Грција во понеделник организира работен појадок во Брисел со шефовите на дипломатијата на земјите членки на ЕУ и Северна Македонија и Албанија со порака за зајакнување на поддршката за нивниот европски пат.

„Работниот појадок што го организира Грција во понеделник е корисна можност за дијалог и зајакнување на европската перспектива за обете земји“, рече портпаролот на грчкото Министерство за надворешни работи, Александрос Гениматас.

Тој изјави дека досега 18 министри за надворешни работи на земјите од ЕУ го потврдиле нивното присуство.

Коментирајќи ја неодамнешната посета на грчкиот министер за надворешни работи Никос Дендијас на Скопје, Гениматас рече дека фокусот е ставен на билатералните односи, европската перспектива на Северна Македонија и теми поврзани со регионот.

Германската канцеларка Ангела Меркел и полскиот премиер Матеуш Моравjeцки положија цвеќе на Ѕидот на смртта во поранешниот нацистички логор на смртта Аушвиц-Биркенау и им оддадоа почит на жртвите од концентрацискиот логор, најголемиот што го покрена Хитлерова Германија за време на Втората светска војна во окупирана Полска.

Ангела Меркел доаѓа во Аушвиц за првпат во текот на нејзиниот мандат и по Хелмут Шмит и Хелмут Кол е третиот германски канцелар што го посети логорот, кој стана симбол на монструозноста на холокаустот.

Поводот што Меркел им оддава почит на милиони жртви на холокаустот и на жртвите на самиот логор во кој се убиени, особено во гасните комори над 1,1 милион луѓе, претежно Евреи, но и Синти и Роми, Полјаци, советски воени затвореници и припадници на други европски нации, 10-годишнината од основањето на Меѓународната фондација Аушвиц Биркенау.

Фондацијата собира пари од влади и меѓународни донатори за реновирање, зачувување и одржување на логорскиот комплекс.

Веќе при основањето на фондацијата, која имаше за цел да собере 120 милиони евра, Германија плати половина од сумата.

Канцеларката Меркел сега објави дека Германија ќе плати уште 60 милиони евра за  благодарение на подароците од 30 земји низ целиот свет дасе добијат пари за конзерваторски работи и да се избегне уништувањето на меморијалниот комплекс кој е важен за целото човештво.

Меркел и Моравјецки зборуваат како главни гости на одбележување на 10-годишнината од основањето на Фондацијата и заедно подоцна ќе положат венци и ќе запалат свеќи пред главниот Споменик на жртвите на холокаустот пред урнатините на поранешните гасни комори.

Мнозинство германски мигранти заминуваат во странство поради работа и повеќе пари. Меѓу нив се најголем дел академски граѓани, а најпопуларна дестинација за Германците е соседна земја која има германско говорно подрачје.

Германските имигранти претежно се високообразовани академски граѓани во најдобри години- 76 отсто од нив имаат универзитетски дипломи или се доктори на науки, односно три четвртини, но само една четвртина од германското население има високо образование. Повеќето се меѓу 20 и 40 години. Ова се податоци од студијата на Сојузниот завод за истражување на населението.

Според студијата, голем дел од испитаниците имигрирале од професионални причини.

„Често е тоа следен чекор во кариерата“, рекол политикологот Андреас Ете.

Само 18 отсто од испитаниците одговориле дека Германија ја напуштаат поради незадоволство од животот во својата земја. За голем дел од имигрантите заминувањето во странство и финансиски им се исплатело.

„Повеќе од 60 отсто од испитаниците рекле дека нето-приходите на домаќинствата во странство се подобри или многу подобри од платите кои ги имале во последните месеци во Германија“, рекол Ете.

Според податоците, во странство во моментов живеат околу 4 милиони Германци. Секоја година, во просек по 180.000 германски граѓани ја напуштаат земјата. Во истиот период се враќаат околу 130.000 граѓани.

Поради тоа на Германија не ѝ се заканува губење на квалификуваните работници, таканаречени „одлив на мозоци“. Студијата покажува дека престојот во странство е привремен и трае само неколку години.