По 11-дневна блокада, денес во Словенија се олеснуваат епидемиолошките мерки, а се укинува и шестмесечниот полициски час и се отвораат училиштата.

Часовите ќе започнат повторно во основните училишта, додека во средните училишта ќе се воведе алтернативен модел според кој групите средношколци кои доаѓаат на училиште ќе се менуваат еднаш неделно со оние што слушале часови дома.

Факултетите и средните училишта, сепак, ќе имаат нешто построг режим на настава со помали групи до 10 студенти односно ученици.

Повторно ќе бидат отворени продавниците и културните институции, а ќе биде укината и забраната за спортски активности со најмногу 10 лица.

Баровите и рестораните ќе можат да доставуваат храна и пијалоци.

Носењето заштитни маски во затворен простор останува задолжително, но носењето маски на отворено е укинато, мерка што беше многу непопуларна во Словенија за време на полицискиот час.

На само 16 километри од местото каде што беше убиен Џорџ Флојд, полицијата вчера повторно уби млад човек од афроамериканско потекло.

Според „Ројтерс“, тој бил запрен поради сообраќаен прекршок, но полициската интервенција завршила со негово убиство. Во моментов се организираат протести пред зградата на полицијата во Бруклин, каде се случи убиството.

Лутите демонстранти се судрија со полицијата, која беше принудена да употреби солзавец и гумени куршуми.

Members of an angry crowd vandalized two police vehicles after the death of a man who was shot by an officer about 10 miles from where George Floyd died during his arrest last May in Minneapolis, a Reuters witness said https://t.co/pxNZcoCZjd pic.twitter.com/o5zCy40k94

— Reuters (@Reuters) April 12, 2021

Демонстрантите извикуваа: „Правда за Џорџ Флојд“ и оштетија две полициски возила.

Младиот човек кој беше убиен е идентификуван како Дони Рајт и имал само 20 години.

Во полициско соопштение се вели дека Дони Рајт бил рутински запрен додека возел, дека од претресот било откриено дека е распишана потерница за него и дека седел во неговиот автомобил по обидот за апсење, обидувајќи се да избега, но еден од полицајците пукал во него.

Тој, сепак, избегал, но удрил во друг автомобил недалеку од местото на инцидентот и починал, објави „Ројтерс“.

Џорџ Флојд беше задавен за време на неговото апсење, кога полицаец клекна на него и го задави со коленото врз вратот.

Најголемото жариште на опасниот бразилски сој П1, што однесе десетици илјади животи во Бразил, се наоѓа во канадскиот скијачки центар Вистлер, во Британска Колумбија, објави Гардијан.

Провинциските власти мораа да го затворат одморалиштето кон крајот на март кога сфатија дека меѓу оние кои се заболени од коронавирусот има и со бразилски мутиран тип на Ковид-19.

Додека канадските провинции уриваат негативни рекорди за бројот на заболени од Ковид-19, експертите се многу загрижени за опасното и брзо ширење на разните соеви.

Од 877 потврдени случаи на сојот П1, има речиси 200 заразени во Британска Колумбија, што го прави најголемо жариште на бразилскиот сој надвор од јужноамериканската држава, каде има повеќе од милион активни случаи, а бразилските власти велат дека околу 90 проценти од пациентите страдаат од П1-вирусот.

Се верува дека П1 е многу заразен и значително фатален за помладите луѓе, и има голема моќ да ги реинфицира луѓето кои прележале Ковид-19.

Претходните студии покажаа дека може да изврши реинфекција на 25 до 61 процент од луѓето кои го прележале Ковид-19, но вистинскиот број ќе се утврди само кога ќе се знае повеќе за бразилскиот мутиран тип.