабриките за ракети.
Иранските и американските преговарачи во вторник одржаа индиректни разговори во Женева, кои траеја три и пол часа, но не резултираа со конкретно решение. Иранскиот преговарач Абас Арагчи изјави дека е постигнат договор за „водечките принципи“, додека американскиот потпретседател Џ. Д. Венс рече дека Иран не ги разбира „црвените линии“ поставени од претседателот Доналд Трамп.
Сателитските снимки покажуваат дека Иран активно ги зајакнува своите воени бази и нуклеарни објекти. Во текот на последните месеци беа обновени клучни ракетни објекти, воздухопловни бази и фабрики за цврсто гориво, а повеќе нуклеарни постројки се покриваат со бетон и земја за да бидат заштитени од евентуални воздушни напади.
Satellite images show Iran building concrete shields over a sensitive military site, fortifying entrances at a location reportedly bombed by Israel in 2024 near Natanz amid tensions with the US.
Read more: https://t.co/XTuPAmV7CI pic.twitter.com/hGlv7rCEeC
— Al Arabiya English (@AlArabiya_Eng) February 18, 2026
Иран, исто така, го зајакна управувањето со воената структура, формирајќи нов Комитет за одбрана и назначувајќи воени ветерани на важни позиции, додека внатрешните протести беа брутално задушени.
Во меѓувреме, земјата одржа поморски воени вежби и демонстрации на моќ, вклучувајќи затворање делови од Ормутскиот теснец и заеднички операции со Русија, испраќајќи порака дека евентуална војна со САД би била тешка и скапа.
Експертите предупредуваат дека Иран брзо ги обновува своите ракетни и нуклеарни програми и дека конфликтот би бил комплициран и со висок ризик за сите страни.
Регион
По протестот на опозицијата во Тирана, 17 лица се уапсени, а 35 под истрага
17 лица се уапсени, а против 35 се води истрага на слобода, по протестот на албанската опозиција во Тирана кој ескалираше во тензии и судири со безбедносните сили, јави RTSH.
Инцидентите започнале кога дел од демонстрантите се судриле со полицијата во близина на кабинетот на премиерот Еди Рама. Според информациите, кон зградата биле фрлани молотови коктели.
Полицијата интервенирала со солзавец за да ја растера толпата. Подоцна протестот се префрлил кон зградата на парламентот, каде што биле регистрирани нови инциденти и фрлање запаливи средства, по што следувала нова полициска интервенција.
Во судирите се повредени повеќе лица, кои се пренесени во болница.
Од полицијата информираат дека протестот не бил претходно одобрен, наведувајќи дека имало информации за можни насилства, имајќи ги предвид претходните инциденти.
Демонстрантите побараа оставка од владата по обвинувањата за корупција против вицепремиерката Белинда Балуку.

