Свет
Намибија продава 170 слонови поради сѐ почести конфликти на овие животни со луѓето
Намибија објави дека продава 170 слонови поради зголемените конфликти меѓу луѓето и животните од тој загрозен вид.
Вчера беше објавен оглас во владиниот весник, во кој се нудат 170 слонови од „голема вредност“ на продажба и се повикуваат домашните и меѓународните купувачи да се јават.
Оваа слабо населена земја и погодена од суши во јужна Африка има околу 28.000 слонови, според министерот за животна средина Похамби Шифети. Одлучено било дел од нив да се продадат, откако била утврдена потребата да се намали популацијата поради сушата и зголемувањето на нивниот број, што доведува до конфликти меѓу овие животни и луѓето.
Владата одлучи да продаде слонови од повеќе причини, особено затоа што нивниот број расте, изјави тој за АФП.
„Некои земји се пожалија дека Намибија убива слонови мажјаци. Наместо тоа, решивме да ги продадеме по истражувањето“, рече Шифети.
Кога земјата се стекна со независност во 1990 година, бројот на слонови падна на околу 5.000, но тој значително се зголеми по воведувањето на програмата за заштита, која беше поздравена во светот.
Според објавата за продажба, цели стада ќе бидат фатени за да се спречи млади животни да останат напуштени.
Шифета предупреди дека Намибија ќе се погрижи земјата што ги купува да ги исполни соодветните услови.
За да се дозволи продажбата, барањата на Конвенцијата за меѓународна трговија со загрозени видови на флора и фауна (CITES) мора да бидат исполнети во земјата извозник, како и во земјата увозник.
Намибија во октомври објави дека продава и 100 диви бизони.
Во мај 2019 година, откако прогласи состојба на природна катастрофа поради суша, Намибија понуди на продажба околу илјада животни, вклучувајќи 600 бизони, 150 јужноафрикански газели, 60 жирафи и 28 слонови. Целта, според Министерството за екологија, била да се ограничат загубите на животни и да се добијат 1,1 милиони долари за зачувување на видовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп и Нетанјаху со пилотски очила во ВИ-снимка: „Победнички круг“
Во објава на Инстаграм, со која очигледно се одбележуваат шест месеци од израелскиот конфликт со Иран, прес-службата на премиерот Бенјамин Нетанјаху сподели вештачки генерирано видео на бомбардер Б-2 кој прелетува над мрежа од згради во неидентификувана пустинска област.
Во видеото, кое трае само неколку секунди, премиерот на Израел и претседателот на САД Доналд Трамп носат пилотски очила за сонце и накратко се погледнуваат.
A message to Iran: Netanyahu’s office shared an AI video showing him and U.S. President Donald Trump flying a B-2 bomber together. pic.twitter.com/rM05YsHs4J
— Open Source Intel (@Osint613) December 24, 2025
„На нашиот победнички круг. #sixmonths“, стои во описот на објавата.
Израел соопшти дека неговата сеопфатна офанзива во јуни, насочена кон највисоките ирански воени команданти, нуклеарни научници, постројки за збогатување ураниум и програмата за балистички ракети, била неопходна со цел да се спречи, како што наведуваат, иранскиот план за уништување на еврејската држава.
Иран доследно негира дека тежнее кон развој на нуклеарно оружје.
Како одговор на израелските напади, Иран истрелал кон Израел повеќе од 500 балистички ракети и околу 1.100 дронови.
Кон самиот крај на војната, Соединетите Американски Држави им се приклучија на нападите врз иранските нуклеарни постројки.
Фото: Depositphotos
Свет
Американскиот претставник во НАТО: Можен договор за Украина во следните 90 дена
Постојаниот претставник на САД во НАТО, Метју Витакер, во интервју за „Фокс њуз“ изјави дека е можен договор во Украина во следните 90 дена.
„Ако биде завршено, тоа ќе биде во следните 90 дена“, рече Витакер.
Тој додаде дека е очигледно дека оваа зима може да биде навистина тешка за Украинците поради нападите врз енергетската инфраструктура.
Витакер додаде дека Вашингтон планира да продолжи да врши притисок врз двете страни за решавање на спорот. Ако некој може да го стори тоа, нагласи постојаниот претставник на САД, тоа е американскиот претседател Доналд Трамп.
Учесниците во мировниот процес во Украина работат на четири финални документи, објави Витакер.
Според дипломатот, на преговарачката маса моментално е нацрт-мировен план од 20 точки, како и документи за мултилатерални безбедносни гаранции и специјални гаранции од САД.
Четвртиот документ е посветен на план за повоено економско закрепнување и развој.
„Сите овие документи се дискутираат во реално време. Мислам дека сега имаме прилично добро разбирање за тоа што сака Украина“, додаде Витакер.
На 20 декември, делегации од Украина, САД и европски земји се состанаа во Мајами. По разговорите, специјалниот претставник на американскиот претседател, Стивен Виткоф, и секретарот на Советот за национална безбедност и одбрана на Украина, Рустем Умеров, објавија идентични изјави на социјалните мрежи. Тие рекоа дека за време на нивните состаноци страните разговарале за мировниот план од 20 точки и безбедносните гаранции на Вашингтон за Киев.
Покрај тоа, учесниците на состанокот одвоија време да разговараат за развојот на планот „економија и просперитет“.
Според Володимир Зеленски, украинската и американската делегација подготвиле нацрт-документи за рамка за завршување на конфликтот со Русија за време на нивните разговори во Мајами.
Фото: unsplash
Свет
Католиците ширум светот денес го слават Божиќ
Католиците, протестантите и другите верници кои се придржуваат до грегоријанскиот календар, денес ширум светот го одбележуваат еден од најрадосните празници – Божиќ, со кој се слави раѓањето на Исус Христос.
Празникот традиционално се прославува во кругот на семејството, со молитва, богослужби и обичаи што се разликуваат од земја до земја, но носат заедничка порака на мир, надеж и заедништво.
Како што налагаат обичаите, предвидено е овој ден да се помине со членовите на семејството и во заедничка молитва. Рано наутро верниците одат на миса, по што следува заеднички ручек.
Според Библијата, Исус го родила Девицата Марија, која зачнала безгрешно, а при породувањето ѝ помогнал нејзиниот сопруг Јосиф. Исус се родил во штала во градот Витлеем пред повеќе од 2.000 години, опкружен со домашни животни, поради што верниците за Божиќ под елката поставуваати фигури на овци.
Домовите на верниците се посебно украсени за Божиќ и во повеќето од нив има елка под која се оставаат подароци за најмладите членови на семејството.

